ଲଭ, ସେକ୍ସ, ଧୋକା: ଯୁବତୀଙ୍କ ଗର୍ଭପାତ କରାଇ ହରଡଘଣାରେ ଯୁବକ

କନ୍ଧମାଳ: ଲଭ, ସେକ୍ସ, ଧୋକାକୁ ନେଇ ପୁଣି ଆଉ ଏକ ଅଭିଯୋଗ ଆସିଛି କନ୍ଧମାଳ ଜିଲ୍ଲାରୁ। ୭ ବର୍ଷ ହୋଇଗଲା ଉଭୟ ଯୁବକ ଯୁବତୀ ପରସ୍ପରକୁ ଭଲ ପାଉଥିଲେ। ହେଲେ ଯୁବତୀଙ୍କୁ ଧୋକା ଦେଇ ଅନ୍ୟ ଏକ ଯୁବତୀଙ୍କୁ ଦେଢ଼ ବର୍ଷ ତଳେ ବିବାହ କଲେ ଯୁବକ। କିନ୍ତୁ ନିଜର ପ୍ରଥମ ଭଲ ପାଇବାକୁ ଭୁଲି ନ ପାରି ପୁଣି ଧମକ ଦେଇ ଯୁବତୀଙ୍କ ସହ ଶାରୀରିକ ସମ୍ପର୍କରେ ରଖିଲେ। ଆଉ ପରବର୍ତ୍ତୀ ସମୟରେ ଯୁବତୀ ଜଣକ ଗର୍ଭବତୀ ହେବା ପରେ ଯୁବତୀଙ୍କ ଗର୍ଭ ନଷ୍ଟ କରାଇଲେ ଯୁବକ। 

ଆଉ ତା ପରେ ଧୋକା ଦେଇ ଯୁବକ ଚାଲିଯିବା ପରେ ଏବେ ନ୍ୟାୟ ପାଇଁ ଯୁବତୀ ଜଣକ ଥାନାର ଦ୍ୱାରାସ୍ତ ହୋଇଛନ୍ତି। କନ୍ଧମାଳ ଜିଲ୍ଲା ଦାରିଙ୍ଗିବାଡି ଥାନା ଅଞ୍ଚଳର ଜଣେ ୨୨ ବର୍ଷୀୟ ଯୁବତୀ ରାଣୀ(ଛଦ୍ମନାମ) ଆଜକୁ ୭ ବର୍ଷ ହୋଇଗଲା ସ୍ଥାନୀୟ ଲାଇନପଡ଼ା ଗ୍ରାମର ଆକାଶ ପ୍ରଧାନ ନାମକ ଯୁବକଙ୍କ ସହ ସମ୍ପର୍କ ରଖିଆସୁଥିଲେ। ଆଉ ଉଭୟ ଯୁବକ ଯୁବତୀ ପରସ୍ପରକୁ ବେଶ ଭଲ ମଧ୍ୟ ପାଉଥିଲେ। କିନ୍ତୁ ଆକାଶ ଆଜକୁ ଦେଢ଼ ବର୍ଷ ତଳେ ସମ୍ପୃକ୍ତ ଯୁବତୀଙ୍କୁ ଧୋକା ଦେଇ ଅନ୍ୟ ଏକ ଯୁବତୀଙ୍କୁ ବିବାହ କରିଥିଲେ। 

ଫଳରେ ରାଣୀ(ଛଦ୍ମନାମ) ଆକାଶଙ୍କ ଠାରୁ ସେବେଠାରୁ ଦୂରେଇ ଯାଇ ଭୁବନେଶ୍ୱର ନିଜ ଭାଇଙ୍କ ପାଖକୁ ଚାଲିଯାଇଥିଲେ। ହେଲେ କୋରୋନା ପାଇଁ ଲକଡ଼ାଉନ ଜାରି ହେବାରୁ ଗତ ମାର୍ଚ୍ଚ ୨୦ ତାରିଖରେ ରାଣୀ ପୁଣି ନିଜ ଗାଁକୁ ଚାଲିଆସିଲେ। ଆଉ ଏ ଖବର ପାଇ ଆକାଶ ପୁଣି ରାଣୀଙ୍କୁ ଭେଟି ଜୋର ଜବରଦସ୍ତ ଭାବେ ଧମକ ଦେଇ ସମ୍ପର୍କ ରଖିବାକୁ ବାଧ୍ୟ କରିଥିଲେ। ଆଉ ପରବର୍ତ୍ତୀ ସମୟରେ ରାଣୀ ଗର୍ଭବତୀ ହୋଇଥିବା ଜାଣିବାକୁ ପାଇବା ପରେ ଆକାଶକୁ ଜଣାଇଥିଲେ।

ହେଲେ ନିଜ ପରିବାର ଲୋକଙ୍କୁ ଏସମ୍ପର୍କରେ ପ୍ରିୟଙ୍କା ଜଣାଇନଥିଲେ। ଆଉ ଏହାରି ମଧ୍ୟରେ ପ୍ରିୟଙ୍କା ନିଜ ଭଉଣୀଙ୍କ ଘର ଦାରିଙ୍ଗବାଡି ବସଷ୍ଟାଣ୍ଡରେ ଆସି ରହୁଥିଲେ। ଆଉ ଗତ ୧୪ ତାରିଖ ଦିନ ଆକାଶ ଜଣେ କ୍ଲିନିକ ବାଲାକୁ ନେଇ ରାଣୀଙ୍କ ଭଉଣୀ ଘରେ ପହଞ୍ଚି ରାଣୀଙ୍କୁ ୩ଟି ଇଞ୍ଜେକ୍ସନ ଦୁଇଟି ଟାଵଲେଟ ଖାଇବାକୁ ଦେଇଥିଲେ। ଏହା ସହ ପୁଣି ୧୬ ତାରିଖ ଦିନ ପୁଣି ସେହି କ୍ଲିନିକ ବାଲାକୁ ଆକାଶ ନେଇ କି ଆସି ପୁଣି ଦୁଇଟି ଇଞ୍ଜେକ୍ସନ ଓ ଦୁଇଟି ବଟିକା ଖାଇବାକୁ ଦେଇଥିଲେ। 

ଫଳରେ ରାଣୀଙ୍କର ଗର୍ଭ ନଷ୍ଟ ହେବା ସହ ସେ ଅସୁସ୍ଥ ହୋଇଯିବାରୁ ସଙ୍ଗେ ସଙ୍ଗେ ତାଙ୍କୁ ଆକାଶ ଦାରିଙ୍ଗିବାଡି ମେଡିକାଲରେ ଭର୍ତ୍ତି କରାଇଥିଲା। ଆଉ ଏବେ ମହିଳା ଜଣକ ନ୍ୟାୟ ଦାବି କରି ଦାରିଙ୍ଗବାଡି ଥାନାର ଦ୍ୱାରାସ୍ତ ହେବା ସହ ଆକାଶକୁ ଦଣ୍ଡ ଦିଆଯାଉ ନଚେତ ମୁ ଆତ୍ମହତ୍ୟା କରିବି ବୋଲିକହୁଛନ୍ତି।ଦାରିଙ୍ଗବାଡି ପୋଲିସ ମହିଳାଙ୍କ ଅଭିଯୋଗ ଅନୁଯାଇ ୮୧/୨୦ ମାମଲା ରୁଜୁ କରିବା ସହ ତଦନ୍ତ କରି ଯୁବକ ଆକାଶ ପ୍ରଧାନ ଏବଂ କ୍ଲିନିକ ମାଲିକ ଅଶୋକ ସାହୁକୁ ଗିରଫ କରି କୋର୍ଟ ଚାଲାଣ କରିଥିବା ନେଇ ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି।