Urmila Kothare: ଅଭିନେତ୍ରୀ ଉର୍ମିଳାଙ୍କ କାର୍ ଦୁର୍ଘଟଣା, ୧ମୃତ, ଜଣେ ଗୁରୁତର

Actress Urmila Kothare car accident: ଲୋକପ୍ରିୟ ଅଭିନେତ୍ରୀ ଉର୍ମିଳା କୋଥାରେଙ୍କ କାର ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ ଅଭିନେତ୍ରୀ ଗୁରୁତର ଆହତ ହୋଇଛନ୍ତି । କାର୍ ମାଡିଯିବା କାରଣରୁ ଜଣେ ଶ୍ରମିକ ଗୁରୁତର ଆହତ ହୋଇଛନ୍ତି ଏବଂ ଅନ୍ୟଜଣେ ଜୀବନ ହରାଇଛନ୍ତି । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପରିସ୍ଥିତି ଦେଖାଦେଇଥିଲା । ଦୁର୍ଘଟଣା ପରେ କାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ସୂଚନା ଅନୁଯାୟୀ, ଶୁକ୍ରବାର ରାତିରେ ଲୋକପ୍ରିୟ ମରାଠୀ ଅଭିନେତ୍ରୀ ଉର୍ମିଲା କୋଥାରେଙ୍କ କାର ଦୁର୍ଘଟଣାର ସମ୍ମୁଖୀନ ହୋଇଥିଲା। ଅଭିନେତ୍ରୀ ନିଜ କାମ ସାରି ଫେରୁଥିବା ସମୟରେ ରାସ୍ତାରେ ଦୁର୍ଘଟଣାର ଶିକାର ହୋଇଥିଲେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶିତ ହୋଇଛି । ଦୁର୍ଘଟଣା ସମୟରେ ଅଭିନେତ୍ରୀଙ୍କ ଡ୍ରାଇଭର କାର ଚଳାଉଥିଲେ। ଡ୍ରାଇଭର କାର ଉପରେ ନିୟନ୍ତ୍ରଣ ହରାଇବା କାରଣରୁ ପୋଇସର ମେଟ୍ରୋ ଷ୍ଟେସନ ନିକଟରେ ଦୁଇ ମେଟ୍ରୋ କର୍ମଚାରୀଙ୍କ ସହ କାର ମୁହାଁମୁହିଁ ଧକ୍କା ହୋଇଥିଲା। ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ସମୟରେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଅଭିନେତ୍ରୀ ଆହତ ହୋଇ ଏକ ହସ୍ପିଚାଲରେ ଚିକିତ୍ସିତ ହେଉଥିବା ଖବର ମିଳିଛି ।

ଖବର ପାଇବା ପରେ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଦୁର୍ଘଟଣାଗ୍ରସ୍ତ କାରକୁ ଜବତ କରିବା ସହ ଡ୍ରାଇଭର ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ପୋଲିସ ଦୁର୍ଘଟଣା ସମ୍ପର୍କରେ ସୂଚନା ଦେଇ କହିଛି ଯେ, କାରରେ ଏୟାରବ୍ୟାଗ ଲଗାଯାଇଥିଲା, ଯେଉଁ କାରଣରୁ ଅଭିନେତ୍ରୀଙ୍କ ଜୀବନ ବଞ୍ଚି ଯାଇଥିଲା । ନଚେତ ଘଟଣା ଅଧିକ ଜଟିଳ ହୋଇଥାନ୍ତା । ତେବେ ଦୁର୍ଘଟଣା ପରେ କାର୍ ର ଅବସ୍ଥା ଅତ୍ୟନ୍ତ ଖରାପ ରହିଥିବା ଫଟୋରେ ଦେଖିବାକୁ ମିଳିଛି । ପୋଲିସ କହିବାନୁଯାୟୀ, କାରର ବେଗ ବହୁତ ଅଧିକ ଥିଲା ଏବଂ ଏହି ଦୁର୍ଘଟଣା ଅତ୍ୟନ୍ତ ବିପଜ୍ଜନକ ଥିଲା।

ଆପଣଙ୍କୁ କହିରଖୁଛୁ ଯେ, ଅଭିନେତ୍ରୀ ଉର୍ମିଳା ଜଣେ ଲୋକପ୍ରିୟ ମରାଠୀ ଅଭିନେତ୍ରୀ । ନିଜ ଅଭିନୟ ମାଧ୍ୟମରେ ସେ ଲୋକପ୍ରିୟତା ହାସଲ କରିବାରେ ସଫଳ ହୋଇଛନ୍ତି । ଉର୍ମିଲା ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି । ଲୋକମାନେ ତାଙ୍କ କାମକୁ ବହୁତ ପସନ୍ଦ କରନ୍ତି ଏବଂ ସେଥିପାଇଁ ସେ ଅନେକ ସମୟରେ ଖବରରେ ରହିଥା’ନ୍ତି ।

ସୂଚନାଯୋଗ୍ୟ, ଉର୍ମିଲା ଅଭିନେତା ମହେଶ କୋଥାରେଙ୍କ ପୁଅ ଅଦୀନଥ କୋଥାରେଙ୍କୁ ବିବାହ କରିଛନ୍ତି। ଅଭିନେତ୍ରୀ ଉର୍ମିଳା କେବଳ ତାଙ୍କ ବୃତ୍ତିଗତଙ୍କ ଜୀବନ ନୁହେଁ ବରଂ ତାଙ୍କ ବ୍ୟକ୍ତିଗତ ଜୀବନ ପାଇଁ ମଧ୍ୟ ଚର୍ଚ୍ଚାରେ ଥାନ୍ତି । ଉର୍ମିଳାଙ୍କ ଦୁର୍ଘଟଣା ପରେ ଅନେକ କଳାକାର ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ।