Ponniyin Selvan 1 Film : ବକ୍ସ ଅଫିସରେ ରେକର୍ଡ ଭାଙ୍ଗିଲା ଫିଲ୍ମ ପୋନିୟିନ୍ ସେଲଭାନ୍ ୧, ରିଲିଜର ସପ୍ତାହକ ପରେବି ରହିଛି କ୍ରେଜ୍

Ponniyin Selvan 1 Film :  ଫିଲ୍ମ ଫ୍ରାଇଡେରେ ଅର୍ଥାତ ସେପ୍ଟେମ୍ବର ୩୦ରେ ପରଦାକୁ ଆସିଛି ‘ପୋନିୟିନ୍ ସେଲଭାନ୍’(Ponniyin Selvan:I)। ଫିଲ୍ମଟି ବକ୍ସ ଅଫିସରେ ଧମାଲ ମଚାଉଛି । ପ୍ରଥମ ଦିନରୁ ହିଁ ଫିଲ୍ମଟି ଭଲ କଲେକସନ କରିବା ଆରମ୍ଭ କରିଥିବା ବେଳେ ଫିଲ୍ମର କଲେକସନ୍ ମଧ୍ୟ ଦିନକୁ ଦିନ ବଢିବାରେ ଲାଗିଛି । ଚଳଚ୍ଚିତ୍ର ନିର୍ମାତା ମଣିରତ୍ନାମଙ୍କ ନିର୍ଦ୍ଦେଶିତ ଫିଲ୍ମଟି ବକ୍ସ ଅଫିସରେ ରେକର୍ଡ ଭାଙ୍ଗିଛି । ଏହି ଚଳଚ୍ଚିତ୍ରଟି ଦକ୍ଷିଣ ରାଜ୍ୟରେ ପ୍ରଥମ ଦିନରେ ଧମାକାଦାର କଲେକସନ କରିଥିବା ବେଳେ ଓ୍ବିଇକ୍ ଏଣ୍ତରେ ମଧ୍ୟ ଫିଲ୍ମଟି ଭଲ ଇନକମ୍ କରିଛି । ଚଳଚ୍ଚିତ୍ରର ହିନ୍ଦୀ ସଂସ୍କରଣ ମଧ୍ୟ ଭଲ ରୋଜଗାର କରିଛି ବୋଲି ସିନେ ସମୀକ୍ଷକମାନେ କହିଛନ୍ତି । ‘ପୋନିୟିନ୍ ସେଲଭାନ୍’ ହିନ୍ଦୀ ସଂସ୍କରଣ ଦ୍ୱିତୀୟ ସପ୍ତାହରେ ଆଶାଠାରୁ ବହୁତ ଅଧିକ ଭଲ ପ୍ରଦର୍ଶନ କରିଛି । ଏବଂ ୯ ଦିନରେ ଫିଲ୍ମଟି ୧୬.୫୦ (16.50) କୋଟି ଟଙ୍କା ଆୟ କରିଛି । ଏହି ଚଳଚ୍ଚିତ୍ରଟି ଉଭୟ ସଂସ୍କରଣରେ  ୮ ଦିନରେ ୩୪୫ କୋଟିରୁ ଅଧିକ ଆୟ କରି ଅନେକ ରେକର୍ଡ ଭାଙ୍ଗିଛି  । ୨୦୨୨ ବର୍ଷର ଦ୍ୱିତୀୟ ସର୍ବାଧିକ ଆୟ କରିଥିବା ତାମିଲ ଚଳଚ୍ଚିତ୍ର ଏବଂ ସର୍ବକାଳୀନ ପଞ୍ଚମ ସର୍ବାଧିକ ଆୟ କରିଥିବା ତାମିଲ ଚଳଚ୍ଚିତ୍ରରେ ପରିଣତ ହୋଇଛି । 

ଫିଲ୍ମ ‘PS1’ହେଉଛି ଐତିହାସିକ ଡ୍ରାମା, ଯାହାର କାହାଣୀ ଚୋଳ ସାମ୍ରାଜ୍ୟର ଇତିହାସ ଉପରେ ଆଧାରିତ । କେବଳ ହିନ୍ଦୀ ହିଁ ନୁହେଁ, ଫିଲ୍ମର ଯାଦୁ ସାଉଥରେ ମଧ୍ୟ ଆରମ୍ଭ ହୋଇଛି। ମଣି ରତ୍ନମଙ୍କ ନିର୍ଦ୍ଦେଶକ ଔପନ୍ୟାସିକ ଫିଲ୍ମ ‘ପୋନିୟିନ୍ ସେଲଭାନ୍’(Ponniyin Selvan:I)ଦର୍ଶକଙ୍କୁ ବେଶ ପସନ୍ଦ ଆସିଛି । ବିକ୍ରମ, ଜୟମ ରବି, କାର୍ତ୍ତି, ତ୍ରିଶା ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଫିଲ୍ମରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରର କାହାଣୀ କାଲକି କୃଷ୍ଣମୂର୍ତ୍ତିଙ୍କ ଦ୍ୱାରା ଲିଖିତ ଉପନ୍ୟାସ ଉପରେ ଆଧାରିତ । ଏହି ହେଉଛି ଏକ ମଲ୍ଟିଷ୍ଟାର୍ ଚଳଚ୍ଚିତ୍ର। ଯେଉଁଥିରେ ସାଉଥ୍‌ରୁ ବଲିଉଡ ପର୍ଯ୍ୟନ୍ତ ଜଣାଶୁଣା ଅଭିନେତାମାନେ ନଜର ଆସିଛନ୍ତି । ଏହା ପ୍ରାୟ ୫୦୦ କୋଟି ଟଙ୍କା ବଜେଟରେ ନିର୍ମିତ ହୋଇଛି । 

ଏହାବି ପଢନ୍ତୁ : The Kapil Sharma Show : କାହିଁକି କପିଲ ଶର୍ମା ଶୋ' ଛାଡିଲେ ଅଲ୍ଲୀ ଅସଗର, ସାକ୍ଷାତକାରରେ କଲେ ବଡ ଖୁଲାସା

ଯଦି ଆମେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ  କାମର କଥା କହିବା ତେବେ, ଐଶ୍ୱର୍ଯ୍ୟା ରାୟ ବଚ୍ଚନଙ୍କ  ହାତରେ ଏବେ ଅନେକ ବଡ ପ୍ରୋଜେକ୍ଟ ରହିଛି । ଆଗାମୀ ଦିନରେ ଓ୍ବୋ କୈନ ଥି ରିମେକ,  ରାତ୍ ଔର ଦିନ୍ ରିମେକ୍ ଓ ସଞ୍ଚୟ ଘୋଷଙ୍କ ଫିଲ୍ମ ମଧ୍ୟ ରହିଛି ।  ଐଶ୍ୱର୍ଯ୍ୟା ରାୟ ବଚ୍ଚନ  ୧୯୭୩ ନଭେମ୍ବର ୧ ତାରିଖରେ  କର୍ଣ୍ଣାଟକର ମାଙ୍ଗାଲୋରରେ ଜନ୍ମଗ୍ରହଣ କରିଥିଲେ। 1997 ରେ ଅୈର ପ୍ୟାର ହୋ ଗାୟା ଫିଲ୍ମରେ ଡେବ୍ୟୁ କରିଥିଲେ ସେ । ପରେ ବଲିଉଡକୁ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଆସିଛନ୍ତି । ସେ ହାମ ଦିଲ୍ ଦେ ଚୁକେ ହେ ସନମ୍, ତାଲ୍ ଓ ଆ ଆବ୍ ଲୈଟ ଚାଲେ ଭଳି ହିଟ୍ ଫିଲ୍ମରେ ଅଭିନୟ କରି ଦର୍ଶକଙ୍କ ହୃଦୟରେ ରାଜ୍ କରୁଛନ୍ତି ।