Cannes Film Festival : ଦୀପିକା ପାଦୁକୋନ ବନିଲେ ଜୁରୀ ମେମ୍ବର

ଅଭିନୟ ପାଇଁ ଦର୍ଶକଙ୍କ ହୃଦୟରେ ରାଜ୍ କରନ୍ତି ଦୀପିକା ।ସୋସିଆଲ ମିଡିଆରେ ସେୟାର କଲେ ଖୁସି ଖବର । କାନ୍ସ ଫିଲ୍ମ ଫେଷ୍ଟିଭାଲ ମେ ୧୭ ତାରିଖରୁ ଆରମ୍ଭ ହୋଇ ମେ ୨୮ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ସାରା ଦୁନିଆରୁ ବହୁ ସେଲିବ୍ରିଟି ସାମିଲ ହୋଇ ରେଡ୍ କାର୍ପେଟରେ ନିଜ ଜଲୱା ଦେଖାଇବେ

ନୂଆଦିଲ୍ଲୀ: ଦୀପିକା ପାଦୁକୋନ (Deepika Padukone) ନିଜ ଅଭିନୟ ଏବଂ ନିଆରା ବ୍ୟକ୍ତିତ୍ୱ ପାଇଁ ଦର୍ଶକଙ୍କ ହୃଦୟରେ ରାଜ କରନ୍ତି । ନିଜ ଫିଲ୍ମ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି ଦୀପିକା । ତାଙ୍କୁ ପରଦା ଉପରେ ଦେଖିବା ପାଇଁ ଦର୍ଶକ ଉତ୍ସାହର ସହ ଅପେକ୍ଷା କରିଥାନ୍ତି ।  ଦୀପିକା ନିଜ ଫ୍ୟାନ୍ସଙ୍କୁ ଖୁସି ଖବର ଦେଇଛନ୍ତି ।ତାଙ୍କୁ କାନ୍ସ ଫିଲ୍ମ ଫେଷ୍ଟିଭାଲ  (Cannes Film Festival)ର ମୁଖ୍ୟ ଜୁରୀ ଭାବେ ଚୟନ କରାଯାଇଛି । ଏହି ଖୁସି ଖବର ବଲିଉଡ ଅଭିନେତ୍ରୀ ଦୀପିକା ନିଜ ସୋସିଆଲ ମିଡିଆ ହ୍ୟାଣ୍ଡେଲ ଜରିଆରେ ଫ୍ୟାନ୍ସଙ୍କ ସହ ସେୟାର କରିଛନ୍ତି । ଫ୍ରାନ୍ସର ଭେଟେରାନ ଆକ୍ଟର ବିନସେଣ୍ଟ ଲିଣ୍ଡନ (Vincent Lindon)ଙ୍କୁ ଜୁରୀ ଅଧ୍ୟକ୍ଷ ଭାବେ ଚୟନ କରାଯାଇଛି । ଏଥିରେ ଦୀପିକାଙ୍କୁ ପ୍ୟାନେଲ ମେମ୍ବର ଚୟନ କରାଯାଇଛି ।

ଦୀପିକା ଏହି ଖବର ସୂଚନା ଦେବା ସହ ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ଦୀପିକାଙ୍କ ସହ କାନ୍ସ ଫିଲ୍ମ ଫେଷ୍ଟିଭାଲ  (Cannes Film Festival) ପାଇଁ ଚୟନ ହୋଇଥିବା ଅନ୍ୟ ଜୁରୀ ମେମ୍ବରଙ୍କ ଫଟୋ ମଧ୍ୟ ରହିଛି ।  କାନ୍ସ ଫିଲ୍ମ ଫେଷ୍ଟିଭାଲ  ଆସନ୍ତା ମେ ମାସ ୧୭ ତାରିଖରେ ଆୟୋଜିତ ହେବାକୁ ଯାଉଛି । ଏହି ଫେଷ୍ଟିଭାଲ ମେ ୧୭ ତାରିଖରୁ ଆରମ୍ଭ ହୋଇ ମେ ୨୮ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ସାରା ଦୁନିଆରୁ ବହୁ ସେଲିବ୍ରିଟି ସାମିଲ ହୋଇ ରେଡ୍ କାର୍ପେଟରେ ନିଜ ଜଲୱା ଦେଖାଇବେ । ଭାରତରୁ ଦୀପିକା ପାଦୁକୋନଙ୍କ ବ୍ୟତୀତ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ସୋନମ କପୁର ମଧ୍ୟ ରେଡ୍ କାର୍ପେଟର ଶୋଭା ବଢାନ୍ତି । ହେଲେ ଚଳିତ ବର୍ଷ ସୋନମ କପୁର ରେଡ୍ କାର୍ପେଟରେ ସାମିଲ ନହୋଇପାରନ୍ତି ବୋଲି ଚର୍ଚ୍ଚା ହେଉଛି ।

ନିଜ ପ୍ରେଗନେନ୍ସି ପାଇଁ ସୋନମ କପୁର କାନ୍ସ ଫିଲ୍ମ ଫେଷ୍ଟିଭାଲରେ ସାମିଲ ହେବେ କି ନାହିଁ ତାହା ମେ ୧୭ ତାରିଖରେ ହିଁ ଜଣାପଡ଼ିବ ।  ଭାରତୀୟ ସଦସ୍ୟ ଭାବେ କେବଳ ଦୀପିକା  ୭୫ ତମ କାନ୍ସ ଫିଲ୍ମ ଫେଷ୍ଟିଭାଲରେ ଜୁରୀ ବନିଛନ୍ତି । ତେବେ  ପ୍ରଥମ ଥର  ଜୁରୀ ହିସାବରେଦୀପିକା କାନ୍ସ ଫିଲ୍ମ ଫେଷ୍ଟିଭାଲରେ ସାମିଲ ହେବାକୁ ଯାଉଛନ୍ତି । ଦୀପିକା ୨୦୧୭ ମସିହାରେ ରେଡ୍ କାର୍ପେଟ  ଡେବ୍ୟୁ କରିଥିଲେ ।କାନ୍ସ ଫିଲ୍ମ ଫେଷ୍ଟିଭାଲରେ ଜୁରୀ ଭାବେ ଦୀପିକାଙ୍କୁ ଚୟନ କରାଯାଇଥିବାରୁ ସେ ବହୁତ ଖୁସି ଅଛନ୍ତି ।ଦୀପିକାଙ୍କ ଫିଲ୍ମ କଥା କହିବାକୁ ଗଲେ ଦୀପିକାଙ୍କ ହାତରେ ଅନେର ବଡ଼ ବଡ଼ ଫିଲ୍ମର ଅଫର ରହିଛି ।

ଶାହରୁଖ ଏବଂ ଜନ୍ ଅବ୍ରାହମଙ୍କ ସହ ପଠାନ୍ (Pathan) ଫିଲ୍ମରେ ନଜର ଆସିବେ ଦୀପିକା । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ (Sidharth Anand) ।ଫିଲ୍ମଟି ଆସନ୍ତା ବର୍ଷ ଜାନୁଆରୀ ୨୫ରେ ରିଲିଜ ହେବ ବୋଲି ଜଣାପଡ଼ିଛି । ସେହିପରି ହ୍ରିତିକ ରୋଶନ (Hrithik Roshan)ଙ୍କ ସହ ଫାଇଟର  (Fighter)ଫିଲ୍ମରେ ନଜର ଆସିବେ ଦୀପିକା । ଏହି ଫିଲ୍ମରେ ମଧ୍ୟ ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେଇଛନ୍ତି । ଫିଲ୍ମଟି ଆସନ୍ତା ବର୍ଷ ସେପ୍ଟେମ୍ବର ୨୮ ସୁଦ୍ଧା ସିନେମା ଘରେ ରିଲିଜ ହେବାନେଇ ଜଣାପଡ଼ିଛି । ଚଳିତ ବର୍ଷ ଫେବୃଆରୀ ୧୧ ତାରିଖରେ  ଦୀପିକା ପାଦୁକୋନଙ୍କ ଫିଲ୍ମ ଗେହରାଇୟା ରିଲିଜ ହୋଇଥିଲା । ଏଥିରେ ଅନନ୍ୟା ପାଣ୍ଡେ , ସିଦ୍ଧାର୍ତ ଚତୁର୍ବେଦୀ ପ୍ରମୁଖ ନଜର ଆସିଥିଲେ ।