Drishyam 2 New Poster : 'କବର ଭିତରୁ ବାହାରିବ ଲାସ୍'

Drishyam 2 New Poster Release : ଆଗକୁ ଆସୁଛି  ଅଜୟ ଦେବଗନଙ୍କ ବହୁ ପ୍ରତିକ୍ଷିତ ଫିଲ୍ମ 'ଦୃଶ୍ୟମ ୨'(Drishyam 2 ) । ଗତ କିଛି ଦିନ ତଳେ ଏହି ଫିଲ୍ମର ଟିଜର ରିଲିଜ୍ ହୋଇଥିବା ବେଳେ ଆଜି ଫିଲ୍ମର ଅଭିନେତ୍ରାଙ୍କ ପ୍ରଥମ ଲୁକ୍ ପୋଷ୍ଟର ସେୟାର କରାଯାଇଛି। ଅଜୟ ନିଜେ ଏହି ପୋଷ୍ଟକୁ ସୋସିଆଲ୍‌ ମିଡିଆରେ ସେୟାର କରିଛନ୍ତି। ସେୟାର ହୋଇଥିବା ପୋଷ୍ଟରରେ ଅଜୟଙ୍କ ଲୁକ ବହୁତ ଦମ୍‌ଦାର ରହିଛି। ପୋଷ୍ଟରେ ଅଜୟ ତାଙ୍କ ହାତରେ ଏକ ବେଲଚା ଧରିଥିବାର ନଜର ଆସିଛନ୍ତି। ଏହା ସହିତ ଅଜୟ କ୍ୟାପସନରେ ଲେଖିଛନ୍ତି, ‘ପ୍ରଶ୍ନ ଆପଣଙ୍କ ଆଖି ସାମ୍ନାରେ ନୁହେଁ, ପ୍ରଶ୍ନ ହେଉଛି ଆପଣ କଣ ଦେଖୁଛନ୍ତି’ । ଏହା ସହିତ ଅଭିନେତା ଫିଲ୍ମର ରିଲିଜ୍ ତାରିଖ ବିଷୟରେ ସୂଚନା ମଧ୍ୟ ସେୟାର କରିଛନ୍ତି।

ଗତ କିଛିଦିନ ତଳେ ଫିଲ୍ମର ଏକ ପୋଷ୍ଟର ରିଲିଜ୍ ହୋଇଥିଲା।  ଫିଲ୍ମର ପୋଷ୍ଟରରେ ଦେଖିବାକୁ ମିଳିଛି ଯେ, ଅଜୟ ତାଙ୍କ ପରିବାର ସହିତ ଛିଡା ହୋଇଛନ୍ତି । ଅଜୟଙ୍କ ହାତରେ କୋଦାଳ, ଅଜୟଙ୍କ ପତ୍ନୀ ଭୂମିକାରେ ଦକ୍ଷିଣ ଅଭିନେତ୍ରୀ ଶ୍ରୀୟା ସରନ କାନ୍ଧରେ ଏକ ବ୍ୟାଗ ଧରି ଛିଡା ହୋଇଛନ୍ତି । ସେହିଭଳି ଅଜୟଙ୍କ ବଡ଼ ଝିଅର ହାତରେ ଲୁହା ରଡ ଏବଂ ସାନ ଝିଅର ହାତରେ ସିଡି ଡ୍ରାଇଭ ଅଛି । ସମସ୍ତେ ସ୍ବାମୀ ଚିନ୍ମୟାନନ୍ଦ ଜୀଙ୍କର ଆଶ୍ରମ ପେଣ୍ଡାଲ ଆଡକୁ ମୁହାଁଇଛନ୍ତି । ପୋଷ୍ଟରର ବାମ ପାର୍ଶ୍ୱରେ ଫିଲ୍ମ ରିଲିଜ୍ ତାରିଖ ୧୮ ନଭେମ୍ବର ୨୦୨୨ ଲେଖାଯାଇଛି । ଏହି ଫିଲ୍ମକୁ ଅଭିଷେକ ପାଠକ ନିର୍ଦ୍ଦେଶନା ଦେଇଛନ୍ତି ।  ଚଳଚ୍ଚିତ୍ରର ପ୍ରଥମ ଭାଗର ସଫଳତା ପରଠାରୁ ଦର୍ଶକମାନେ ଏହାର ଦ୍ୱିତୀୟ ଭାଗକୁ ଅପେକ୍ଷା କରିଥିଲେ । କିଛି ସମୟ ପୂର୍ବରୁ ଚଳଚ୍ଚିତ୍ରର ସାଉଥ ଭର୍ସନରେ ପାର୍ଟ-୨ ରିଲିଜ୍‌ ହୋଇଥିଲା । ଏହା ପରେ ପୁଣି ହିନ୍ଦୀ ଭର୍ସନର ଚାହିଦା ବଢିଗଲା।  

ଏହାବି ପଢନ୍ତୁ : Actor Allu Arjun : ଅଲ୍ଲୁ ସୋସିଆଲ ମିଡିଆରେ ସେୟାର କଲେ ଏଭଳି କିଛି ଫଟୋ, ଫ୍ୟାନ୍ସ ହେଲେ ତାଜୁବ୍

Sawaal yeh nahin ki aapki aakhon ke saamne kya hai; sawaal yeh hai ki aap dekh kya rahe hain. #Drishyam2
Case Reopens on 18th November, 2022.#Tabu #AkshayeKhanna @shriya1109 #RajatKapoor @ishidutta #MrunalJadhav @AbhishekPathakk #BhushanKumar @KumarMangat pic.twitter.com/SmiS6er0i3

— Ajay Devgn (@ajaydevgn) October 15, 2022

ଏହା ପରେ ଦୃଶ୍ୟମ ପାର୍ଟ ୨ର ସୁଟିଂ ଆରମ୍ଭ ହୋଇଥିଲା। ଫିଲ୍ମରେ ଅଜୟ ଦେବଗନ୍, ତବୁ, ଶ୍ରେୟା ସରନ୍ ,ଅକ୍ଷୟ ଖାନ୍ନା, ଇସିତା ଦତ୍ତ, ମୃଣାଳ ଯାଦବ ଓ ରଜତ କପୁର ନଜର ଆସିବେ । ଫିଲ୍ମଟି ୧୮ ନଭେମ୍ବରରେ ସିନେମା ହଲକୁ ଆସିବ । ଯାହାକୁ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ତେବେ, ଏ ଫିଲ୍ମଟି ବକ୍ସ ଅଫିସରେ ଭଲ ରୋଜଗାର କରିବା ସହ ଦର୍ଶକଙ୍କ ମନକୁ ଛୁଇଁବ ବୋଲି ଫିଲ୍ମର ପୁରାଷ୍ଟାରକାଷ୍ଟ ଆଶା ରଖିଛନ୍ତି । ଫିଲ୍ମଟି ପ୍ରଥମ ଭାଗଠାରୁ ଦ୍ବିତୀୟ ଭାଗ ଅଧିକ ଭଲ ହୋଇଥିବା ବୋଲି ଅନେକ ଚର୍ଚ୍ଚା ମଧ୍ୟ କରୁଛନ୍ତି । ବର୍ତ୍ତମାନ ଅଜୟ ଦେବଗନଙ୍କ ହାତରେ ଅନେକ ବଡ ପ୍ରୋଜେକ୍ଟ ରହିଛି। 'ଦୃଶ୍ୟମ ୨' ବ୍ୟତୀତ ଅଜୟ ଦେବଗନ୍ ଫିଲ୍ମ 'ଭୋଲା' ଏବଂ 'ଥ୍ୟାଙ୍କ୍ ଗଡ୍' ସହିତ ଚର୍ଚ୍ଚାରେ ଅଛନ୍ତି ।  ଭୋଲା ସାଉଥ ଫିଲ୍ମ କଏଦୀଙ୍କ ସରକାରୀ ହିନ୍ଦୀ ରିମେକ ବୋଲି କୁହାଯାଉଛି । ଏଥି ସହିତ, ଫିଲ୍ମ ଥ୍ୟାଙ୍କ୍ ଗଡ୍ ଏକ ରୋମାଣ୍ଟିକ, ଡ୍ରାମା ଏବଂ କମେଡି ଫିଲ୍ମ, ଯେଉଁଥିରେ ଅଜୟ ଦେବଗନ ଚିତ୍ରଗୁପ୍ତଙ୍କ ଚରିତ୍ରରେ ଅଭିନୟ କରୁଛନ୍ତି । ଫିଲ୍ମ ଥ୍ୟାଙ୍କ୍ ଗଡ୍‌ରେ ସିଦ୍ଧାର୍ଥ ମଲହୋତ୍ରା ଏବଂ ରକୁଲ ପ୍ରୀତ ସିଂ ମୁଖ୍ୟ ଭୂମିକାରେ ଅଛନ୍ତି ।