Shah Rukh Khan Tweet: ଜାଣନ୍ତୁ କିଙ୍ଗ ଖାନଙ୍କ ପ୍ରଥମ ପ୍ରେମିକା କିଏ ? ଫ୍ୟାନ୍ସଙ୍କ ଆଗରେ କଲେ ଖୁଲାସା

Shah Rukh Khan Tweet: ବଲିଉଡ ସୁପରଷ୍ଟାର ଶାହରୁଖ ଖାନ୍ ।  ବଲିଉଡର ଏଷ୍ଟାର ଜଣକ ବର୍ତ୍ତମାନ ତାଙ୍କ ଆଗାମୀ ଫିଲ୍ମ 'ପଠାନ'ରେ ପ୍ରମୋସନରେ ବ୍ୟସ୍ତ ଅଛନ୍ତି । ଏହି ସମୟରେ ଶାହାରୁକ ଫିଲ୍ମକୁ ଅଧିକ ପ୍ରମୋସନ କରିବା ପାଇଁ ସୋସିଆଲ ମିଡିଆର ସାହାର୍ଯ୍ୟ ନେଇଛନ୍ତି । ଟୁଇଟରେ ଶାହରୁକ (Ask Me Anything session on Twitter) ଆସକ ମି ଏନିଥିଙ୍ଗ  ସେସନ୍ ଅନ୍ ଟୁଇଟରରେ ନିଜ ଫ୍ୟାନ୍ସଙ୍କ ସହ 'ପଠାନ' ଓ ନିଜ ବ୍ୟକ୍ତିଗତ ଜୀବନ ସହ ଖୋଲାଖୋଲି ଭାବେ ଆଲୋଚନା କରିଛନ୍ତି। ଯାହାକୁ ନେଇ ପ୍ରସଶଂକମାନେ ବେଶ ଖୁସି ହେବା ସହ ତାଙ୍କୁ ଅନେକ ପ୍ରଶ୍ନ ମଧ୍ୟ ପଚାରିଥିଲେ । ଏପରିକି କିଙ୍ଗ ଖାନ ମଧ୍ୟ ପ୍ରଶଂସକମାନେ ପଚାରିଥିବା ପ୍ରଶ୍ନର ଉତ୍ତର ଦେଇଥିଲେ ।   

My wife Gauri https://t.co/PyOqFUf7zz

— Shah Rukh Khan (@iamsrk) January 12, 2023

ଶାହରୁଖଙ୍କ ତାଙ୍କ ଗର୍ଲଫ୍ରେଣ୍ଡର ନାଁ ପଚାରିଲେ ଫ୍ୟାନ୍ସ:
ତେବେ, ଆସକ୍ ମି ଏନିଥିଙ୍ଗ ସେସନରେ କିଙ୍ଗ ଖାନଙ୍କୁ ଜଣେ ତାଙ୍କର ପ୍ରଶଂସକ ପଚାରିଥିଲେ ଯେ, ସାର ଆପଣଙ୍କର ପ୍ରଥମ ଗାର୍ଲଫ୍ରେଣ୍ତ କିଏ ? ଏହାର ଉତ୍ତରରେ ଶାହାରୁଖ ଖାନ୍ କହିଥିଲେ ଯେ, ମୋର ପ୍ରଥମ ଗାର୍ଲଫ୍ରେଣ୍ତ ହେଉଛନ୍ତି ମୋର ପ୍ରେମିକା ତଥା ସ୍ତ୍ରୀ ଗୌରୀ । ଏହାଶୁଣି ପ୍ରଶଂସକ ଜଣକ ବେଶ ଖୁସି ହୋଇଯାଇଥିଲେ। ଶାହରୁକ ଖାନଙ୍କ ଏହି ଉତ୍ତର ଦର୍ଶକଙ୍କ ମନ କିଣି ନେଇଥିଲା ।

୧୯୯୧ରେ ଶାହରୁଖ ଓ ଗୌରୀ ଖାନଙ୍କ ବିବାହ ହୋଇଥିଲା :

ତେବେ ,ଏଠାରେ ଆମେ ଆପଣଙ୍କୁ କହି ରଖୁଛୁ ଯେ,ଶାହରୁଖ ଖାନ୍ ଓ ତାଙ୍କ ପ୍ରେମିକା ତଥା ପତ୍ନୀ ଗୌରୀ ଖାନଙ୍କ ପ୍ରେମୀକାହାଣୀ କୌଣସି ଫିଲ୍ମ ଠାରୁ କମ୍ ନୁହେଁ । ଯେତେବେଳେ ଶାହରୁକ ଓ ଗୌରୀ ଖାନଙ୍କ ପ୍ରଥମ ସାକ୍ଷାତ ହୋଇଥିଲେ ସେତେବେଳେ ଉଭୟଙ୍କ ବୟସ ବହୁତ କମ୍ ଥିଲା। ପ୍ରଥମ ଦେଖାରେ ହିଁ ଉଭୟ ଉଭୟଙ୍କୁ ମନ ଦେଇ ବସିଥିଲେ। ୧୯୯୧ ମସିହାରେ ଶାହରୁଖ ଖାନଙ୍କ ଗୌରୀ ଖାନଙ୍କୁ ବିବାହ କରିଥିଲେ। ତେବେ, ସେହି ସମୟରେ ଶାହରୁଖ ଖାନ ବଲିଉଡରେ ଏତେ ନାଁ କରି ନଥିଲେ। ତେବେ,ଏହି ଦମ୍ପତିଙ୍କର ତିନୋଟି ସନ୍ତାନ ଅଛନ୍ତି । ଯାହାର ନାମ ଆର୍ଯ୍ୟନ୍ ଖାନ୍, ସୁହାନା ଖାନ୍ ଏବଂ ଅବରାମ ଖାନ୍ ।

ଏହି ଦିନ 'ପଠାନ' ରିଲିଜ ହେବ

ୟଶରାଜ ଫିଲ୍ମ ଜାନୁଆରି ୧୦ ତାରିଖ ମଙ୍ଗଳବାର ଦିନ ୧୧ଟା ସମୟରେ ନିଜର ଅଫିସିଆଲ ୟୁଟ୍ୟୁବ ଚ୍ୟାନେଲରୁ ‘ପଠାନ’ର ଟ୍ରେଲର ମୁକ୍ତିଲାଭ କରିଥିଲା। ଏହା ରିଲିଜ୍ ହେବା ମାତ୍ରେ ଚର୍ଚ୍ଚାରେ ରହିଥିଲା।  ବାସ୍ତବରେ ଦେଖିବାକୁ ଗଲେ ‘ପଠାନ’ର ଟ୍ରେଲର ରିଲିଜ ହେବାର ୨୪ ଘଣ୍ଟା ପରେ ୟୁଟ୍ୟୁବରେ ୨୪ମିଲିୟନରୁ ଅଧିକ ଭ୍ୟୁ ପାଇଥିଲା ବେଳେ ଟ୍ରେଲରକୁ ୧.୭ ମିଲିୟନ୍ ଲାଇକ୍ ମିଳିଛି। ପ୍ରାୟ ୪ ବର୍ଷ ପରେ ଶାହରୁଖ ଖାନ ‘ପଠାନ’ ସହିତ ବଡ ପରଦାକୁ ଫେରୁଛନ୍ତି। ଏଭଳି ପରିସ୍ଥିତିରେ ତାଙ୍କ ପ୍ରଶଂସକମାନେ ଫିଲ୍ମ ପାଇଁ ବହୁତ ଉତ୍ସାହିତ ଅଛନ୍ତି। ଫିଲ୍ମଟି ଜାନୁଆରି ୨୫ରେ ସାରା ବିଶ୍ୱ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଫିଲ୍ମର ଲିଡ ରୋଲରେ ଶାହରୁକ ଖାନ୍, ଦୀପିକା ପାଦୁକୋନ ଓ ଜନ୍ ଆବ୍ରାହମ ନଜର ଆସିବେ।