Search Engine: ଏହା ହେଉଛି ସେହି ୪ ଦେଶ, ଯେଉଁଠାରେ ଗୁଗୁଲ କୁ କେହି ପଚାରନ୍ତି ନାହିଁ

search engine by country: ସର୍ଚ୍ଚ ଇଞ୍ଜିନ କ୍ଷେତ୍ରରେ ଗୁଗୁଲ ବିଶ୍ୱରେ ଏକ ପ୍ରକାର ଆଧିପତ୍ୟ ଜମାଇ ବସିଛି। ହେଲେ କ'ଣ ଆପଣ ଜାଣିଛନ୍ତି ବିଶ୍ୱରେ ଏପରି ୪ ଦେଶ ରହିଛି ଯେଉଁଠି ଇଣ୍ଟରନେଟ୍ ବ୍ୟବହାରକାରୀଙ୍କ ପାଇଁ ଗୁଗୁଲ ହେଉଛି କେବଳ ଏକ ବିକଳ୍ପ।

popular search engines in the world: ସମଗ୍ର ବିଶ୍ୱରେ ଗୁଗୁଲ ଏକ ପ୍ରମୁଖ ସର୍ଚ୍ଚ ଇଞ୍ଜିନ୍ ଭାବରେ ବ୍ୟବହୃତ ହେଉଛି। ଏହି ସର୍ଚ୍ଚ ଇଞ୍ଜିନ୍ ପୃଥିବୀର ପ୍ରାୟ ୨ ଶହରୁ ଅଧିକ ଅଞ୍ଚଳର ଇଣ୍ଟରନେଟ ବଜାରର ୯୦ ପ୍ରତିଶତ ସ୍ଥାନ ଅଧିକାର କରିଛି। ହେଲେ ତଥାପି ଗଗୁଲ ବିଶ୍ୱର ସର୍ଚ୍ଚ ଇଞ୍ଜିନ୍ ବଜାରକୁ ସମ୍ପୂର୍ଣ୍ଣ ନିୟନ୍ତ୍ରଣ କରିବା ଠାରୁ ଟିକିଏ ଦୂରରେ ରହିଛି। ହେଲେ କ'ଣ ଆପଣ ଜାଣିଛନ୍ତି ବିଶ୍ୱରେ ଏପରି ୫ ଦେଶ ରହିଛି ଯେଉଁଠାରେ ଗୁଗଲ ଉପଲବ୍ଧ ନାହିଁ। ଗୁଗୁଲ୍ ଆମ ମାନଙ୍କ ମଧ୍ୟରୁ ଅନେକଙ୍କ ପାଇଁ ଏକ ମୂଳ ଏବଂ ସର୍ବଭାରତୀୟ ସେବା ପରି ମନେହୁଏ।  ହେଲେ ଉପରୋକ୍ତ ଚାରୋଟି ଦେଶରେ ଇଣ୍ଟରନେଟ୍ ବ୍ୟବହାରକାରୀଙ୍କ ପାଇଁ ଗୁଗୁଲ ବୋଧହୁଏ ଏକ ବିକଳ୍ପ। 

ଚୀନ୍
ଆଜିର ଦିନରେ ଚୀନ୍‌ ଭଳି ଦେଶରେ ବିଦେଶୀ ଇଣ୍ଟରନେଟ ସେବା ଏବଂ ସୋସିଆଲ ମିଡ଼ିଆ ବ୍ୟବହାର କରିବା କ୍ଷେତ୍ରରେ ଅନେକ ପ୍ରତିବନ୍ଧକ ଲଗାଯାଇଛି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଗୁଗୁଲ୍, ବିଙ୍ଗ୍, ୟାହୁ ଏବଂ ଅନ୍ୟାନ୍ୟ ସର୍ଚ୍ଚ ଇଞ୍ଜିନ୍ ଆମେ ଚୀନ୍ ଠାରେ ଉପଲବ୍ଧ ନାହିଁ। ଫେସବୁକ୍, ଟ୍ୱିଟର, ୟୁଟ୍ୟୁବ୍ ଏବଂ ହ୍ୱାଟସ୍ ଆପ୍ ଭଳି ସୋସିଆଲ୍ ମିଡିଆ ପ୍ଲାଟଫର୍ମ ମଧ୍ୟ ଏଠାରେ ଅବରୋଧ କରାଯାଇଛି। ହେଲେ ପ୍ରଶ୍ନ ଉଠୁଛି

ଚୀନ୍ ନାଗରିକ ଇଣ୍ଟରନେଟ୍ ପାଇଁ  କେଉଁ ସର୍ଚ୍ଚ ଇଞ୍ଜିନ ବ୍ୟବହାର କରିଥାନ୍ତି? ବୈଦେଶିକ ବୈଷୟିକ କମ୍ପାନୀ ବିରୋଧରେ ପ୍ରତିବନ୍ଧକ ଲଗାଇ ରଖିଛନ୍ତି ଚୀନ ସରକାର। ଦେଶରେ ଏଭଳି ସେନ୍ସର ଲଗାଇବାର ଅର୍ଥ ହେଉଛି ଯେ ସ୍ୱଦେଶୀ  ଆଲିବାବା, ଟେନସେଣ୍ଟ ଏବଂ ବାଇଡୁ ଭଳି ନିଜସ୍ୱ ବୈଷୟିକ ସଂସ୍ଥା ସହିତ ଚୀନ୍ ନିଜର ବୈଷୟିକ ଶିଳ୍ପ ବୃଦ୍ଧି କରିବାର ସୁଯୋଗ ପାଇଛି।

ସର୍ଚ୍ଚ ଇଞ୍ଜିନ୍ ପାଇଁ ଚୀନୀ ଇଣ୍ଟରନେଟ୍ ବ୍ୟବହାରକାରୀ ବାଇଡୁ କିମ୍ବା ସୋଗୋୟୁ ବ୍ୟବହାର କରିଥାନ୍ତି। ୨୦୨୧ ଅପ୍ରେଲ୍ ପର୍ଯ୍ୟନ୍ତ ସର୍ଚ୍ଚ ଇଞ୍ଜିନ ବାୟୁଡୁ ବାଇଡୁ ମୂଳ ଚୀନ ଭୂଖଣ୍ଡରେ ସର୍ଚ୍ଚ ଇଞ୍ଜିନ୍ ବଜାରରେ ୬୯.୫୫% ସ୍ଥାନ ଦଖଲ କରିନେଇଛି। ଅନ୍ୟପଟେ ସୋଗୋୟୁ ୧୬.୮୪% ସ୍ଥାନ ଦଖଲ କରିଛି। ହେଲେ ତଥାପି ଗୁଗୁଲ ଚୀନ ସରକାରଙ୍କ ସ୍ୱତନ୍ତ୍ର ପ୍ରଶାସନିକ ଅଞ୍ଚଳ ହଂକଂ ଏବଂ ମାକାଉ ଠାରେ ଉପଲବ୍ଧ ରହିଛି।

ଉତ୍ତର କୋରିଆ
ଚୀନ ପରି ଏହାର ସହଯୋଗୀ ଉତ୍ତର କୋରିଆ ମଧ୍ୟ ବିଶ୍ୱରୁ ଏକ ପ୍ରକାର ବିଚ୍ଛିନ୍ନ ହୋଇରହିଛି। ଯାହାର ଅର୍ଥ ହେଉଛି ଉତ୍ତର କୋରିଆ ଭଳି ଦେଶରେ ଗୁଗୁଲ ଉପରେ ଆଶ୍ଚର୍ଯ୍ୟଜନକ ଭାବେ ନିଷେଧାଦେଶ ଜାରି କରାଯାଇଛି। ଏହି ଦେଶର ସମସ୍ତ ସୋସିଆଲ ମିଡିଆ ସାଇଟ ବ୍ୟବହାର କରିବା ମଧ୍ୟ ନିଷେଧ। ଦେଶର ଜନସାଧାରଣଙ୍କ ପାଇଁ ଉତ୍ତର କୋରିଆ ଇଣ୍ଟରନେଟ୍ ଉପଲବ୍ଧ କରାଉ ନାହାଁନ୍ତି। ଚୀନ ଭଳି ଉତ୍ତର କୋରିଆ ସେପରି କୌଣସି ସର୍ଚ୍ଚ ଇଞ୍ଜିନ୍ ବିକଶିତ କରିନାହିଁ। 

ଅଣ ସରକାରୀ ସୂତ୍ରରୁ ମିଳିଥିବା ଖବର ଅନୁଯାୟୀ ଉତ୍ତର କୋରିଆ ସରକାରଙ୍କ ଉଚ୍ଚପଦସ୍ଥ ଅଧିକାରୀଙ୍କ ପାଖରେ ଗୁଗୁଲ ଭଳି ସର୍ଚ୍ଚ ଇଞ୍ଜିନ୍ ବ୍ୟବହାର କରିବାର ଅନୁମତି ରହିଥିବା କୁହାଯାଉଛି। ଯଦିଓ ଏହି ରିପୋର୍ଟ ଏ ପର୍ଯ୍ୟନ୍ତ ନିଶ୍ଚିତ ହୋଇନାହିଁ। ହେଲେ ଗତ ୨୦୧୮ ବର୍ଷରେ ଆସିଥିବା ଏକ ରିପୋର୍ଟ ଅନୁସାରେ କୋରିଆ ସରକାରଙ୍କ ଅଧିକାରୀ ଗୁଗୁଲ ବ୍ୟବହାର କରୁଥିଲେ। ହେଲେ ପରେ ରାଜନୈତିକ କାରଣରୁ ସେମାନେ ଗୁଗୁଲ ବ୍ୟବହାର ବନ୍ଦ କରି ଚୀନ ଦ୍ୱାରା ବିକଶିତ ହୋଇଥିବା ସର୍ଚ୍ଚ ଇଞ୍ଜିନ୍ ବାଇଡୁ ଆଡକୁ ମୁହାଁଇଛନ୍ତି। 

ଦକ୍ଷିଣ କୋରିଆ
ଦକ୍ଷିଣ କୋରିଆ ହେଉଛି ବିଶ୍ୱର ସେହି ଦେଶ ଯେଉଁଠାରେ ଦ୍ରୁତତମ ଇଣ୍ଟରନେଟ୍ ସେବା ରହିଛି। ହେଲେ କୋରିଆ ନାଗରିକ ସେମାନଙ୍କ ଦେଶରେ ଉପଲବ୍ଧ ହେଉଥିବା ଦ୍ରୁତତମ ଇଣ୍ଟରନେଟ୍ ସେବା ଗୁଗୁଲ୍ ପରିଦର୍ଶନ କରିବା ପାଇଁ ବ୍ୟବହାର କରନ୍ତି ନାହିଁ। ଏହା ପରିବର୍ତ୍ତେ, ସେମାନେ ନାଭେର ବ୍ୟବହାର କରନ୍ତି, ଯାହାକୁ ସାଧାରଣତଃ ଗଣମାଧ୍ୟମ ଦ୍ୱାରା କୋରୀୟ ଗୁଗୁଲ୍ କୁହାଯାଏ।

ଗତ ୧୯୯୯ ମସିହାରୁ ଏହାର ଶୁଭାରମ୍ଭ ହେବା ପର ଠାରୁ ଦକ୍ଷିଣ କୋରିଆର ସର୍ଚ୍ଚ ଇଞ୍ଜିନ୍ ବଜାରରେ ନାଭେର ସ୍ଥିର ରହିଆସିଛି। ଦକ୍ଷିଣ କୋରିଆବାସୀଙ୍କ ପାଇଁ ସର୍ବୋତ୍ତମ ବିଷୟବସ୍ତୁ ନିର୍ମାଣ  କରିବା ଏବଂ ବିଦେଶରେ ନିରନ୍ତର ବିସ୍ତାର ପାଇଁ ଏହାର ବର୍ଷ ବର୍ଷ ଧରି ପ୍ରୟାସ ଜାରି ରଖିଛି। ନାଭେର ଉଦ୍ୟମରେ ଗତ ୨୦୨୧ ବର୍ଷର ପ୍ରାରମ୍ଭରେ ସୃଜନାତ୍ମକ ଲେଖା ପ୍ଲାଟଫର୍ମ ୱାଟପ୍ୟାଡ୍ର ଏକ ରେକର୍ଡ ୬୦୦ ମିଲିୟନ୍ ଡଲାର୍ ମୂଲ୍ୟରେ ପହଞ୍ଚିଛି। ନାଭେର କେବଳ ଗୁଗୁଲ ବ୍ୟବହାରକୁ ରୋକିନାହିଁ ବରଂ ୟାହୁ ଭଳି ଅନ୍ୟତମ ସର୍ଚ୍ଚ ଇଞ୍ଜିନ ନିୟନ୍ତ୍ରିତ ହୋଇଛି। ଦକ୍ଷିଣ କୋରିଆରେ ନାଭର୍ ବ୍ୟତୀତ ଅନ୍ୟତମ ସ୍ଥାନୀୟ ସର୍ଚ୍ଚ ଇଞ୍ଜିନ୍ ଡ୍ୟାମ୍ ମଧ୍ୟ ଉପଲବ୍ଧ ରହିଛି।

ଋଷିଆ
ଋଷିଆ ଭଳି ଦେଶରେ ଇଣ୍ଟରନେଟ୍ ବ୍ୟବହାରକାରୀ ଯେକୌଣସି ପ୍ରଶ୍ନର ଉତ୍ତର ଖୋଜିବା ପାଇଁ ୟାଣ୍ଡେକ୍ସ ନାମକ ସର୍ଚ୍ଚ ଇଞ୍ଜିନ ପରିଦର୍ଶନ କରିଥାନ୍ତି। ୟାଣ୍ଡେକ୍ସ ଏକ ଅଲ ଇନ ୱେବ୍ ପୋର୍ଟାଲ ପରି ସେବା ପ୍ରଦାନ କରିଥାଏ। ଯେଉଁଥିରେ ମାନଚିତ୍ର ଏବଂ ନାଭିଗେସନ୍, ଭାଷା ଅନୁବାଦ, ଇମେଲ, ଅନଲାଇନ୍ ଦେୟ ଏବଂ ଆନାଲିଟିକ୍ସ ଭଳି ଅନେକ ସୁବିଧା ଉପଲବ୍ଧ ରହିଛି।

ଋଷିଆରେ ୟାଣ୍ଡେକ୍ସ ସର୍ଚ୍ଚ ଇଞ୍ଜିନ୍ ସ୍ଥାନୀୟ ବଜାରରେ ପ୍ରାୟ ୫୫% ସ୍ଥାନ ଦଖଲ କରିସାରିଛି। ଋଷିଆ ବ୍ୟତୀତ ପଡୋଶୀ ୟୁକ୍ରେନ, ବେଲାଋଷ, କାଜାଖସ୍ତାନ ଏବଂ ଉଜବେକିସ୍ତାନ ଆଦି ଦେଶର ଇଣ୍ଟରନେଟ୍ ବ୍ୟବହାରକାରୀ ୟାଣ୍ଡେକ୍ସ ସର୍ଚ୍ଚ ଇଞ୍ଜିନ ବ୍ୟବହାର କରିଥାନ୍ତି। ବିଶ୍ୱ ବଜାରରେ ଗୁଗୁଲ୍ ସହିତ ଲଢିବା ପାଇଁ ବିଗତ ୨ ବର୍ଷ ଧରି ୟାଣ୍ଡେକ୍ସ ମଧ୍ୟ ଏହାର ବ୍ୟବସାୟକୁ ବିବିଧ କରିପାରିଛି। କମ୍ପାନୀ ରାଇଡ୍ ହେଲିଂ, ଫୁଡ ଡେଲିଭରି, ଅନଲାଇନ୍ ଭିଡିଓ ଷ୍ଟ୍ରିମିଂ ଭଳି ସୁବିଧା ପ୍ରଦାନ କରୁଛି।

କୋରୋନା ମହାମାରୀ ଆସିବା ପରେ ୟାଣ୍ଡେକ୍ସ ଏହାର ଇ-ବାଣିଜ୍ୟ ସେବାକୁ ଆହୁରି  ଆଗକୁ ବଢାଇ ନେଇଛି। ଏହି ଋଷୀୟ ସର୍ଚ୍ଚ ଇଞ୍ଜିନ ସ୍ୱଦେଶରେ ଇ-ସପିଂ ସାଇଟ ଆମାଜନ ସହିତ ସମାନ ହେବାକୁ ଲକ୍ଷ୍ୟ ରଖିଛି। କମ୍ପାନୀ ଦେଶର ଅନ୍ୟ ଷ୍ଟୋର୍‌ଗୁଡ଼ିକ ସହିତ ମଧ୍ୟ ଆଲୋଚନା କରିଛି। ୟାଣ୍ଡେକ୍ସ ବ୍ୟତୀତ ଋଷୀୟ ସ୍ଥାନୀୟ ସର୍ଚ୍ଚ ଇଞ୍ଜିନ୍ Mail.ru ମଧ୍ୟ ବ୍ୟବହାର କରିପାରିବେ। ଏହି ବିକଳ୍ପ ଏକ ଛୋଟ ୧ ପ୍ରତିଶତ ବଜାର ଅଂଶ ଗ୍ରହଣ କରିଛି। ସୂଚନାଯୋଗ୍ୟ ଯେ ଅନ୍ୟ କେତେକ ଦେଶ ତୁଳନାରେ ଗୁଗୁଲ ଋଷିଆ ଭଳି ଦେଶରେ ଉପଲବ୍ଧ ରହିଛି।