କୋରୋନା ରୋକିବାର ଉପାୟ ଦେଲେ ସ୍ୱାସ୍ଥ୍ୟ ମନ୍ତ୍ରୀ

ଝାରସୁଗୁଡା: କରୋନା ଭାଇରସ ବର୍ତ୍ତମାନ ସମଗ୍ର ବିଶ୍ୱ ପାଇଁ ମହାମାରୀ ପାଲଟିଛି । ରାଜ୍ୟ ସ୍ୱାସ୍ଥ୍ୟ ବିଭାଗ ମଧ୍ୟ ଏହି ଭାଇରସର ମୁକାବିଲା କରିବା ପାଇଁ ପ୍ରସ୍ତୁତି କରୁଛି । ଓଡ଼ିଶାରେ କୋରୋନା ଭାଇରସ ଯାଞ୍ଚ କରିବା ପାଇଁ ଯନ୍ତ୍ର ଆସିଯାଇଛି । SCB ମେଡ଼ିକାଲ କଲେଜରେ ମଧ୍ୟ କରୋନା ଭାଇରସର ରକ୍ତ ନମୁନା ଯାଞ୍ଚ କରିବା ପାଇଁ ମେସିନ ଯୋଗେଇବା ପାଇଁ କେନ୍ଦ୍ର ସରକାରଙ୍କୁ ଅବଗତ କରାଯିବ କହିଲେ ସ୍ୱାସ୍ଥ୍ୟ ମନ୍ତ୍ରୀ ।

ଅନ୍ୟ ପକ୍ଷରେ ଏହି ରୋଗ ସମଗ୍ର ଦେଶରେ ବ୍ୟାପିବାରେ ଲାଗିଛି କିନ୍ତୁ ଏହାର ଔଷଧ ବାହାରି ନାହିଁ ତେଣୁ ସଚେତନ ହିଁ ଏହାର ଏକ ମାତ୍ର ବିକଳ୍ପ କହିଲେ ସ୍ୱାସ୍ଥ୍ୟମନ୍ତ୍ରୀ । ଝାରସୁଗୁଡ଼ା ଜିଲ୍ଲା ରେ ବିମାନବନ୍ଦର ଥିବାରୁ ଏହି କରୋନା ଭାଇରସ ସଂକ୍ରମଣ ଉପରେ ସ୍ୱତନ୍ତ୍ର ବ୍ୟବସ୍ଥା କରାଯିବ କହିଲେ ସ୍ୱାସ୍ଥ୍ୟମନ୍ତ୍ରୀ । ଅନ୍ୟ ପକ୍ଷରେ  ଆଜି ଝାରସୁଗୁଡା ମୁଖ୍ୟ ଚିକିତ୍ସାଳୟକୁ ଜଣେ ଯୁବକ କରୋନା ଭୂତାଣୁ ସଂକ୍ରମଣ କରିଥିବା ସନ୍ଦେହରେ ଆସିଛନ୍ତି ।  ସେ ନିକଟ ଅତୀତରେ ମାଲେସିଆ ବୁଲିବାକୁ ଯାଇଥିଲେ ଏବଂ ଫେରିଛନ୍ତି ବୋଲି ସୂଚନା ମିଳିଛି । ତାଙ୍କ ଘର ଝାରସୁଗୁଡ଼ା ଜିଲ୍ଲାର ବାଗଡ଼ିହି ଅଞ୍ଚଳରେ । 

ତେବେ ତାଙ୍କୁ ଏହି ଭୁତାଣୁ ସଂକ୍ରମଣ କରି ଥିବା ନେଇ ସନ୍ଦେହ ହେବାରୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ପାଖରେ କୌଣସି ଲକ୍ଷଣ ନଥିବା କହିଛନ୍ତି ସିଡ଼ିଏମଓ ଜଗଦୀଶ ଚନ୍ଦ୍ର ବାରିକ କହିଛନ୍ତି । ତଥାପି ତାଙ୍କ ସ୍ୱାସ୍ଥ୍ୟବସ୍ଥା ଉପରେ ନଜର ରଖା ଯାଇଛି । ଏବଂ ଭୟଭୀତ ନହେବାକୁ ମଧ୍ୟ ପରାମର୍ଶ ଦିଆଯାଉଛି ବୋଲି ମଧ୍ୟ ସେ କହିଛନ୍ତି ।