Chilled Water Human Body: ଥଣ୍ଡା ପାଣି ପିଇବା ଦ୍ୱାରା ଶରୀରକୁ ଲାଭ ବଦଳରେ କ୍ଷତି ପହଞ୍ଚିଥାଏ। ଥଣ୍ଡା ପାଣି ପିଇବା ଦ୍ୱାରା ବିଭିନ୍ନ ପ୍ରକାରର ସ୍ୱାସ୍ଥ୍ୟଗତ ସମସ୍ୟା ଉପୁଜିବା ସହ ଅନେକ ରୋଗ ହେବାର ଆଶଙ୍କା ରହିଥାଏ।
Trending Photos
7
7
12
6 "Chilled Water: ଲାଭ ନୁହେଁ ଶରୀରକୁ କ୍ଷତି ପହଞ୍ଚାଇଥାଏ ଅତ୍ୟଧିକ ଥଣ୍ଡା ପାଣି, ପିଇବା ଦ୍ୱାରା ହୋଇପାରେ ଗୁରୁତର ରୋଗ")
Chilled Water Side Effect: ଅଧିକାଂଶ ଲୋକ ଖରା ଦିନେ ଥଣ୍ଡା ପାଣି ପିଇବାକୁ ଚାହିଁଥାନ୍ତି। ଅନେକ ସମୟରେ ଲୋକେ ଖରାରୁ ଆସିବା ପରେ ଫ୍ରିଜ୍ ଖୋଲି ଥଣ୍ଡା ପାଣି ପିଇଥାନ୍ତି। ଖରାରୁ ଆସି ଥଣ୍ଡା ପାଣି ପିଇବା ପରେ ଅନେକ ଲୋକ ଖୁସି ହୋଇଥାନ୍ତି। ହେଲେ ଅତ୍ୟଧିକ ଥଣ୍ଡା ପାଣି ଲାଭ ନୁହେଁ ଶରୀରକୁ କ୍ଷତି ପହଞ୍ଚାଇଥାଏ। ଥଣ୍ଡା ପାଣି ପିଇବା ଦ୍ୱାରା ବିଭିନ୍ନ ପ୍ରକାରର ସ୍ୱାସ୍ଥ୍ୟଗତ ସମସ୍ୟା ଉପୁଜିଥାଏ। ଏପରକି ଅନେକ ରୋଗ ହେବାର ଆଶଙ୍କା ମଧ୍ୟ ରହିଥାଏ।
କାରଣ ଥଣ୍ଡା ପାଣି ପିଇବା ଦ୍ୱାରା ଆମ ଶରୀରକୁ ଅସନ୍ତୁଳିତ ହୋଇପାରେ। ଯାହାର ସିଧାସଳଖ ପ୍ରଭାବ ହଜମ ପ୍ରକ୍ରିୟା ଉପରେ ପଡ଼ିଥାଏ। ଯେଉଁଥିପାଇଁ ଶରୀରରେ ପାଚନ ପ୍ରକ୍ରିୟା ମନ୍ଥର ହୋଇଯାଏ। ଯେଉଁ କାରଣରୁ ଅନେକ ପ୍ରକାରର ରୋଗ ହେବାର ସମ୍ଭବନା ରହିବା ସହ ସ୍ୱାସ୍ଥ୍ୟଗତ ସମସ୍ୟା ଉପୁଜିଥାଏ। ସେଥିପାଇଁ ଡାକ୍ତର ସବୁବେଳେ ଥଣ୍ଡା ପାଣି ନ ପିଇବାକୁ ପରାମର୍ଶ ଦେଇଅନ୍ତି। କାରଣ ଏହାର ଅନେକ ଅସୁବିଧା ରହିଛି। ଥଣ୍ଡା ପାଣି ପିଇବା ଦ୍ୱାରା କେଉଁ କେଉଁ ପ୍ରକାରର ସ୍ୱାସ୍ଥ୍ୟଗତ ସମସ୍ୟା ଉପୁଜେ ତାହା ଜାଣନ୍ତୁ।
ଏସିଡ଼ିଟି
ଥଣ୍ଡା ପାଣି ପିଇବା ଦ୍ୱାରା ଏସିଡ଼ିଟି ଭଳି ସମସ୍ୟା ଉପୁଜିଥାଏ। କାରଣ ଥଣ୍ଡା ପାଣି ପିଇବା ପରେ ଖାଦ୍ୟ ଶରୀର ଦେଇ ଯିବାବେଳେ ବହୁତ କଷ୍ଟ ହୋଇଯାଏ। ଏହି କାରଣରୁ ଅନ୍ତନଳୀ ସଙ୍କୁଚିତ ହୁଏ। ଏସିଡ଼ିଟି ସମସ୍ୟା ବଢିଯାଏ।
ହଜମ ସମସ୍ୟା
ଅତ୍ୟଧିକ ଥଣ୍ଡା ପାଣି ପିଇବା ଦ୍ୱାରା ହଜମ ପ୍ରକ୍ରିୟା ପ୍ରଭାବିତ ହୋଇପାରେ। ଏହା ବ୍ୟତୀତ ଖାଦ୍ୟ ହଜମ ହେବା ସମୟରେ ଅସୁବିଧା ହୋଇପାରେ। କୋଷ୍ଠକାଠିନ୍ୟ ସହିତ ପେଟ ଯନ୍ତ୍ରଣା, ବାନ୍ତି ସହିତ ଅନେକ ସମସ୍ୟା ମଧ୍ୟ ହୋଇପାରେ।
ମୁଣ୍ଡବିନ୍ଧା
ଅତ୍ୟଧିକ ଥଣ୍ଡା ପାଣି ପିଇବା ଦ୍ୱାରା ମସ୍ତିଷ୍କ ଫ୍ରିଜ୍ ହୋଇପାରେ। ଥଣ୍ଡା ପାଣି ମେରୁଦଣ୍ଡ ସମେତ ଅନେକ ସମ୍ବେଦନଶୀଳ ସ୍ନାୟୁକୁ ଥଣ୍ଡା କରିଥାଏ। ଯେଉଁ କାରଣରୁ ମୁଣ୍ଡବିନ୍ଧା ଆରମ୍ଭ ହୋଇଥାଏ। କେବଳ ସେତିକି ନୁହେଁ ଏହି କାରଣରୁ ସାଇନସ୍ ହେବାର ଆଶଙ୍କା ମଧ୍ୟ ରହିଛି।
କମ୍ ହୃଦସ୍ପନ୍ଦନ ହେବାର ଆଶଙ୍କା
ଥଣ୍ଡା ପାଣି ପିଇବା ଦ୍ୱାରା ହୃଦସ୍ପନ୍ଦନ କମିବାର ଆଶଙ୍କା ବଢିଯାଏ। ଏହା ଭାଗସ୍ ସ୍ନାୟୁକୁ (Vagus Nerve) ପ୍ରଭାବିତ କରିଥାଏ। ଏଭଳି ପରିସ୍ଥିତିରେ, ଜଳର ନିମ୍ନ ତାପମାତ୍ରା ହେତୁ ଭାଗସ୍ ସ୍ନାୟୁ ପ୍ରଭାବିତ ହୋଇଥାଏ ଏବଂ ହୃଦସ୍ପନ୍ଦନ କମ୍ ହୋଇଥାଏ। ଯେଉଁ କାରଣରୁ ହୃଦ୍ ରୋଗ ହେବାର ସମ୍ଭାବନା ରହିଥାଏ।
ଓଜନ ବଢିବା
ଏହା ବ୍ୟତୀତ ଅତ୍ୟଧିକ ପରିମାଣର ଥଣ୍ଡା ପାଣି ପିଇବା ଦ୍ୱାରା ଶରୀରର ଚର୍ବି ଜଳି ନଥାଏ ଏବଂ ଚର୍ବି କଠିନ ହୋଇଯାଏ। ଯେଉଁ କାରଣରୁ ଓଜନ ବଢିପାରେ। ଏଭଳି ପରିସ୍ଥିତିରେ ଯଦି ଆପଣ ମେଦବହୁଳତା ସମସ୍ୟାରୁ ଦୂରେଇ ରହିବାକୁ ଚାହାଁନ୍ତି, ତାହେଲେ ଆପଣଙ୍କୁ ଥଣ୍ଡା ପାଣି ପିଇବା ଠାରୁ ଦୂରେଇ ରହିବା ଆବଶ୍ୟକ।
ସତର୍କତା: ଉପରୋକ୍ତ ଖବର କେବଳ ସୂଚନା ପ୍ରଦାନ କରିବା ଉଦ୍ଦିଷ୍ଟ। ଅଧିକ ବିବରଣୀ ପାଇଁ ସର୍ବଦା ଜଣେ ବିଶେଷଜ୍ଞ କିମ୍ବା ଡାକ୍ତରଙ୍କ ସହିତ ଆପଣ ପରାମର୍ଶ କରନ୍ତୁ।
