ହାତୀର ଫଟୋ ଭାଇରାଲ, କାହିଁକି ପଢନ୍ତୁ...

ନୂଆଦିଲ୍ଲୀ: ତାମିଲନାଡ଼ୁର ଏକ ହାତୀର ଫଟୋ ବେଶ ଭଲ ଭାଇରାଲ ହେବାରେ ଲାଗିଛି। ତେବେ ଏହି ଫଟୋଟି ଭାଇରାଲ ହେବାର କାରଣ ମଧ୍ୟ ବେଶ ମଜାଦାର ରହିଛି। ଭାଇରାଲ ହେଉଥିବା ଫଟୋଟିରେ ହାତୀଟିର ହେୟାର ଷ୍ଟାଇଲ ରହିଛି ମୁଖ୍ୟ କାରଣ। ଏହି ଫଟୋରେ ହାତୀର ହେୟାର ଷ୍ଟାଇଲ୍ ଦେଖିବା ଯୋଗ୍ୟ । ସେନଗାମାଲମ୍ ହାତୀ ମନ୍ନାରଗୁଡ଼ି ସହରର ରାଜଗୋପାଲାସ୍ୱାମୀ ମନ୍ଦିରରେ ରହିଥାଏ। କିନ୍ତୁ ତାଙ୍କର କଟାଯାଇଥିବା କେଶ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି।

ଏଠାରେ କହିରଖୁଛୁ ଯେ ହାତୀର ଫଟୋକୁ ଭାରତୀୟ ବନ ଅଧିକାରୀ ସୁଧା ରାମେନ ତାଙ୍କ ଟ୍ୱିଟର ହ୍ୟାଣ୍ଡେଲରୁ ସେୟାର କରିଛନ୍ତି। ଏହି ଫଟୋ ସେୟାର କରି ସୁଧା ଲେଖିଛନ୍ତି ଯେ "ବବ୍ କଟ୍ ସେନଗାମାଲମ୍ ହାତୀ"। ସେୟାର ଠାରୁ, ଏହି ଫଟୋ ଇଣ୍ଟରନେଟରେ ଅଧିକ ଭାଇରାଲ ହେବାରେ ଲାଗିଛି ।

ମନାଇ ଅନଲାଇନ ମୁତାବକ ୨୦୦୩ରେ ଏହି ହାତୀକୁ କେରଳର ରାଜଗୋପାଲାସ୍ୱାମୀ ମନ୍ଦିରକୁ ଅଣାଯାଇଥିଲା। ଏହା ପରେ ମହାବତ୍ ଏସ୍ ରାଜାଗୋପାଲ୍ ତାଙ୍କର ଚମତ୍କାର ହେୟାର ଷ୍ଟାଇଲ୍ କରିଥିଲେ, ଯାହା ପରେ ଏହା ଧୀରେଧୀରେ ପ୍ରସିଦ୍ଧ ହେଲା। ଏହି ହାତୀକୁ ସ୍ୱତନ୍ତ୍ର ଭାବେ ରକ୍ଷଣାବେକ୍ଷଣ ଏବଂ ଯତ୍ନ ନିଆଯାଉଥିବା ଜଣାପଡ଼ିଛି । ଭାରତୀୟ ବନ ଅଧିକାରୀ ସୁଧା ରାମେନ ସୋସିଆଲ ମିଡିଆରେ 'ବବ-କଟା ସେଙ୍ଗାମାଲମ ହାତୀର ଫଟୋ ସେୟାର କରିଛନ୍ତି। ସେବେଠାରୁ ଲୋକମାନେ ଏହି ଫଟୋକୁ ପ୍ରଶଂସା କରିବାରେ କ୍ଳାନ୍ତ ନୁହଁନ୍ତି।

ତେବେ ଏହି ଫଟୋଟି କିଛି ଘଣ୍ଟା ମଧ୍ୟରେ, ୧୦ ହଜାର ଲାଇକ(likes) ଏବଂ ଅନେକ ମତାମତ ମଧ୍ୟ ଏହି ଫଟୋରେ ଆସିଛି। ରାଜାଗୋପାଲ ୨୦୧୮ରେ ଟାଇମ୍ସ ଅଫ୍ ଇଣ୍ଡିଆକୁ କହିଛନ୍ତି, ମୁଁ ତାଙ୍କୁ ମୋର ପିଲା ଭାବରେ ଚାହୁଁଛି। ତେଣୁ ମୁଁ ଏହାକୁ ଏକ ସ୍ୱତନ୍ତ୍ର ଲୁକ୍ ଦେବାକୁ ଚାହୁଁଥିଲି ବୋଲି ସେ କହିଛନ୍ତି।