Rahu Ketu Gochar 2025: କୃପା କରିବେ ରାହୁ-କେତୁ; ୨୦୨୫ ଏହି ୪ ରାଶିର ଲୋକଙ୍କ ପାଇଁ ରହିବ ଭାରି ଭଲ, ପୂରଣ ହେବ ସବୁ ସ୍ବପ୍ନ
Rahu Ketu Gochar 2025: ବୌଦିକ ଜ୍ୟୋତିଷ ଶାସ୍ତ୍ରରେ ରାହୁ-କେତୁଙ୍କୁ ଛାୟା ଗ୍ରହ ବୋଲି ବିବେଚନା କରାଯାଏ। ରାହୁ ମେ ୧୮ ତାରିଖ ସକାଳ ୬ ଟା ୪୦ ମିନିଟ୍ ସମୟରେ ମୀନ ରାଶିରୁ ବାହାରି କୁମ୍ଭକୁ ଚଳନ କରିବାକୁ ଥିବା ବେଳେ ସେହିଦିନ କେତୁ ମଧ୍ୟ କନ୍ୟାରୁ ବାହାରି ସିଂହକୁ ଚଳନ କରିବେ। ରାହୁ-କେତୁ ଙ୍କ ଶୁଭ ଚଳନ କେତେକ ରାଶି ପାଇଁ ବରଦାନ ପାଲଟିବ। ଯଦି ରାହୁ-କେତୁଙ୍କ ସ୍ଥିତି ଜାତକରେ ମଜବୁତ୍ ରହିବ। ତେବେ, ବ୍ୟକ୍ତି ଜୀବନରେ ପ୍ରଭବାଶାଳୀ ହେବା ସହିତ କ୍ୟାରିୟରରେ ଅଭୂତ ପୂର୍ବ ସଫଳତା ହାସଲ କରିବ। ତେବେ, ଆସନ୍ତୁ ଜାଣିବା ରାହୁ-କେତୁଙ୍କ ଗୋଚର କେଉଁସବୁ ରାଶିଙ୍କ ଭାଗ୍ୟ ବଦଳାଉଛି।...
ମେଷ: ରାହୁ-କେତୁ ଙ୍କ ବିଶେଷକୃପା ଏହି ରାଶି ଉପରେ ବର୍ଷ ତମାମ୍ ରହିବ। ଆର୍ଥିକ ସ୍ଥିତିରେ ସୁଧାର ଆସିବ। କ୍ୟାରିୟରକୁ ନେଇ କୌଣସି ପ୍ରକାର ଶୁଭ ଖବର ମିଳିପାରେ। ଯେଉଁମାନେ ଦିର୍ଘ ଦିନ ଧରି ଚାକିରି ଖୋଜୁଛନ୍ତି। ସେମାନଙ୍କୁ କୌଣସି ଏକ ସଂସ୍ଥାରୁ ଭଲ ଚାକିରି ଅଫର ମିଳିବ। ବାଣିଜ୍ୟ ବ୍ୟବସାୟରେ ଅଗ୍ରଗତି କରିବେ। ଯେଉଁମାନେ ବିଦେଶରେ ନୂଆ ବ୍ୟବସାୟ ଆରମ୍ଭ କରିବା ପାଇଁ ଯୋଜନା କରୁଛନ୍ତି। ସେମାନଙ୍କ ପାଇଁ ସମୟ ଶୁଭ ରହିବ। ଏହି ସମୟର ନୂତନ ବ୍ୟବସାୟ ଆରମ୍ଭ କଲେ ଭଲ ଦ୍ବି-ପଇସା ଲାଭ ମିଳିବ। ଦିର୍ଘ ଦିନ ଧରି କୋର୍ଟ କଚେରୀରେ ଚାଲିଥିବା କେସର ରାୟ ଆପଣଙ୍କ ସପକ୍ଷରେ ଯିବ । ଦାମ୍ପତ୍ୟ ଜୀବନ ସୁଖମୟ ହେବ। ସ୍ବାସ୍ଥ୍ୟ ଭଲ ରହିବା ସହିତ ପିଲାଙ୍କ ଠାରୁ କୌଣସି ପ୍ରକାର ଶୁଭ ଖବର ପାଇବେ।
ALSO READ: Gold Rate Today: ଆଜି ପୁଣି ସୁନା ଦର ବୃଦ୍ଧି , ଜାଣନ୍ତୁ ଭୁବନେଶ୍ବରରେ ଭରି ପିଛା କେତେ ବଢିଲା ରେଟ୍?
ବିଛା: ରାହୁ-କେତୁଙ୍କ ରାଶି ପରିବର୍ତ୍ତନ ଏହି ରାଶିର ଭାଗ୍ୟ ଉଦୟ କରିବ। ଦିର୍ଘ ଦିନର ସ୍ବପ୍ନ ସାକାର ହେବ। ଗାଡି କିମ୍ବା ଘର କିଣିବାର ଆଶା ପୂରଣ ହେବ। ଆର୍ଥିକ ସ୍ଥିତି ବଦଳିବ। କର୍ମକ୍ଷେତ୍ରରେ କଠିନ ପରିଶ୍ରମର ଫଳ ପାଇବେ। ବରିଷ୍ଠ ଅଧିକାରୀଙ୍କ ଦ୍ବାରା ସମ୍ମାନୀତ ହେବା ସହିତ ସହକର୍ମୀମାନେ ପ୍ରତ୍ୟକ କାର୍ଯ୍ୟରେ ସହଯୋଗ କରିବେ। କମ୍ପିଟେଟିଭ୍ ଏକଜାମ ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀ ଭଲ ରେଜକ୍ଟ କରିବେ। ପରିବାର ସହିତ ହୋଇଥିବା ମତାନ୍ତର ଦୂର ହେବ। ବ୍ୟବସାୟୀମାନଙ୍କର ଦୈନିକ ଆୟରେ ବୃଦ୍ଧି ହେବ। ନୂଆ ଯୋଜନାକୁ ବ୍ୟବସାୟରେ କାର୍ଯ୍ୟକାରୀ କରି ଅଧିକ ଲାଭ ପାଇବେ। କାରବାର ବଢିବ। ପରିବାରରେ କିଛି ବଡ କାମ ସମ୍ପର୍ଣ୍ଣ ହେବ। ଧାର୍ମିକ କାର୍ଯ୍ୟକଳାପ ପ୍ରତି ଆଗ୍ରହ ବଢିବ।
ମକର: ରାହୁ-କେତୁଙ୍କ ଚଳନ ଏହି ରାଶିର ଆର୍ଥିକ ସ୍ଥିତିକୁ ମଜବୁତ୍ କରିବ। ପ୍ରତ୍ୟକ କ୍ଷେତ୍ରରେ ସଫଳତା ପାଇବେ। ବ୍ୟବସାୟୀମାନଙ୍କ ପାଇଁ ସମୟ ଅନୁକୂଳ ରହିବ। ଏହି ସମୟରେ ବଡ଼ ଡିଲ୍ ଫାଇନାଲ୍ ହେବ। ଯେଉଁଥିରୁ ଅପ୍ରତ୍ୟାଶିତ ଲାଭ ପାଇବେ। ପୁରୁଣା ବିନିଯୋଗରୁ ଲାଭ ପାଇବେ। ବ୍ୟବସାୟରେ ଦ୍ବି-ଗୁଣିତ ଲାଭ ମିଳିବ। ଆୟ-ବ୍ୟୟ ସମାନ ରହିବ। କର୍ମକ୍ଷେତ୍ରରୁ ବଡ଼ ଦାୟିତ୍ବ ମିଳିବ। ଦରମା ବଢିବା ସହିତ ବ୍ୟାଙ୍କ୍ ବାଲାନ୍ସ ବଢିବ। ସ୍ବାମୀ-ସ୍ତ୍ରୀଙ୍କ ମଧ୍ୟରେ ପ୍ରେମ ବଢିବ। ପ୍ରେମୀମାନେ ସାଥୀଙ୍କ ସହିତ ଡେଟ୍ ରେ ଯିବେ। ଦାମୀ ଉପହାର ପାଇବେ।
ମୀନ: ରାହୁ-କେତୁଙ୍କ ଚଳନ ଏହି ରାଶି ପାଇଁ ବେଶ୍ ଫଳଦାୟୀ ରହିବ। ବିଶେଷକରି, ଏହି ସମୟ ମଧ୍ୟରେ କ୍ୟାରିୟରକୁ ନେଇ ନୂଆ ସୁଯୋଗ ପାଇବେ। ଯେଉଁମାନେ ଦିର୍ଘ ଦିନ ଧରି ଚାକିରି ବଦଳାଇବାକୁ ଚେଷ୍ଟା କରୁଛନ୍ତି। ସେମାନଙ୍କ ପାଇଁ ସମୟ ଭଲ ରହିବ। ଚେଷ୍ଟା ଜାରି ରଖନ୍ତୁ ସଫଳତା ପାଇବେ। ଦିର୍ଘ ଦିନ ଧରି ଲାଗି ରହିଥିବା ଟେନସନ୍ ଦୂର ହେବା ସହିତ ମାନସିକ ଶାନ୍ତି ମିଳିବ। ଚାକିରିଆଙ୍କ ପାଇଁ ବି ସମୟ ଖାସ୍ ରହିବ। ବୋନସ୍ ସହ ପଦୋନ୍ନତି ମିଳିବ। ପୈତୃକ ସମ୍ପତ୍ତିରୁ ଲାଭ ପାଇବେ। ପରିବାରରେ ଖୁସିର ମାହୋଲ୍ ଦେଖିବାକୁ ମିଳିବ। (Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)