Mahamrutyunjaya jantra:ଘରର କେଉଁ ଦୀଗରେ ରଖିବେ ମହାମୃତ୍ୟୁଞ୍ଜୟ ଯନ୍ତ୍ର ?

Mahamrutyunjaya jantra:

ହିନ୍ଦୁ ଧର୍ମରେ ମହାମୃତ୍ୟୁଞ୍ଜୟ ଯନ୍ତ୍ର ଏବଂ ମନ୍ତ୍ର ଅତ୍ୟନ୍ତ ଶକ୍ତିଶାଳୀ ବୋଲି ବିବେଚନା କରାଯାଏ। ଏହି ଯନ୍ତ୍ରକୁ ପୂଜା ଓ ଜପ କରିବା ପାଇଁ କିଛି ନିୟମ ଏବଂ ପଦ୍ଧତି ଅଛି । ଆହୁରି ମଧ୍ୟ ମହାମୃତ୍ୟୁଞ୍ଜୟ ଯନ୍ତ୍ରକୁ ଘରେ ରଖିବାବେଳେ ଦିଗ ପ୍ରତି ବିଶେଷ ଯତ୍ନ ନିଆଯାଏ ।

ମନ୍ତ୍ର ଜପିବା ଏମିତି ଏକ ଉପାୟ ଯାହାଦ୍ବାରା ସମସ୍ତ ସମସ୍ୟାର ସମାଧାନ ହୋଇଥାଏ । ଶାସ୍ତ୍ରରେ ମନ୍ତ୍ରଗୁଡ଼ିକୁ ବହୁତ ଶକ୍ତିଶାଳୀ ଏବଂ ଚମତ୍କାର ବୋଲି ବର୍ଣ୍ଣନା କରାଯାଇଛି । ଜ୍ଞାନୀମାନେ ବିଶ୍ବାସ କରନ୍ତି ଯେ ପୂଜାପାଠରେ ଦେବା ଦେବୀଙ୍କ ଯନ୍ତ୍ର ରଖି ଦେବତାଙ୍କୁ ପୂଜା କରିବା ଦ୍ବାରା ଭଲ ଫଳ ମିଳେ । ମନ୍ତ୍ରଗୁଡ଼ିକୁ ଯନ୍ତ୍ର ପରି ସିଦ୍ଧି ପ୍ରଦାନ କରନ୍ତି ।

ମହାମୃତ୍ୟୁଞ୍ଜୟ ଯନ୍ତ୍ର କ’ଣ?

ଯେମିତି ଭଗବାନଙ୍କର ବହୁତ ସ୍ବରୁପ ମହାଦେବ, ନାଟରାଜ, ଶଙ୍କର ଭଳି ଏକ ରୂପ ହେଉଛି ମହମୃତ୍ୟୁଞ୍ଜୟ ରୂପ । ଯେଉଁ ପୂଜାପାଠ କରି ମୃତ୍ୟୁକୁ ଜୟ କରି ହୁଏ । ଏହି ମନ୍ତ୍ରକୁ ଜପ କରି ଆପଣ ସବୁବେଳେ ସୁରକ୍ଷିତ ରହିପାରିବେ । ଏହି ଯନ୍ତ୍ରର ଆକ୍ଷରିକ ଅର୍ଥ ହେଉଛି ଯନ୍ତ୍ର ଯାହା ମୃତ୍ୟୁକୁ ମଧ୍ୟ ଜୟ କରେ ।

 ବୈଦିକ ଜ୍ୟୋତିଷ ଶାସ୍ତ୍ରରେ ବିଶ୍ୱାସ କରାଯାଏ ଯେ ମହାମୃତ୍ୟୁଞ୍ଜୟ ମନ୍ତ୍ର ଜପ କରି ମୃତ୍ୟୁ କିମ୍ବା ମୃତ୍ୟୁ ସଙ୍କଟ ଏଡାଇ ଦିଆଯାଇପାରିବ। ଅନେକ ଅସୁବିଧା ଏବଂ ବାଧାବିଘ୍ନ ଦୂର କରିବା ପାଇଁ ବୈଦିକ ଜ୍ୟୋତିଷ ଶାସ୍ତ୍ରରେ ଶ୍ରୀ ମହାମୃତ୍ୟୁଞ୍ଜୟ ଯନ୍ତ୍ର ମଧ୍ୟ ବ୍ୟବହାର କରାଯାଇଥିଲା ଏବଂ ଆଜିର ସମୟରେ ମଧ୍ୟ ଏହି ଯନ୍ତ୍ରର ବ୍ୟବହାର ବହୁତ ଲୋକପ୍ରିୟ ଅଟେ।

ମହାମୃତ୍ୟୁଞ୍ଜୟ ଯନ୍ତ୍ରର ଉପକାର

ଏହି ଯନ୍ତ୍ର ଜପ କରିବା ଦ୍ବାରା ସ୍ବାସ୍ଥ୍ୟ ଭଲ ରହିଥାଏ । ଏହା ସହି ଅକାଳ ମୃତ୍ୟୁ, ରୋଗ ଏବଂ କଷ୍ଟରୁ ମଧ୍ୟ ମୁକ୍ତି ମିଳିଥାଏ ।  ମହାମୃତ୍ୟୁଞ୍ଜୟ ଯନ୍ତ୍ର ଏକ ଅତି ଶକ୍ତିଶାଳୀ ଯନ୍ତ୍ର ଭାବରେ ପରିଗଣିତ ହୁଏ ଯାହାଦ୍ବାରା ମୋକ୍ଷ ଏବଂ ପ୍ରାପ୍ତି ମିଳେ ।  ମହାମୃତ୍ୟୁଣଜୟ ଯନ୍ତ୍ରର ଉପାସନା ଦୀର୍ଘାୟୁ ଆଶୀର୍ବାଦ ଦିଏ ।

ଯନ୍ତ୍ରକୁ ପ୍ରାଣ ପ୍ରତିଷ୍ଠା କରି ଘରେ ରଖିବା ଦ୍ବାରା ସମ୍ପୂଣ୍ଣ ଫଳ ମିଳିଥାଏ । ଏହି ଯନ୍ତ୍ରକୁ ପୂଜା କରିବା ଦ୍ବାରା ଜୀବନ ପ୍ରତି ବିପଦ, ଦୁର୍ଘଟଣା, ସଙ୍କଟ, ରୋଗ, ମହାମାରୀ, ଅକାଳ ମୃତ୍ୟୁ, ଶତ୍ରୁମାନଙ୍କର ଭୟ ଇତ୍ୟାଦିକୁ ରୋକି ହୁଏ । ମହାମୃତ୍ୟୁଞ୍ଜୟ ଯନ୍ତ୍ରକୁ ସିଦ୍ଧକରି ପାପକୁ ପୁର୍ଣ୍ଣ୍ୟରେ ପରିଣତ କରାଯାଇପାରେ । ମହାମୃତ୍ୟୁଞ୍ଜୟ ଯନ୍ତ୍ର ଏବଂ ମନ୍ତ୍ର ପୂଜା କରି ଅନ୍ୱେଷଣକାରୀ ସର୍ବଦା ସଫଳତା ପାଆନ୍ତି ।

ମହାମୃତ୍ୟୁଞ୍ଜୟ ଯନ୍ତ୍ରା ସାଧନା ପଦ୍ଧତି

ମହାମୃତ୍ୟୁଞ୍ଜୟ ମନ୍ତ୍ର ସର୍ବଦା ପୂର୍ବ ଆଡକୁ ମୁହଁ କରି ଜପ କରିବା ଉଚିତ ଏବଂ ଏହାସହ ମନ୍ତ୍ର କେବଳ ଏକ ନିର୍ଦ୍ଦିଷ୍ଟ ସ୍ଥାନରେ ଜପ କରାଯିବା ଉଚିତ୍ । ଏହାକୁ ଜପ କରିବା ଦିନ ବିଲକୁଲ ଆମିଶ ଖାଆନ୍ତୁ ନାହିଁ । ଏହି ମନ୍ତ୍ରକୁ କେବଳ ରୁଦ୍ରାକ୍ଷ ମାଳା ଦ୍ବାରା ଜପ କରିବା ଉଚିତ୍ । ଯେଉଁଠାରେ ଭଗବାନ ଶିବ କିମ୍ବା ମହାମୃତ୍ୟୁଞ୍ଜୟ ଯନ୍ତ୍ର ମୂର୍ତ୍ତି ରଖାଯାଏ ସେହି ସ୍ଥାନରେ ବସି ଏହି ମନ୍ତ୍ର ଜପ କରନ୍ତୁ।

ଏହି ଯନ୍ତ୍ର ଦ୍ବାରା ଜାତକରେ ଥିବା ଦୋଷ ତୃଟି ମଧ୍ୟ ଦୂର ହୁଏ । କେବଳ ସେତେବେଳେ ଜଣେ ବ୍ୟକ୍ତି ମହାମୃତ୍ୟୁଞ୍ଜୟ ଯନ୍ତ୍ର ସ୍ଥାପନ କରିବାର ସମ୍ପୂର୍ଣ୍ଣ ଲାଭ ପାଇପାରିବେ ଯେତେବେଳେ ମହାମୃତ୍ୟୁଞ୍ଜୟ ଯନ୍ତ୍ରର ଶୁଦ୍ଧତା ଏବଂ ସମର୍ପଣ କରାଯିବ ।

ମହାମୃତ୍ୟୁଞ୍ଜୟ ଯନ୍ତ୍ରକୁ କେଉଁ ଦିଗରେ ରଖିବା ଉଚିତ୍?

ମହାମୃତ୍ୟୁଞ୍ଜୟ ଯନ୍ତ୍ର ସ୍ଥାପନ କରିବାବେଳେ, ଦିଗ ପ୍ରତି ବିଶେଷ ଯତ୍ନ ନିଆଯାଏ, ନଚେତ୍ ଏହି ଯନ୍ତ୍ର ଏହାର ସମ୍ପୂର୍ଣ୍ଣ ପ୍ରଭାବ ଦେଖାଏ ନାହିଁ । ସୋମବାର ଏହି ଯନ୍ତ୍ର ସ୍ଥାପନ କରାଯାଇପାରିବ । ମହାମୃତ୍ୟୁଞ୍ଜୟ ଯନ୍ତ୍ରକୁ ଘରର ପରିଷ୍କାର ସ୍ଥାନରେ ଏବଂ ଏପରି ସମସ୍ତ ସ୍ଥାନରେ ରଖିବା ଉଚିତ ଯେଉଁଠାରେ ଘରର ସମସ୍ତ ସଦସ୍ୟ ଏହାକୁ ଦେଖିପାରିବେ । ଏହି ଯନ୍ତ୍ର ଜପ କରିବା ପାଇଁ, ମୁହଁକୁ ପୂର୍ବ ଆଡକୁ ରଖନ୍ତୁ ଏବଂ ପ୍ରତିଦିନ ଗାଧୋଇବା ପରେ, ଏହି ଯନ୍ତ୍ରକୁ 11 କିମ୍ବା 21 ଥର ମହାମୃତ୍ୟୁଞ୍ଜୟ ଯନ୍ତ୍ର ସ୍ଥାପିତ ହୋଇଥିବା ସ୍ଥାନରେ ଉଚ୍ଚାରଣ କରନ୍ତୁ । ଏହାକୁ ଭଗବାନ ଶିବଙ୍କ ପୂଜା ସ୍ଥାନରେ ରଖନ୍ତୁ ।

(Disclaimer: ଏହି ଖବର କେବଳ ସୂଚନା ପ୍ରଦାନ ପାଇଁ। ଏହି ସୂଚନାକୁ ନେଇ ଜୀ ଓଡ଼ିଶା ନ୍ୟୁଜ ପୁଷ୍ଟି କରେନାହିଁ। ଯଦି କୌଣସି ଟିପ୍ସକୁ ଆପଣାଉଛନ୍ତି ତେବେ ଏହା ପୂର୍ବରୁ କୌଣସି ଜ୍ୟୋତିଷଙ୍କ ପରାମର୍ଶ ନିଅନ୍ତୁ।)