ଘଟଣା ସମ୍ପର୍କରେ ସବିଶେଷ ରିପୋର୍ଟ ମାଗିଛନ୍ତି ଆନ୍ଧ୍ର ମୁଖ୍ୟମନ୍ତ୍ରୀ ୱାଇଏସ ଜଗମୋହନ ରେଡ୍ଡୀ ।
Trending Photos
ଅମରାବତୀ: ଆନ୍ଧ୍ରପ୍ରଦେଶ ବିଜୟୱାଡ଼ାର ଏକ ହୋଟେଲରେ ଭୟଙ୍କର ଅଗ୍ନିକାଣ୍ଡ । ଏହି ଅଗ୍ନିକାଣ୍ଡରେ ୭ କୋରୋନା ରୋଗୀଙ୍କ ମୃତ୍ୟୁ ହୋଇଛି । ସେହିପରି ୨୦ରୁ ଉର୍ଦ୍ଧ୍ୱ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୩ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଯାହା ଜଣାପଡ଼ିଛି, କୋରୋନା ରୋଗୀଙ୍କ ଚିକିତ୍ସା ପାଇଁ ଏହି ହୋଟେଲକୁ କୋଭିଡ କେୟାର ସେଣ୍ଟର ଭାବେ ପ୍ରସ୍ତୁତ କରାଯାଇଥିଲା । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଘଟଣା ସମ୍ପର୍କରେ ସବିଶେଷ ରିପୋର୍ଟ ମାଗିଛନ୍ତି ଆନ୍ଧ୍ର ମୁଖ୍ୟମନ୍ତ୍ରୀ ୱାଇଏସ ଜଗମୋହନ ରେଡ୍ଡୀ ।
Chief Minister Jagan Mohan Reddy expressed shock & grief over the fire mishap and enquired about the cause of the accident. He directed the concerned officials to take up the rescue measures and admit the injured in nearby hospitals: Andhra Pradesh CM's Office (file pic) pic.twitter.com/5aI9iUrFU6
— ANI (@ANI) August 9, 2020
କୁହାଯାଉଛି, ଆଜି(ରରିବାର) ସକାଳୁ ଏହି ଅଗ୍ନିକାଣ୍ଡ ହୋଇଥିଲା । କୋଭିଡ କେୟାର ସେଣ୍ଟର ଭାବେ ପ୍ରସ୍ତୁତ ହୋଇଥିବା ଏହି ହୋଟେଲରେ ୩୦ କୋରୋନା ଆକ୍ରାନ୍ତ ଚିକିତ୍ସିତ ହୋଇଥିଲେ । ତେବେ କୌଣସି କାରଣରୁ ହୋଟେଲର ଏକ ରୁମରେ ନିଆଁ ଲାଗିଯାଇଥିଲା । ଆଉ ଏହା କ୍ଷଣକ ମଧ୍ୟରେ ବ୍ୟାପି ଯାଇଥିଲା । ଅଗ୍ନିକାଣ୍ଡ ସମୟରେ ସ୍ଥିତି ଏତେ ଭୟଙ୍କର ଥିଲା ଯେ, ସମସ୍ତ କୋରୋନା ଆକ୍ରାନ୍ତଙ୍କୁ ସେଠାରୁ ସୁରକ୍ଷିତ ଉଦ୍ଧାର କରିବା ସମ୍ଭବ ହୋଇନଥିଲା ।
ତେବେ ଅଗ୍ନିଶମ ବିଭାଗର କର୍ମଚାରୀ ବେଶ କିଛି ସମୟର ଉଦ୍ୟପ ପରେ ନିଆଁକୁ ଆୟତ୍ତ କରିଥିବା ଜଣାପଡ଼ିଛି । ସେହିପରି ଅନେକ କୋରୋନା ଆକ୍ରାନ୍ତଙ୍କୁ ଉଦ୍ଧାର ମଧ୍ୟ କରାଯାଇଛି । ୭ କୋରୋନା ରୋଗୀଙ୍କ ମୃତ୍ୟୁ ହୋଇଥିବା ଗୋଟିଏ ପ୍ରକାର ସ୍ପଷ୍ଟ ହୋଇଛି । ଅନ୍ୟ ଆହତ ରୋଗୀଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
The incident took place around 5 am. Around 22 patients are being treated in hospital. We are evacuating the entire building. The reason of fire appears to be a short circuit, as per the preliminary report, but we will have to ascertain: Krishna DC Mohammad Imtiaz #AndhraPradesh https://t.co/9hs9dow2mV pic.twitter.com/TEVp3Xfrpt
— ANI (@ANI) August 9, 2020
ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି, ଏହି ଅଗ୍ନିକାଣ୍ଡରେ ୧୫ରୁ ୨୦ ଜଣ ଆକ୍ରାନ୍ତ ଆହତ ମଧ୍ୟ ହୋଇଛନ୍ତି । ସମସ୍ତଙ୍କୁ ଚିକିତ୍ସା ପାଇଁ ଅନ୍ୟ ହସ୍ପିଟାଲରେ ଭର୍ତ୍ତି କରାଯାଇଛି । ଏମାନଙ୍କୁ ମଧ୍ୟରୁ ୨ରୁ ୩ ଜଣଙ୍କ ଅବସ୍ଥା ଗମ୍ଭୀର ରହିଛି ।
କହିରଖୁଛୁ, ଗତ ଅଗଷ୍ଟ ୬ ତାରିଖରେ ଅହମ୍ମଦାବାଦରେ ମଧ୍ୟ ଏପରି ଏକ ଘଟଣା ଦେଖିବାକୁ ମିଳିଥିଲା । କୋରୋନା ଆକ୍ରାନ୍ତ ଚିକିତ୍ସିତ ହେଉଥିବା ଏକ ଡାକ୍ତରଖାନାରେ ଅଗ୍ନିକାଣ୍ଡ ହୋଇଥିଲା । ଫଳରେ ୮ କୋରୋନା ରୋଗୀଙ୍କ ମୃତ୍ୟୁ ହୋଇଥିଲା । ଗୁଜୁରାଟ ପରେ ଏବେ ଆନ୍ଧ୍ରପ୍ରଦେଶରେ ମଧ୍ୟ ସମାନ ଘଟଣା ଦେଖିବାକୁ ମିଳିଛି ।