ସାଧାରଣ ଲୋକଙ୍କୁ ଝଟକା: ଅମୁଲ ପରେ ଏବେ ମଦର ଡାଏରୀ ବି ବଢ଼ାଇଲା କ୍ଷୀର ମୂଲ୍ୟ, ଆସନ୍ତାକାଲିଠୁ ଲାଗୁ ହେବ ନୂଆ ଦର

ନୂଆଦିଲ୍ଲୀ: ପେଟ୍ରୋଲ ଓ ଡିଜେଲର ମୂଲ୍ୟ (Petrol Diesel Price) ବୃଦ୍ଧି ହେତୁ ଦେଶରେ ସବୁକିଛି ମହଙ୍ଗା ହେଉଛି । ବର୍ତ୍ତମାନ ମଦର ଡାଏରୀ (Mother Dairy) ଦିଲ୍ଲୀ-ଏନସିଆର (Delhi-NCR) ଏବଂ ଅନ୍ୟାନ୍ୟ ସହରରେ କ୍ଷୀରର ଦାମ୍ (Milk Price) ଲିଟର ପିଛା ୨ ଟଙ୍କା ବୃଦ୍ଧି କରିଛି । ଆସନ୍ତାକାଲି ଠାରୁ ଏହି ନୂତନ ଦର ଲାଗୁ ହେବ । ଏହାପୂର୍ବରୁ କମ୍ପାନୀ ଡିସେମ୍ବର ୨୦୧୯ରେ ଶେଷ ଥର ପାଇଁ କ୍ଷୀର ମୂଲ୍ୟ ବୃଦ୍ଧି କରିଥିଲା । ମଦର ଡାଏରୀ ଦିଲ୍ଲୀ-ଏନସିଆରରେ ଦୈନିକ ୩୦ ଲକ୍ଷ ଲିଟରରୁ ଅଧିକ କ୍ଷୀର ବିକ୍ରି କରେ । ଏହାପୂର୍ବରୁ ଅମୁଲ କମ୍ପାନୀ (Amul) ଜୁଲାଇ ୨ରୁ ଲିଟର ପିଛା କ୍ଷୀର ମୂଲ୍ୟ ୨ ଟଙ୍କା ବୃଦ୍ଧି କରିଥିଲା ।

ବର୍ତ୍ତମାନ ମଦର ଡାଏରୀ (Mother Dairy) ଏକ ଲିଟର ଟୋକେନ୍ ମିଲ୍କର ମୂଲ୍ୟ ୪୨ରୁ ୪୪ ଟଙ୍କାକୁ ବୃଦ୍ଧି କରାଯାଇଛି । ଏଥି ସହିତ ଫୁଲ୍ କ୍ରିମ୍ କ୍ଷୀର ଲିଟର ପିଛା ୫୫ରୁ ୫୭ ଟଙ୍କାକୁ ବୃଦ୍ଧି ପାଇଛି । କାଉ ମିଲ୍କ ଯାହା ଲିଟର ପିଛା ୪୭ ଟଙ୍କାରେ ମିଳୁଥିଲା ତାହା ଲିଟର ପିଛା ୪୯ ଟଙ୍କା ହୋଇଯାଇଛି ।

ଅଧିକ ପଢ଼ନ୍ତୁ:-କୋରୋନା ପରୀକ୍ଷା ପାଇଁ ୧୫୧ ନମୁନା ପଠାଇଥିଲା ଏହି ରାଜ୍ୟ, ୯୦ରୁ ଅଧିକରେ ମିଳିଲା ଡେଲଟା ପ୍ଲସ୍ ଭାରିଆଣ୍ଟ

Mother Dairy raises its liquid milk prices by Rs 2/litre in Delhi NCR with effect from July 11, 2021. The new prices will be applicable for all milk variants. The milk prices were last revised about 1.5 years ago in December 2019. pic.twitter.com/YzzbMVhYwv

— ANI (@ANI) July 10, 2021

ମଦର ଡାଏରୀ ନିଜ ବୟାନରେ କହିଛି ଯେ, "ଜୁଲାଇ ୧୧, ୨୦୨୧ଠାରୁ ଦିଲ୍ଲୀ-ଏନସିଆରରେ ଏହାର କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିବାକୁ ବାଧ୍ୟ ହୋଇଛି । ଏହି ନୂତନ ମୂଲ୍ୟ ସମସ୍ତ କ୍ଷୀର ପ୍ରକାର ପାଇଁ ପ୍ରଯୁଜ୍ୟ ହେବ । କମ୍ପାନୀ ମୋଟ ଇନପୁଟ୍ ଖର୍ଚ୍ଚ ଉପରେ ମୁଦ୍ରାସ୍ଫୀତିର ଚାପର ସାମ୍ନା କରୁଛି, ଯାହା ଗତ ଏକ ବର୍ଷ ମଧ୍ୟରେ ବହୁଗୁଣିତ ହୋଇଛି । ଏହାସହ ଚାଲିଥିବା ମହାମାରୀ ଯୋଗୁଁ ଦୁଗ୍ଧ ଉତ୍ପାଦନରେ ସଙ୍କଟ ଦେଖାଦେଇଛି ।"

ଅଧିକ ପଢ଼ନ୍ତୁ:-ପୁଣି ଟେନସନ୍ ବଢ଼ାଇଲା କୋରୋନା ଜନିତ ମୃତ୍ୟୁ ସଂଖ୍ୟା, ଦିନକରେ ଆଖି ବୁଜିଲେ ଏତିକି ସଂକ୍ରମିତ

ମଦର ଡାଏରୀ ଆହୁରି ମଧ୍ୟ କହିଛି, "ଏହା ଧ୍ୟାନ ଦେବାର ଯୋଗ୍ୟ ଯେ ଗତ ତିନି-ଚାରି ସପ୍ତାହ ମଧ୍ୟରେ କେବଳ ଦୁଗ୍ଧର କୃଷି ମୂଲ୍ୟ ପ୍ରାୟ ୪% ବୃଦ୍ଧି ପାଇଛି । ଗତ ଏକ ବର୍ଷ ମଧ୍ୟରେ ଦୁଗ୍ଧ କ୍ରୟ ପାଇଁ ଅଧିକ ମୂଲ୍ୟ ଦେବା ସତ୍ତ୍ୱେ ଗ୍ରାହକଙ୍କ ମୂଲ୍ୟରେ କୌଣସି ପରିବର୍ତ୍ତନ କରାଯାଇ ନଥିଲା । ଏହି ସଂଶୋଧନ ପରେ ଦୁଗ୍ଧ ମୂଲ୍ୟରେ ୪ ପ୍ରତିଶତ ସଂଶୋଧନ କରାଯାଉଛି ।"