ନିଜ ଡ୍ରେସ୍ ପାଇଁ ଟ୍ରୋଲ ହେଉଛନ୍ତି ଆଲିଆ ଭଟ୍ଟ, ୟୁଜର୍ସ କହିଲେ 'କ'ଣ ଦେଖାଇବାକୁ ଚାହୁଁଛ'

ଆଲିଆ ଭଟ୍ଟ ନିଜ ଫିଲ୍ମ ତଥା ରଣବୀର କପୁରଙ୍କ ସହ ବ୍ୟକ୍ତିଗତ ସମ୍ପର୍କ ପାଇଁ ଅନେକ ସମୟରେ ହେଡଲାଇନରେ ରହିଥା’ନ୍ତି । କିନ୍ତୁ ବର୍ତ୍ତମାନ ଆଲିଆ ଭଟ୍ଟ ନିଜ ଫିଲ୍ମ କିମ୍ବା ରଣବୀର କପୁରଙ୍କ ସହ ନୁହେଁ ବରଂ ତାଙ୍କ ପିନ୍ଧିଥିବା ଡ୍ରେସ ପାଇଁ ଚର୍ଚ୍ଚାକୁ ଆସିଛନ୍ତି ।

ମୁମ୍ବାଇ: ଆଲିଆ ଭଟ୍ଟ (Alia Bhatt) ଏପରି ଜଣେ ଅଭିନେତ୍ରୀ ଯିଏ ଖୁବ୍ କମ୍ ସମୟ ମଧ୍ୟରେ ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ (Bollywood film industry) ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ଆଲିଆ ଭଟ୍ଟ (Alia Bhatt) ଫିଲ୍ମ ଷ୍ଟୁଡେଣ୍ଟ ଅଫ୍ ଦି ଇୟର ସହିତ ପ୍ରମାଣ କରିଛନ୍ତି ଯେ ସେ ଫିଲ୍ମ ଜଗତରେ ଦୀର୍ଘ ସମୟ ପର୍ଯ୍ୟନ୍ତ ଦବଦବା ଜାରି ରଖିବେ । ଆଲିଆ ଭଟ୍ଟ ନିଜ ଫିଲ୍ମ ତଥା ରଣବୀର କପୁରଙ୍କ (Ranbir Kapoor) ସହ ବ୍ୟକ୍ତିଗତ ସମ୍ପର୍କ ପାଇଁ ଅନେକ ସମୟରେ ହେଡଲାଇନରେ ରହିଥା’ନ୍ତି । କିନ୍ତୁ ନିକଟରେ ଆଲିଆ ଭଟ୍ଟ ନିଜ ଫିଲ୍ମ କିମ୍ବା ରଣବୀର କପୁରଙ୍କ ସହ ନୁହେଁ ବରଂ ତାଙ୍କ ପିନ୍ଧିଥିବା ଡ୍ରେସ ପାଇଁ ଆଲୋଚନାକୁ ଆସିଛନ୍ତି ।

View this post on Instagram

A post shared by Instant Bollywood (@instantbollywood)

ଆଉଟଫିଟ ପାଇଁ ଟ୍ରୋଲ୍
ଏଥର ଆଲିଆ ଭଟ୍ଟ (Alia Bhatt) ସୋସିଆଲ ମିଡିଆରେ ନିଜ ଆଉଟଫିଟ ପାଇଁ ବହୁତ ଟ୍ରୋଲ ହେଉଛନ୍ତି । ସୋସିଆଲ ମିଡିଆରେ ଉପସ୍ଥିତ ଥିବା ୟୁଜର୍ସ ତାଙ୍କର ଏହି ଷ୍ଟାଇଲକୁ ଆଦୌ ପସନ୍ଦ କରୁ ନାହାଁନ୍ତି । ବାସ୍ତବରେ ଆଲିଆ କିଛି କାମ ପାଇଁ ତାଙ୍କ ଘରୁ ବାହାରକୁ ଆସିଥିଲେ । ଯେଉଁଠାରେ ତାଙ୍କୁ କ୍ୟାମେରାରେ ପାପାରାଜି (Paparazzi) କଏଦ କରିଥିଲେ । ଆଲିଆ ଭଟ୍ଟ (Alia Bhatt) ଏହି ଫଟୋରେ ଗ୍ରେ ରଙ୍ଗର ଟପ୍ ସହିତ ବ୍ଲାକ ଶାର୍ଟ ପିନ୍ଧିଥିବା ନଜର ଆସୁଛନ୍ତି । ଯଦିଓ ଆଲିଆ ଏହି ଲମ୍ବା ଟପ୍ ରେ ବହୁତ ସୁନ୍ଦର ଦେଖାଯାଉଛନ୍ତି, କିନ୍ତୁ ତାଙ୍କ ଟପ୍ ଟିକେ ପତଳା, ଏହି କାରଣରୁ ତାଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି ଓ ଲୋକମାନେ ତାଙ୍କୁ ବିଭିନ୍ନ ଉପାୟରେ ମନ୍ତବ୍ୟ ଦେଉଛନ୍ତି ।

ପ୍ରେମିକ ରଣବୀରଙ୍କ ସହ ନଜର ଆସିବେ ଆଲିଆ
ଆଲିଆ ଭଟ୍ଟଙ୍କ କାମ ବିଷୟରେ କହିବାକୁ ଗଲେ ଖୁବ୍ ଶୀଘ୍ର ନିଜ ଫିଲ୍ମ 'ଗାଙ୍ଗୁବାଇ କାଠିୟାୱାଡି' ଦର୍ଶକଙ୍କ ସାମ୍ନାରେ ଆସିବ । ସଞ୍ଜୟ ଲୀଲା ଭନସାଲୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ଆଲିଆଙ୍କର ବହୁତ ଶକ୍ତିଶାଳୀ ଚରିତ୍ର ରହିଛି ଓ ଫିଲ୍ମର ପ୍ରଥମ ଲୁକ୍ ଅନେକ ଆଶା ବଢ଼ାଇଛି । ଏହା ବ୍ୟତୀତ ଆଲିଆ ଏସ୍ ରାଜାମୌଲିଙ୍କ 'ଆରଆରଆର' ଓ 'ବ୍ରହ୍ମାସ୍ତ୍ର'ରେ ମଧ୍ୟ ନଜର ଆସିବେ । ଆଲିଆ ନିଜ ପ୍ରେମିକ ରଣବୀର କପୁରଙ୍କ ସହ ପ୍ରଥମ ଥର ପାଇଁ 'ବ୍ରହ୍ମାସ୍ତ୍ର'ରେ କାମ କରିବେ ।