ଶ୍ରମିକ ଏକ୍ସପ୍ରେସକୁ ନେଇ କେନ୍ଦ୍ର ସରକାର କଲେ ବଡ଼ ପରିବର୍ତ୍ତନ

ନୂଆଦିଲ୍ଲୀ: ଶ୍ରମିକ ଏକ୍ସପ୍ରେସ ଚଳାଚଳ ନେଇ ଗୃହ ମନ୍ତ୍ରଣାଳୟ ଦ୍ୱାରା ଗତ ୧ ତାରିଖରେ ଜାରି କରିଥିବା ସର୍କୁଲାରକୁ ପ୍ରତ୍ୟାହାର କରି ନିଆଯାଇଛି। ନୂଆ ସର୍କୁଲାର ଅନୁଯାୟୀ, ରେଳବାଇ ଟ୍ରେନ୍ ଚଳାଚଳ କରିବା ପାଇଁ ରାଜ୍ୟ ସରକାରଙ୍କ ସହମତି ଆବଶ୍ୟକ କରିବ ନାହିଁ। ଏହା ପୂର୍ବରୁ ଯେଉଁ ରାଜ୍ୟ ପାଇଁ ଶ୍ରମିକ ଏକ୍ସପ୍ରେସ ଚଳାଚଳ କରିବାକୁ ପଡିବ ସେଥିପାଇଁ ରାଜ୍ୟ ସରକାରଙ୍କ ସହମତି ଆବଶ୍ୟକ ଥିଲା। କିନ୍ତୁ ଗତ କିଛି ଦିନ ତଳେ ରେଳବାଇ ଏବଂ ରେଳ ମନ୍ତ୍ରୀଙ୍କ ବାରମ୍ବାର ଅନୁରୋଧ ସତ୍ତ୍ୱେ ଅନେକ ରାଜ୍ୟରୁ ଅନୁମତି ମିଳିନଥିଲା। ତେଣୁ କେନ୍ଦ୍ର ସରକାରଙ୍କ ପକ୍ଷରୁ ଏହି ନିଷ୍ପତ୍ତି ନିଆଯାଇଛି।

ଏହାପୂର୍ବରୁ କେନ୍ଦ୍ର ରେଳ ଓ ବାଣିଜ୍ୟ ମନ୍ତ୍ରୀ ପୀୟୁଷ ଗୋୟଲ କହିଥିଲେ ଯେ ଭାରତୀୟ ରେଳବାଇ ଶନିବାର ପର୍ଯ୍ୟନ୍ତ ୧ ହଜାର ୩୪  ସ୍ୱତନ୍ତ୍ର ଶ୍ରମିକ ଟ୍ରେନ୍ ଚଳାଚଳ କରୁଛି। ସେ ଆହୁରି ମଧ୍ୟ କହିଛନ୍ତି, "ଉତ୍ତରପ୍ରଦେଶ ଏବଂ ବିହାର ସକାରାତ୍ମକ ପଦକ୍ଷେପ ନେଇଛନ୍ତି ଏବଂ ଏହି ଦୁଇଟି ରାଜ୍ୟରେ ଚଳାଚଳ କରୁଥିବା ମୋଟ ଶ୍ରମିକ ଟ୍ରେନ ୮୦ ପ୍ରତିଶତ ଏହି ରାଜ୍ୟରେ ଚଳାଚଳ କରୁଛି । ସେ ଦାବି କରିଛନ୍ତି ଯେ ରାଜ୍ୟ ସରକାର ଯେତେ ଶୀଘ୍ର ଟ୍ରେନ ଆବଶ୍ୟକ କରନ୍ତି। ତେବେ ରାଜ୍ୟ ସରକାରଙ୍କ ଦାବି ମୁତାବକ ସେମାନଙ୍କୁ ଶ୍ରମିକ ଟ୍ରେନକୁ ଯୋଗାଇ ଦିଆଯାଇଥିବା ନେଇ ଦାବି କରିଛନ୍ତି। 

କିନ୍ତୁ ଏହା ସତ୍ତ୍ୱେ ଅନେକ ରାଜ୍ୟ ଶ୍ରମିକ ଟ୍ରେନ୍ ଚଳାଇବାକୁ ଆଗ୍ରହୀ ନଥିଲେ। ଅନେକ ରାଜ୍ୟ ସରକାରଙ୍କ ଅନୁରୋଧ ପରେ ଏହି ପରିବର୍ତ୍ତନ କରାଯାଇଛି। ପ୍ରତ୍ୟେକ ଶ୍ରମିକ ସ୍ୱତନ୍ତ୍ର ଟ୍ରେନରେ ୨୪ଟି କୋଚ ଅଛି ଏବଂ ପ୍ରତ୍ୟେକରେ ୭୨ଟି ସିଟ୍ ଅଛି | ବର୍ତ୍ତମାନ ପର୍ଯ୍ୟନ୍ତ କେବଳ ୫୪ ଜଣଙ୍କୁ ସାମାଜିକ ଦୂରତା ବଜାୟ ରଖି ଗୋଟିଏ ବଗିରେ ଯାତ୍ରା କରିବାକୁ ଅନୁମତି ଦିଆଯାଇଛି | ରେଳବାଇ ଏପର୍ଯ୍ୟନ୍ତ ସ୍ୱତନ୍ତ୍ର ସେବା ଉପରେ ଖର୍ଚ୍ଚ ଘୋଷଣା କରିନାହିଁ। କିନ୍ତୁ ଅଧିକାରୀମାନେ ସୂଚାଇ ଦେଇଛନ୍ତି ଯେ ରେଳ ସେବା ପ୍ରତି ପ୍ରାୟ ୮୦ ଲକ୍ଷ ଟଙ୍କା ଖର୍ଚ୍ଚ କରାଯାଉଛି। ଏହାପୂର୍ବରୁ ସରକାର କହିଥିଲେ ଯେ ସେବା ମୂଲ୍ୟ ୮୫:୧୫ ଅନୁପାତରେ ରାଜ୍ୟ ସହ ବାଣ୍ଟି ଦିଆଯାଇଛି।