ନୂଆଦିଲ୍ଲୀ: ବ୍ରିଟେନରେ କୋରୋନା ଭୂତାଣୁ (Coronavirus) ର ଆଉ ଏକ ନୂଆ ଷ୍ଟ୍ରେନ (New Coronavirus Strain) ଦେଖିବାକୁ ମିଳିଛି, ଯାହା ପୂର୍ବ ନୂତନ ଷ୍ଟ୍ରେନ ( Strain) ଅପେକ୍ଷା ଅଧିକ ବିପଜ୍ଜନକ ଅଟେ । ବ୍ରିଟେନର ସ୍ୱାସ୍ଥ୍ୟମନ୍ତ୍ରୀ ମ୍ୟାଟ ହାନକକ୍ (Britain Health Minister Matt Hancock) ବୁଧବାର କହିଛନ୍ତି ଯେ ନୂତନ ଭାରିଆଣ୍ଟ (New Variant) କୋରୋନା ଭୂତାଣୁର ୨ଟି ମାମଲା ସାମ୍ନାକୁ ଆସିଛି । କୋରୋନା ଭୂତାଣୁର ଏହି ନୂତନ ରୂପ ପ୍ରଥମେ ଦକ୍ଷିଣ ଆଫ୍ରିକାରେ ମିଳିଥିଲା ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ଜାଣନ୍ତୁ ଜାନୁଆରୀରୁ କେଉଁ କେଉଁ ସ୍ଥାନରେ ଖୋଲିବ ସ୍କୁଲ?



ବ୍ରିଟେନରେ ଯେଉଁ ୨ ଜଣ ଲୋକ ସଂକ୍ରମିତ ହୋଇଥିବାର ପୃଷ୍ଟି ହୋଇଛି, ସେମାନେ ନିକଟ ଅତୀତରେ ଦକ୍ଷିଣ ଆଫ୍ରିକା ଗସ୍ତ କରିଥିଲେ । ମ୍ୟାଟ୍ ହାନକଙ୍କ ଅନୁଯାୟୀ, ଦକ୍ଷିଣ ଆଫ୍ରିକାରେ ମିଳୁଥିବା ଏହି ନୂତନ ଭାରିଆଣ୍ଟଟି ବ୍ରିଟେନରେ ମିଳୁଥିବା ନୂତନ ରୂପ ଅଧିକ ପରିବର୍ତ୍ତନ ହେବା ସହିତ ଦ୍ରୁତଗତିରେ ବ୍ୟାପୁଛି । ସେ ଏହି ଷ୍ଟ୍ରେନର ବିସ୍ତାରକୁ 'ଅତ୍ୟନ୍ତ ଚିନ୍ତାଜନକ' ବୋଲି କହିଛନ୍ତି ।


ବର୍ତ୍ତମାନର ବିପଦକୁ ଦୃଷ୍ଟିରେ ରଖି ଦକ୍ଷିଣ ଆଫ୍ରିକା ଯାତ୍ରା ଉପରେ ପ୍ରତିବନ୍ଧକ ଲାଗୁ କରାଯାଇଛି । ଏହାବ୍ୟତୀତ, ଯେଉଁମାନେ ଗତ ୧୫ ଦିନ ମଧ୍ୟରେ ଦକ୍ଷିଣ ଆଫ୍ରିକାରୁ ଫେରିଛନ୍ତି କିମ୍ବା ଯୋଗାଯୋଗ କରିଛନ୍ତି, ସେମାନଙ୍କୁ ତୁରନ୍ତ କ୍ୱାରାଣ୍ଟିନ୍ ଯିବାକୁ ନିର୍ଦ୍ଦେଶ ଦିଆଯାଇଛି । କୋରୋନା ଭୂତାଣୁର ଏହି ନୂତନ ରୂପ ଦକ୍ଷିଣ ଆଫ୍ରିକାରେ ମଧ୍ୟ ଚିନ୍ତାର ବିଷୟ ପାଲଟିଛି ।


ଅଧିକ ପଢ଼ନ୍ତୁ:-ପୁଣି ସଙ୍କଟରେ ଗେହଲଟ ସରକାର! ସମର୍ଥନ ପ୍ରତ୍ୟାହାର କଲା BTP


ଦକ୍ଷିଣ ଆଫ୍ରିକାର ସ୍ୱାସ୍ଥ୍ୟମନ୍ତ୍ରୀ ଜ୍ୱେଲି ମିଖାଇସ୍ କହିଛନ୍ତି ଯେ ଏହି ନୂତନ ଷ୍ଟ୍ରେନ୍ ଯୋଗୁଁ ଯୁବକ ଏବଂ ସୁସ୍ଥ ଲୋକମାନେ ମଧ୍ୟ ଅସୁସ୍ଥ ହୋଇପଡିଛନ୍ତି । ଏଥି ସହିତ ଦକ୍ଷିଣ ଆଫ୍ରିକାର ବୈଜ୍ଞାନିକମାନେ କହିଛନ୍ତି ଯେ ନୂତନ ଷ୍ଟ୍ରେନ୍ 'ଅତି ଦ୍ରୁତ ଗତିରେ' ବିସ୍ତାର କରୁଛି ଏବଂ ଏହା ଦେଶର ଅନେକ ସ୍ଥାନକୁ ଖରାପ ପ୍ରଭାବ ପକାଇଛି । ସମ୍ପ୍ରତି, କୋରୋନା ଭୂତାଣୁର ଏହି ଷ୍ଟ୍ରେନ୍ ଅଧ୍ୟୟନ କରାଯାଉଛି, କିନ୍ତୁ ଏପର୍ଯ୍ୟନ୍ତ ପ୍ରକାଶ ପାଇଥିବା ସୂଚନା ଅନୁଯାୟୀ ଏହା ବହୁଗୁଣରେ ଶୀଘ୍ର ବ୍ୟାପିଥାଏ ।