କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ରୋକିବା ମାମଲା ପହଞ୍ଚିଲା ସୁପ୍ରିମକୋର୍ଟ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ସମସ୍ତ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା(DA) ରୋକିବା ମାମଲା ସୁପ୍ରିମକୋର୍ଟରେ ପହଞ୍ଚିଛି । ସରକାରଙ୍କ ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଛି । ହିମାଚଳରେ ରହୁଥିବା କର୍କଟ ରୋଗୀ ଅବସରପ୍ରାପ୍ତ ଆର୍ମି ମେଜର ଓମକର ସିଂ ଗୁଲେରିଆ ଏହି ମାମଲାରେ ଯାଚିକା ଦାଖଲ କରିଛନ୍ତି ।

ଏହି ଆବେଦନରେ କେନ୍ଦ୍ର ଓ ରାଜ୍ୟ ସରକାରଙ୍କୁ ତୁରନ୍ତ ସେବାରତ ତଥା ଅବସରପ୍ରାପ୍ତ ସରକାରୀ କର୍ମଚାରୀଙ୍କୁ ଡିଏ ଦେବାକୁ ଦାବି କରାଯାଇଛି । ଏହା ମଧ୍ୟ କୁହାଯାଇଛି ଯେ, କୌଣସି ବ୍ୟବସାୟ ଗୃହ କିମ୍ବା ଇଣ୍ଡଷ୍ଟ୍ରିଆଲ୍ ୟୁନିଟକୁ କୌଣସି ପ୍ରକାର ଆର୍ଥିକ ସହାୟତା ଦେବା ବନ୍ଦ କରିବାକୁ ସରକାରଙ୍କୁ ନିର୍ଦ୍ଦେଶ ଦିଆଯାଉ ।

ଅବସରପ୍ରାପ୍ତ ମେଜର ୬୯ ବର୍ଷିୟ ଗୁଲେରିଆ ଏହି ଯାଚିକାରେ କହିଛନ୍ତି ଯେ, ଭାରତ ସରକାରଙ୍କ ଅର୍ଥ ସଚିଚ, ନୂଆ ଦିଲ୍ଲୀ ମାଧ୍ୟମରେ ଜାରି କରାଯାଇଥିବା ଏହି ଆଦେଶ ମନମୁଖୀ ଏବଂ ଏହା ଲକ୍ଷ ଲକ୍ଷ ପେନ୍‌ସନ୍‌ଭୋଗୀଙ୍କୁ ପ୍ରଭାବିତ କରିବ । DA ବା ମହଙ୍ଗା ଭତ୍ତାର ବକେୟା ଏପ୍ରିଲ୍ ୨୦୨୦ର ପ୍ରଥମ ସପ୍ତାହରେ ପ୍ରଦାନ କରାଯାଉଥିଲା । କିନ୍ତୁ ଉଦ୍ଦେଶ୍ୟମୂଳକ ଭାବରେ ପ୍ରଦାନ କରାଯାଇ ନଥିଲା । ଏବଂ ୨୦ ଏପ୍ରିଲ୍ ୨୦୨୦ରେ ମହଙ୍ଗା ଭତ୍ତା ଉପରେ ରୋକ ଲଗାଯାଇଥିଲା ।

ସେ କହିଛନ୍ତି ଯେ ଜାନୁୟାରୀ ୧, ୨୦୨୦ ଠାରୁ "ମହଙ୍ଗା ଭତ୍ତା" ଲୋକଙ୍କ ପାଇଁ ଅପୂରଣୀୟ କ୍ଷତି ଘଟାଇପାରେ । କାରଣ ଏପରି ସମୟରେ କୋଭିଡ-19 (COVID 19) ମହାମାରୀ କାୟା ବିସ୍ତାର କରିଚାଲିଛି ।