Taliban Cabinet Meeting: ତାଲିବାନ କ୍ୟାବିନେଟ ବୈଠକ ବେଳେ ହୋଇଗଲା ହାତାହାତି, ପରୀକ୍ଷା ବୋର୍ଡ ଅଧ୍ୟକ୍ଷଙ୍କ ମାଡ଼ରେ ଭାଙ୍ଗିଲା ଉଚ୍ଚଶିକ୍ଷା ମନ୍ତ୍ରୀଙ୍କ ହାତ

Taliban Govt News: ତାଲିବାନ ସରକାରଙ୍କ କ୍ୟାବିନେଟ ବୈଠକ ସମୟରେ ହେଉଥିବା ସଂଘର୍ଷ ଏକ ନିତିଦିନିଆ ଘଟଣା ବୋଲି ସ୍ଥାନୀୟ ସାମ୍ବାଦିକ ବିଲାଲ ସରୱାରୀ ଟ୍ୱିଟ କରି ଜଣାଇଛନ୍ତି। ଏନେଇ ସାମ୍ବାଦିକ ଜଣଙ୍କ କହିଛନ୍ତି ଯେ, ପରୀକ୍ଷା ମୂଲ୍ୟାୟନକୁ ନେଇ ତାଲିବାନ ସରକାରଙ୍କ ଉଚ୍ଚଶିକ୍ଷା ମନ୍ତ୍ରୀ ଶେଖ ନେଦା ଏବଂ ପରୀକ୍ଷା ବୋର୍ଡ ଅଧ୍ୟକ୍ଷ ଶେଖ ବାକି ହକାନୀଙ୍କ ବିବାଦ ଉପୁଜିଥିଲା।

Clash In Taliban Cabinet Meeting: ଆଫଗାନିସ୍ତାନରେ କ୍ଷମତାସୀନ ତାଲିବାନ ସରକାରଙ୍କ କ୍ୟାବିନେଟ ବୈଠକ ଚାଲିଥିବା ବେଳେ ହୋଇଯାଇଛି ସଂଘର୍ଷ। କ୍ୟାବିନେଟ ବୈଠକ ଚାଲିଥିବା ବେଳେ ହୋଇଥିବା ହାତାହାତି ଘଟଣାରେ ତାଲିବାନ ସରକାରଙ୍କ ଉଚ୍ଚଶିକ୍ଷା ମନ୍ତ୍ରୀ ଶେଖ ନେଦାଙ୍କ ବାମ ହାତ ଭାଙ୍ଗିଯାଇଛି। ଆଫଗାନିସ୍ତାନ ଶିକ୍ଷା ବୋର୍ଡ ପରୀକ୍ଷା ପତ୍ର ମୂଲ୍ୟାୟନକୁ ନେଇ, ପରୀକ୍ଷା ବୋର୍ଡ ଅଧ୍ୟକ୍ଷ ଶେଖ ବାକି ହକାନୀ ଏବଂ ଉଚ୍ଚଶିକ୍ଷା ମନ୍ତ୍ରୀ ଶେଖ ନେଦାଙ୍କ ମଧ୍ୟ ହାତାହାତି ହୋଇଯାଇଥିଲା। ଏହି ସଂଘର୍ଷରେ ମନ୍ତ୍ରୀଙ୍କ ହାତ ଭାଙ୍ଗି ଯାଇଥିବାର ଖବର ମିଳିଛି। 

ତାଲିବାନ ସରକାରଙ୍କ କ୍ୟାବିନେଟ ବୈଠକ ସମୟରେ ହେଉଥିବା ସଂଘର୍ଷ ଏକ ନିତିଦିନିଆ ଘଟଣା ବୋଲି ସ୍ଥାନୀୟ ସାମ୍ବାଦିକ ବିଲାଲ ସରୱାରୀ ଟ୍ୱିଟ କରି ଜଣାଇଛନ୍ତି। ଏନେଇ ସାମ୍ବାଦିକ ଜଣଙ୍କ କହିଛନ୍ତି ଯେ, ପରୀକ୍ଷା ମୂଲ୍ୟାୟନକୁ ନେଇ ତାଲିବାନ ସରକାରଙ୍କ ଉଚ୍ଚଶିକ୍ଷା ମନ୍ତ୍ରୀ ଶେଖ ନେଦା ଏବଂ ପରୀକ୍ଷା ବୋର୍ଡ ଅଧ୍ୟକ୍ଷ ଶେଖ ବାକି ହକାନୀଙ୍କ ବିବାଦ ଉପୁଜିଥିଲା। ପରୀକ୍ଷା ବୋର୍ଡ ଅଧ୍ୟକ୍ଷ, ଉଚ୍ଚଶିକ୍ଷା ମନ୍ତ୍ରୀଙ୍କ ନିକଟରେ ଅଭିଯୋଗ କରିଥିଲେ। ଯାହା ପରେ ବିବାଦରେ ପରିଣତ ହୋଇଥିଲା। ଏହି ଘଟଣାରେ ଉଚ୍ଚ ଶିକ୍ଷା ମନ୍ତ୍ରୀଙ୍କ ହାତ ଭାଙ୍ଗିଥିଲା। 

ଅଲ-କାଏଦା ନେତା ଓସାମା ବିନ୍ ଲାଦେନଙ୍କୁ ଶରଣ ଦେବା ଅଭିଯୋଗରେ ଆମେରିକାର ନେତୃତ୍ୱାଧୀନ ସାମରିକ ମେଣ୍ଟ ଗତ ୨୦୦୧ ମସିହାରେ ଆଫଗାନିସ୍ତାନରେ କ୍ଷମତାସୀନ ତାଲିବାନ ସରକାରକୁ ଗାଦିଚ୍ୟୁତ କରିଥିଲା। ହେଲେ ଏହାର ୨୦ ବର୍ଷ ପରେ ଅର୍ଥାତ ୨୦୨୧ ଅଗଷ୍ଟରେ ତାଲିବାନ ସରକାର ଆଫଗାନିସ୍ତାନର କ୍ଷମତା ଦଖଲ କରିବାରେ ସଫଳ ହୋଇଥିଲା। ତାଲିବାନ ସରକାର କ୍ଷମତାକୁ ଆସିବା ପରେ ଆଫଗାନିସ୍ତାନରେ ମହିଳା ଏବଂ ବାଳିକାଙ୍କ ବାଳିକାଙ୍କ ଉପରେ କଠୋର ପ୍ରତିବନ୍ଧକ ଲଗାଯାଇଥିଲା।

ଏହି ସମୟରେ ଆମେରିକୀୟ ରାଷ୍ଟ୍ରପତି ବାଇଡେନ କହିଛନ୍ତି ଯେ ଇରାନ ଏବଂ ଆଫଗାନିସ୍ତାନର ମହିଳାଙ୍କ ସହ ୱାଶିଂଟନ୍ ଛିଡା ହୋଇଛି, ଯେଉଁମାନେ ହିଂସାର ସମ୍ମୁଖୀନ ହେଉଛନ୍ତି। ମହିଳା ଇତିହାସ ମହୋତ୍ସବରେ ହ୍ୱାଇଟ ହାଉସ ଠାରେ ଅଭିଭାଷଣ ଦେବା ସମୟରେ ରାଷ୍ଟ୍ରପତି ବାଇଡେନ କହିଛନ୍ତି, 'ଆମେ ଇରାନ ଏବଂ ଆଫଗାନିସ୍ତାନର ମହିଳାମାନଙ୍କ ସହ ଛିଡା ହୋଇଛୁ ଯେଉଁମାନେ ହିଂସାର ସମ୍ମୁଖୀନ ହେଉଛନ୍ତି। ମୁଁ ଦୁଇ ସପ୍ତାହ ପୂର୍ବରୁ ଉପସ୍ଥାପନ କରିଥିବା ବଜେଟ କେବଳ ଘରେ ନୁହେଁ ବିଶ୍ୱ ସ୍ତରରେ ସାଧାରଣ ଗୁଣବତ୍ତାକୁ ଆଗକୁ ବଢାଇବାକୁ ୩ ବିଲିୟନ ଡଲାରରୁ ଅଧିକ ରେକର୍ଡ ପରିମାଣ ରହିଛି। ଏହି ଖବର ଆଫଗାନିସ୍ତାନ ସ୍ଥିତ ଟୋଲୋ ନ୍ୟୁଜ୍ ପକ୍ଷରୁ ଆସିଛି।

ଏହା ପୂର୍ବରୁ ଆମେରିକୀୟ ଉପ ବିଦେଶ ମନ୍ତ୍ରୀ କେ.ୱେଣ୍ଡି ଆର ଶର୍ମନ ମଧ୍ୟ ଆଫଗାନିସ୍ତାନରେ ମହିଳା ଏବଂ ବାଳିକାଙ୍କୁ ସେମାନଙ୍କର ମୌଳିକ ଅଧିକାର ପ୍ରଦାନ କରିବାକୁ ଆହ୍ୱାନ ଦେଇଛନ୍ତି। ଟୋଲୋ ନ୍ୟୁଜ୍ ଅନୁଯାୟୀ ଆମେରିକୀୟ ଉପ ବିଦେଶ ମନ୍ତ୍ରୀ କହିଛନ୍ତି ଯେ ଆଫଗାନିସ୍ତାନ ଏବଂ ଆନ୍ତର୍ଜାତୀୟ ସମୁଦାୟ ପ୍ରତି ସେମାନଙ୍କର ପ୍ରତିବଦ୍ଧତା ପୂରଣ କରିବା ପାଇଁ ମହିଳା ଏବଂ ବାଳିକାଙ୍କୁ ସେମାନଙ୍କର ମୌଳିକ ମାନବିକ ଅଧିକାର ତଥା ମୌଳିକ ସ୍ୱାଧୀନତାକୁ ବ୍ୟବହାର କରିବାକୁ ଅନୁମତି ଦେବାକୁ ଆମେ ତାଲିବାନ ସରକାରକୁ ଆହ୍ୱାନ ଦେଉଛୁ।