ବରିଷ୍ଠ କଂଗ୍ରେସ ନେତା ଅଭିଷେକ ମନୁ ସିଂଘଭିଙ୍କୁ କୋରୋନା

ନୂଆଦିଲ୍ଲୀ: କଂଗ୍ରେସର ଜାତୀୟ ମୁଖପାତ୍ର ତଥା ଜଣାଶୁଣା ଓକିଲ ଅଭିଷେକ ମନୁ ସିଂଘଭି କୋରୋନାରେ ସଂକ୍ରମିତ ହୋଇଛନ୍ତି । ବର୍ତ୍ତମାନ ତାଙ୍କ ଘରେ ଆଇସୋଲେଶନ ଅବସ୍ଥାରେ ଅଛନ୍ତି । ସିଂଘବୀଙ୍କ ସହ ଜଡିତ ସୂତ୍ର ଶୁକ୍ରବାର  ଏହି ସୂଚନା ଦେଇଛି । ସୂଚନାନୁସାରେ, ସିଂଘଭିଙ୍କୁ ସାମାନ୍ୟ ଜ୍ୱର ହୋଇଥିଲା । ଯାଞ୍ଚ ପରେ ସେ କୋରୋନା ଭୂତାଣୁ ସଂକ୍ରମିତ ହୋଇଥିବା ପୃଷ୍ଟି ହୋଇଛି । ଯାଞ୍ଚରେ ତାଙ୍କ ପତ୍ନୀ ମଧ୍ୟ କୋରୋନାରେ ସଂକ୍ରମିତ ହୋଇଥିବା ଜଣାପଡିଛି ।

ସିଂଘଭିଙ୍କୁ କୋରୋନା ଭୂତାଣୁ ସଂକ୍ରମିତ ହେବା ନିଶ୍ଚିତ ହେବା ପରେ ତାଙ୍କ ପୁଅ, ପରିବାରର ଅନ୍ୟ ସଦସ୍ୟ ଏବଂ ତାଙ୍କ ସହ କାମ କରୁଥିବା କର୍ମଚାରୀଙ୍କ ଯାଞ୍ଚ କରାଯାଉଛି ।

ଅନ୍ୟପକ୍ଷେ ସିଂଘଭି ହେଉଛନ୍ତି ଦ୍ୱିତୀୟ କଂଗ୍ରେସ ନେତା ଯିଏକି କୋରୋନାରେ ସଂକ୍ରମିତ ହୋଇଛନ୍ତି । ଏହାପୂର୍ବରୁ କଂଗ୍ରେସ ନେତା ସଞ୍ଜୟ ଝା ମଧ୍ୟ କୋରୋନାରେ ସଂକ୍ରମିତ ହୋଇଥିଲେ ।