• ରାତି ପାହିଲେ ଗଣତନ୍ତ୍ର ଦିବସ । କେନ୍ଦ୍ରୀୟ ରାଜଧାନୀ ଦିଲ୍ଲୀରେ କଡ଼ା ସୁରକ୍ଷା ।
  • ଅଭିନେତା ଶାନ୍ତି ମିଶ୍ରଙ୍କ ପରଲୋକ ।
  • ରାଜଧାନୀରେ ସାଧାରଣତନ୍ତ୍ର ଦିବସ ପାଳନ ବେଳେ ମିଡିଆକୁ ମନା
  • ରାଜ୍ୟରେ ହୁ ହୁ ହୋଇ ବଢୁଛି ତେଲ ଦର । ମାଲକାନଗିରିରେ ୯୧ ଛୁଇଁଲା ତେଲ । ରାଜଧାନୀରେ ୮୫ ପାର ।
  • ଲଦାଖରେ ଚୀନ ସେନାର ଅନୁପ୍ରବେଶ । ଭାରତୀୟ ସୀମା ମଧ୍ୟରେ ଥିବା ରାସ୍ତା ବ୍ୟବହାର କରୁଥିବା ନେଇ ଲଦାଖବାସୀଙ୍କ ସୂଚନା ।
  • ଭାରତ-ଚୀନ କର୍ପ୍‌ସ କମାଣ୍ଡର ସ୍ତରୀୟ ବୈଠକ ଶେଷ । ମୋଲ୍‌ଡୋରେ ୧୫ ଘଣ୍ଟା ଧରି ଚାଲିଥିଲା ନବମ ପର୍ଯ୍ୟାୟ ଦ୍ବିପାକ୍ଷିକ କଥାବାର୍ତ୍ତା ।

ନୂଆ ବର୍ଷରେ ବଦଳିଯିବ କଲ କରିବାର ଉପାୟ, ନୂଆ ନିୟମ ଜାରି କଲା କେନ୍ଦ୍ର ସରକାର

ଟେଲିକମ୍ ବିଭାଗ କହିଛି ଯେ ଜାନୁୟାରୀ ୧୫, ୨୦୨୧ ଠାରୁ ଲ୍ୟାଣ୍ଡଲାଇନରୁ ମୋବାଇଲ୍ ନମ୍ବରକୁ କଲ କରିବା ପାଇଁ ପ୍ରିଫିକ୍ସ (Prefix) ଲଗାଇବା ବାଧ୍ୟତାମୂଳକ ହେବ ।

ନୂଆ ବର୍ଷରେ ବଦଳିଯିବ କଲ କରିବାର ଉପାୟ, ନୂଆ ନିୟମ ଜାରି କଲା କେନ୍ଦ୍ର ସରକାର

ନୂଆଦିଲ୍ଲୀ: ଦେଶରେ ଖୁବ୍ ଶୀଘ୍ର କଲ୍ କରିବାର ଉପାୟ ବଦଳିବାକୁ ଯାଉଛି । ଏଥିପାଇଁ କେନ୍ଦ୍ର ସରକାର ନୂତନ ନିୟମ (New Rules to Call) କରିଛନ୍ତି । ଯାହା ଜାନୁୟାରୀ ୧୫,୨୦୨୧ରୁ ଲାଗୁ ହେବ । ନୂତନ ନିୟମ ଅନୁଯାୟୀ, ଫିକ୍ସଡ ଲାଇନ ବା ଲ୍ୟାଣ୍ଡଲାଇନରୁ ମୋବାଇଲ୍ ନମ୍ବର (Landline to Mobile) କୁ କଲ୍ କରିବାକୁ ଆପଣଙ୍କୁ ପ୍ରଥମେ '0' (Zero) ଡାଏଲ୍ କରିବାକୁ ପଡିବ । ନୂତନ ବ୍ୟବସ୍ଥା କାର୍ଯ୍ୟକାରୀ କରିବାକୁ ଟେଲିକମ୍ ବିଭାଗ (DoT) କମ୍ପାନୀମାନଙ୍କୁ ପହିଲା ଜାନୁୟାରୀ ୨୦୨୧ ସୁଦ୍ଧା ଆବଶ୍ୟକ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛି । ବିଭାଗ ଟେଲିକମ୍ ସେକ୍ଟରର ରେଗୁଲେଟର ଟ୍ରାଇ (TRAI) ର ସୁପାରିଶର ଏପରି କଲ୍ ପାଇଁ ପ୍ରିଫିକ୍ସ ଶୂନ୍ୟ କରିବାକୁ ସୁପାରିଶକୁ ଗ୍ରହଣ କରିଛି । ଏହି ପଦକ୍ଷେପ ସହିତ ଟେଲିକମ୍ ସେବା (Telecom Service) ପାଇଁ ପର୍ଯ୍ୟାପ୍ତ ସଂଖ୍ୟା ଉପଲବ୍ଧ ହେବ ।  ଫିକ୍ସଡ ଲାଇନ୍ ଏବଂ ମୋବାଇଲ୍ ସେବା ପାଇଁ ପର୍ଯ୍ୟାପ୍ତ ଉତ୍ସ ସୁନିଶ୍ଚିତ କରିବାକୁ କେନ୍ଦ୍ର ସରକାର (Central Government) ଏହି ପଦକ୍ଷେପ ନେଇଛନ୍ତି ।

ଅଧିକ ପଢ଼ନ୍ତୁ:-ଡିସେମ୍ବର ୧ରୁ ଆପଣଙ୍କ ଆକାଉଣ୍ଟକୁ ଟଙ୍କା ପଠାଇବେ ମୋଦି ସରକାର, ଏହି ଉପାୟରେ ଚେକ୍ କରନ୍ତୁ ନିଜ ନାଁ

ଟେଲିକମ୍ ବିଭାଗ କହିଛି ଯେ ଜାନୁୟାରୀ ୧୫, ୨୦୨୧ ଠାରୁ ଲ୍ୟାଣ୍ଡଲାଇନରୁ ମୋବାଇଲ୍ ନମ୍ବରକୁ କଲ କରିବା ପାଇଁ ପ୍ରିଫିକ୍ସ (Prefix) ଲଗାଇବା ବାଧ୍ୟତାମୂଳକ ହେବ । ଏଥି ସହିତ ଲ୍ୟାଣ୍ଡଲାଇନରୁ ଫିକ୍ସଡ ଲାଇନ, ମୋବାଇଲରୁ ଫିକ୍ସଡ ଲାଇନ ଏବଂ ମୋବାଇଲରୁ ମୋବାଇଲ ନମ୍ବରକୁ ଡାଏଲ କରିବା ପାଇଁ ମହଜୁଦ ନିୟମ ଲାଗୁ ରହିବ । ଦୂରସଞ୍ଚାର ବିଭାଗ ସମସ୍ତ ଟେଲିଫୋନ୍ ସେବା ପ୍ରଦାନକାରୀଙ୍କୁ କହିଛି ଯେ ଯେତେବେଳେ ବି ଜଣେ ଗ୍ରାହକ '0' ନ ଲଗାଇ ଲ୍ୟାଣ୍ଡଲାଇନରୁ ମୋବାଇଲ୍ ନମ୍ବର ଡାଏଲ୍ କରିବେ, ଏହି ପରିବର୍ତ୍ତନ ସହ ଜଡିତ ସୂଚନା ସେମାନଙ୍କୁ ଜଣାଇବା ଉଚିତ । ନୂତନ ବ୍ୟବସ୍ଥା ସହିତ ୨୫୩୯ ମିଲିୟନ ନମ୍ବର ସିରିଜ୍ ପ୍ରସ୍ତୁତ ହେବ ବୋଲି ଆଶା କରାଯାଉଛି । ଭବିଷ୍ୟତରେ ଫୋନ୍ ନମ୍ବରର ବଢ଼ୁଥିବା ଚାହିଦା ପୂରଣ କରିବାରେ ଏହା ସାହାଯ୍ୟ କରିବ ।

ଅଧିକ ପଢ଼ନ୍ତୁ:-ଖୁବ୍ ଶୀଘ୍ର ୫୦ ଲକ୍ଷ କର୍ମଚାରୀଙ୍କ ବଢ଼ିବ ମହଙ୍ଗା ଭତ୍ତା! ଜାଣନ୍ତୁ କେବେ ମିଳିବ ଲାଭ

ଫିକ୍ସ ଲାଇନ ନମ୍ବରରୁ ମୋବାଇଲ୍ ନମ୍ବରର ଡାଏଲିଂ ଢାଞ୍ଚାରେ ପରିବର୍ତ୍ତନ ଉପରେ ଏକ ସର୍କୁଲାରରେ ଟେଲିକମ୍ ବିଭାଗ କହିଛି ଯେ ଫିକ୍ସ ଲାଇନ ଓ ମୋବାଇଲ୍ ସେବା ପାଇଁ ପର୍ଯ୍ୟାପ୍ତ ସଂଖ୍ୟା ନିଶ୍ଚିତ କରିବାକୁ ଚଳିତ ବର୍ଷ ମଇ ୨୯ରେ TRAI ଦେଇଥିବା ପରାମର୍ଶକୁ ଗ୍ରହଣ କରିଛି । । ଏହି ନିର୍ଦ୍ଦେଶନାମା କାର୍ଯ୍ୟକାରୀ କରାଯିବା ଉଚିତ ବୋଲି ମଧ୍ୟ କୁହାଯାଇଛି । ଫିକ୍ସଡ ଟୁ ମୋବାଇଲ୍ କଲ୍ ପାଇଁ ପ୍ରଥମେ '0' ଡାଏଲ୍ କରନ୍ତୁ । ବିଭାଗ କହିଛି ଯେ ସମସ୍ତ ଫିକ୍ସଡ ଲାଇନ ଗ୍ରାହକଙ୍କୁ '0' ଡାଏଲିଂ ସୁବିଧା ଯୋଗାଇ ଦିଆଯିବା ଉଚିତ, ଯାହା STD ଡାଏଲିଂ ସୁବିଧା ଅଟେ ।