Road Accident: କାର ଉପରେ ଚଢିଗଲା ଟ୍ରକ୍, ଘଟଣାସ୍ଥଳରେ ଗୋଟିଏ ପରିବାରର ୪ ମୃତ

Road Accident: ଏମିତିବି ଆସେ ମୃତ୍ୟୁ । ଚାହିଁଚାହୁଁ ଘଟିଗଲା ବଡ଼ ଅଘଟଣ। କୁହୁଡି ଯୋଗୁଁ ଚାଲିଗଲା ୪ ଜୀବନ ( 4 killed in Road Accident)। ଏହି ଭୟଙ୍କର ଦୁର୍ଘଟଣାରେ ଗୋଟିଏ ପରିବାରର ଚାରିଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ସେନେଇ ଛାନଭିନ୍ ଚଳାଇଛି। ମଧ୍ୟପ୍ରଦେଶର ଗୁନାରେ ଏହି ଛାତିଥରା ଦୁର୍ଘଟଣା ଘଟିଛି। କାର୍ ଲୁହା ରଡ଼ ବୋଝେଇ ଟ୍ରକ୍ ମାଡିଯିବାରୁ ଚାରି ଜଣଙ୍କର ମୃତ୍ୟୁ ଘଟିଛି।... 

ଏହାବି ପଢନ୍ତୁ : Shukra Gochar 2023: ଶୁକ୍ରଙ୍କ ଚଳନ ବଦଳାଇବ ଏହି ୪ ରାଶିଙ୍କ ଭାଗ୍ୟ, ନୂଆବର୍ଷ ପୂର୍ବରୁ ହେବେ ଧନୀ

ସୂଚନା ଅନୁସାରେ, ଆଜି ସକାଳୁ ରାଜଗଡ଼ ଅଞ୍ଚଳର ଏକ ପରିବାର କାର ଯୋଗେ ମଧ୍ୟପ୍ରଦେଶର ଗୁନା ଜିଲ୍ଲାର ଜଣେ ସମ୍ପର୍କୀୟଙ୍କ ଘରକୁ ଆସୁଥିଲେ (Madhya Pradesh Accident)। ଗୁନାସ୍ଥିତ ଜାତୀୟ ରାଜପଥ ୪୬ ନମ୍ବର ରାସ୍ତାରେ ଯାଉଥିବା ସମୟରେ ହଠାତ୍ ଏକ ଲୁହା ରଡ଼ ବୋଝେଇ ଟ୍ରକ୍ ତାଙ୍କ ଗାଡି ଉପରକୁ ମାଡି଼ ଯାଇଥିଲା। ଫଳରେ କାର ମଧ୍ୟରେ ଥିବା ୪ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଏବଂ ଆଉ ତିନି ଜଣ ଗୁରୁତର ଆହତ ହୋଇଥିଲେ।  ରାସ୍ତାରେ ଏହି ଭୟଙ୍କର ଦୁର୍ଘଟଣା ଦେଖି ପୋଲିସ୍ ଓ ଆମ୍ବୁଲାନ୍ସକୁ  ସ୍ଥାନୀୟ ଲୋକେ ଖବର ଦେଇଥିଲେ। 

ପୋଲିସ୍ ଘଟଣାସ୍ଥଳରେ ପହଞ୍ଚି କ୍ରେନ୍ ଯୋଗେ ଟ୍ରକକୁ ଉଠାଇ କାର୍ ମଧ୍ୟରୁ ଚାରୋଟି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା। ସେପଟେ , ଆହତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ତେବେ, ଘନ କୁହୁଡି ଯୋଗୁଁ ରାସ୍ତା ଦେଖା ନ ଯିବାରୁ କାର୍ ଉପରେ ଲୁହା ରଡ଼ ବୋଝେଇ ଟ୍ରକ୍ ମାଡିଯାଇଥିବା ପୋଲିସ୍ କହିଛି।  ତେବେ, ମୃତକଙ୍କ ମଧ୍ୟରେ ଏକ ଦମ୍ପତି ଓ ସେମାନଙ୍କ ଦୁଇ ଝିଅ ରହିଛନ୍ତି।