ମିଥୁନ ଚକ୍ରବର୍ତ୍ତୀଙ୍କ ପୁଅଙ୍କ ଫିଲ୍ମ 'ବ୍ୟାଡ ବୟ'ର ପୋଷ୍ଟର ହେଲା ରିଲିଜ

ନୂଆଦିଲ୍ଲୀ: ବଲିଉଡର ଦବଙ୍ଗ ଅର୍ଥାତ ସଲମାନ ଖାନ ନୂଆ କଳାକାରଙ୍କୁ ଆଗକୁ ବଢ଼ାଇବା ପାଇଁ ସର୍ବଦା ପ୍ରୟାସ କରିଥାଏ । ତାଙ୍କ ଯୋଗୁଁ ବଲିଉଡରେ ଅନେକ ତାରକା ନିଜର ପରିଚୟ ସୃଷ୍ଟି କରିବାରେ ସକ୍ଷମ ହୋଇଛନ୍ତି । ବର୍ତ୍ତମାନ ବଲିଉଡର ଭେଟେରାନ ଅଭିନେତା ମିଥୁନ ଚକ୍ରବର୍ତ୍ତୀଙ୍କ ସାନ ପୁଅ ନମାଶି ଚକ୍ରବର୍ତ୍ତୀ(Namashi Chakraborty) ମଧ୍ୟ 'ବ୍ୟାଡ ବୟ' ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି । ଆଜି ଏହି ଫିଲ୍ମର ଫର୍ଷ୍ଟ ଲୁକ୍ ରିଲିଜ୍ ହୋଇଛି । ପୋଷ୍ଟରରେ ନମାଶି ଚକ୍ରବର୍ତ୍ତୀ ଏବଂ ଅଭିନେତ୍ରୀ ଅମ୍ରିନ୍ କୁରେଶିଙ୍କ ଚମତ୍କାର ଲୁକ୍ ଦୃଶ୍ୟମାନ ହେଉଛି । ଫିଲ୍ମର ପୋଷ୍ଟର ରିଲିଜ ହେବା ମାତ୍ରେ ସଲମାନ ଖାନ ତାଙ୍କ ପ୍ରତିକ୍ରିୟା ଦେଇଛନ୍ତି ।

ସଲମାନ ଖାନ ଫିଲ୍ମର 'ବ୍ୟାଡ ବୟ'ର ପୋଷ୍ଟର ନିଜ ଟ୍ୱିଟର ହ୍ୟାଣ୍ଡେଲରେ  ସେୟାର କରିଛନ୍ତି । ଏହାସହ ସେ ନମାଶି ଚକ୍ରବର୍ତ୍ତୀଙ୍କୁ ଶୁଭେଚ୍ଛା ଜଣାଇଛନ୍ତି । ସଲମାନ ଖାନ କ୍ୟାପସନରେ ଲେଖିଛନ୍ତି: "'ବ୍ୟାଡ ବୟ' ଫିଲ୍ମ ପାଇଁ ତୁମକୁ  ଅଲ୍ ଦ୍ ବେଷ୍ଟ କହିବାକୁ ଚାହେଁ । ଫିଲ୍ମର ପୋଷ୍ଟର ବାସ୍ତବରେ ବହୁତ ଭଲ ।" ମୁଁ ଏଠାରେ କହି ରଖୁଛୁ ଯେ, ଫିଲ୍ମ 'ବ୍ୟାଡ ବୟ'ରେ ନମାଶି ଚକ୍ରବର୍ତ୍ତୀଙ୍କ ସହ ଅମ୍ରିନ୍ କୁରେଶି ମଧ୍ୟ ଡେବ୍ୟୁ କରିବାକୁ ଯାଉଛନ୍ତି ।

All d vry best Namashi for #BadBoy. Poster lajawaab!@amrinqureshi99 @namashi_1 @khanwacky @InboxPictures @Penmovies @BadBoy_Film #jayantilalgada #sajidqureshi #rajkumarsantoshi #himeshreshammiya #amrin #namashichakraborty pic.twitter.com/Wrg3rntVnH

— Salman Khan (@BeingSalmanKhan) May 23, 2020

'ବ୍ୟାଡ ବୟ' ଚଳଚ୍ଚିତ୍ରର ପୋଷ୍ଟରରେ ନମାଶି ଚକ୍ରବର୍ତ୍ତୀ ଚଷମା ଲଗାଇ ଆମ୍ରିନଙ୍କ ସହ ପୋଜ୍ ଦେଉଥିବାର ନଜରକୁ ଆସିଛି । 'ବ୍ୟାଡ ବୟ' ହେଉଛି ଏକ ରୋମାଣ୍ଟିକ୍ କମେଡି ଫିଲ୍ମ । ଯାହାର କାହାଣୀ ନାମାଶି ଚକ୍ରବର୍ତ୍ତୀ ଓ ଆମ୍ରିନଙ୍କୁ ନେଇ ରହିଛି । ରାଜକୁମାର ସାନ୍ତୋଷୀ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରର ଅଧିକାଂଶ ଅଂଶ ବେଙ୍ଗାଲୁରୁ ଏବଂ ମୁମ୍ବାଇ ଭଳି ସହରରେ ସୁଟିଂ କରାଯାଇଛି । ଏହି ଫିଲ୍ମ ଖୁବ ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ ।