Mumbai Flight Emergency Landing:ପକ୍ଷୀ ସହ ଧକ୍କା ହେବା ପରେ ବାରାଣାସୀରେ ଏମରଜେନ୍ସୀ ଲ୍ୟାଣ୍ଡିଂ କଲା ବିମାନ, ସମସ୍ତ ଯାତ୍ରୀ ସୁରକ୍ଷିତ

ବାରାଣାସୀରୁ ମୁମ୍ବାଇ ଅଭିମୁଖେ ଯାଉଥିବା ଭିସ୍ତାରା ଏୟାରଲାଇନ୍ସର 622 ବିମାନ, ବାର୍ଡ ହିଟ୍ କାରଣରୁ ଜରୁରୀକାଳୀନ ଅବତରଣ କରିଛି। ତେବେ ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି।

ବାରାଣାସୀରୁ ମୁମ୍ବାଇ ଅଭିମୁଖେ ଭିସ୍ତାରା ଏୟାରଲାଇନ୍ସର 622 ବିମାନ ସହ ପକ୍ଷୀ ମାଡ଼ ହେବା କାରଣରୁ ଜରୁରୀକାଳୀନ ଅବତରଣ କରିଛି। ତେବେ ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ବାରାଣାସୀର ଲାଲ ବାହାଦୂର ଶାସ୍ତ୍ରୀ ଅନ୍ତର୍ଜାତୀୟ ବିମାନବନ୍ଦରରୁ ବାରାଣାସୀରୁ ମୁମ୍ବାଇ ଅଭିମୁଖେ ଭିସ୍ତାରା ଏୟାରଲାଇନ୍ସର ୟୁକେ 622 ବିମାନ ଉଡ଼ାଣ ଭରିବାକୁ ଯାଉଥିଲା ଯେତେବେଳେ ପକ୍ଷୀ ସହ ମାଡ଼ ହେବା ଫଳରେ ଜରୁରୀକାଳୀନ ଅବତରଣ କରିଥିଲା, ପରେ ବିମାନଟି ରନୱେରେ ଅଟକି ଯାଇଥିଲା।

ବିମାନର ଯାନ୍ତ୍ରିକ ତ୍ରୁଟି ନେଇ ଇଞ୍ଜିନିୟରମାନଙ୍କ ଦ୍ୱାରା ଯାଞ୍ଚ କରାଯାଉଛି। ବିମାନରେ ଯାତ୍ରୀଙ୍କ ସଂଖ୍ୟା ସମ୍ପର୍କରେ କୌଣସି ସୂଚନା ନଥିବାବେଳେ ସମସ୍ତ ଯାତ୍ରୀ ସୁରକ୍ଷିତ ଏବଂ ସୁସ୍ଥ ଥିବା ସୂଚନା ଦିଆଯାଇଛି । ଅନ୍ୟପଟେ ଡିଜିସିଏ ପକ୍ଷରୁ ସୂଚନା ଦିଆଯାଇଛି ଯେ ଏହାର ରେଡୋମ୍ ନଷ୍ଟ ହୋଇଯାଇଛି । ଏହା ସହ ବିମାନକୁ ଅନ୍ ଗ୍ରାଉଣ୍ଡ୍ (AOG) ଘୋଷଣା କରାଯାଇଛି । 

ଗୁରୁବାର ଅହମ୍ମଦାବାଦରେ ସମାନ ଘଟଣା ଘଟିଥିଲା
ଗୁରୁବାର ଦିନ ପକ୍ଷୀ ମାଡ ହେବାର ଆଉ ଏକ ଘଟଣା ଘଟିଥିଲା। ଗୁରୁବାର ଦିନ ଅହମ୍ମଦାବାଦରୁ ଚଣ୍ଡିଗଡ଼ ଅଭିମୁଖେ ଯାତ୍ରା କରିବା ପରେ ଏକ ପକ୍ଷୀ ହଠାତ୍ ଗୋ-ଫାର୍ଷ୍ଟ ବିମାନ ସହିତ ମୁହାଁମୁହିଁ ଧକ୍କା ହୋଇଥିଲା। ଏହା ପରେ ବିମାନକୁ ଅହମ୍ମଦାବାଦକୁ ଫେରିବାକୁ ପଡିଥିଲା। ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଏହାର ଅନୁସନ୍ଧାନ କରୁଛି। ଗୁରୁବାର ସକାଳ ପ୍ରାୟ ୬ଟା ୧୫ ମିନିଟ୍ ସମୟରେ ଅହମ୍ମଦାବାଦ ବିମାନବନ୍ଦରରୁ ବିମାନ ଉଡ଼ାଣର କିଛି ସମୟ ପରେ ବିମାନଟି ପକ୍ଷୀ ସହିତ ମୁହାଁମୁହିଁ ଧକ୍କା ହେବା ପରେ ବିମାନଟି ଅହମ୍ମଦାବାଦକୁ ଫେରି ଆସିଥିଲା।