କ୍ଷମା ମାଗ ଏବଂ...; ଏହି ସର୍ତ୍ତ ରଖି ଇମ୍ରାନ ଖାନଙ୍କୁ ପ୍ରଧାନମନ୍ତ୍ରୀ ପଦ ଦେବାକୁ କହିଲା ପାକିସ୍ତାନ ସେନା

Pakistan Election 2024: ପାକିସ୍ତାନରେ ସରକାର ଗଠନକୁ ନେଇ ବିଭିନ୍ନ ଦଳ ମଧ୍ୟରେ ଲଢ଼େଇ ଚାଲିଛି। ଏହି ସମୟରେ ପାକ୍ ସେନା (Pakistan Army) ଓ ଇମ୍ରାନ ଖାନଙ୍କ (Imran Khan) ମଧ୍ୟରେ ଆଲୋଚନା ହୋଇଥିବା ଖବର ଆସି ପହଞ୍ଚିଛି। ଏଥିରେ ଇମ୍ରାନ ଖାନଙ୍କୁ ପ୍ରଧାନମନ୍ତ୍ରୀ ପଦବୀ ପାଇଁ ଅଫର୍ ଦିଆଯାଇଥିଲା। ପଢ଼ନ୍ତୁ ପୂରା ଖବର...।

Pakistan Election Result 2024: ପାକିସ୍ତାନରେ ନିର୍ବାଚନ ଫଳାଫଳ ଘୋଷଣା ହେବାର ପାଖାପାଖି ଏକ ସପ୍ତାହ ବିତିଗଲାଣି, କିନ୍ତୁ ଏପର୍ଯ୍ୟନ୍ତ ସରକାର ଗଠନ ହୋଇନାହିଁ। ଗୋଟିଏ ପଟେ ନୱାଜ ସରିଫଙ୍କ (Nawaz Sharif) ପାର୍ଟି ପାକିସ୍ତାନ ମୁସଲିମ ଲିଗ-ନୱାଜ ଶେହବାଜ ସରିଫଙ୍କୁ (Shehbaz sharif) ପିଏମ ଚେୟାରରେ ବସାଇବାକୁ ପ୍ରସ୍ତୁତି ଚଳାଇଛନ୍ତି। ଅନ୍ୟପଟେ ଇମ୍ରାନ ଖାନଙ୍କ (Imran Khan) ପାର୍ଟି ପିଟିଆଇ ଓମାର ଆୟୁବଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ କରିଛି। ଇମ୍ରାନ ଖାନଙ୍କ ଦଳ ହୋଇଥିବା ନିର୍ବାଚନରେ ଦଳୀୟ ଚିହ୍ନ ପାଇ ନ ଖିଲା। ଏହି କାରଣରୁ, ଦଳ ସ୍ୱାଧୀନ ପ୍ରାର୍ଥୀଙ୍କୁ ସମର୍ଥନ କରିଥିଲା, ସେମାନଙ୍କ ମଧ୍ୟରୁ ୯୩ ଜଣ ଜିତିଛନ୍ତି। ଏହାପରେ ନୱାଜ ସରିଫଙ୍କ ଦଳ ୭୫ଟି ସିଟ୍ ଜିତିବା ସହ ଦ୍ୱିତୀୟ ସ୍ଥାନରେ ରହିଛି।

ପିପିପି ତୃତୀୟ ସ୍ଥାନରେ ଅଛି ଓ ୫୪ଟି ସିଟ୍ ପାଇଛି। ଆଲୋଚନା ହେଉଛି ଯେ ସେନାର ସହମତିରେ ଶେହବାଜ ସରିଫଙ୍କୁ ପ୍ରଧାନମନ୍ତ୍ରୀ କରିବାକୁ ନିଷ୍ପତ୍ତି ନିଆଯାଇଛି। ନୱାଜ ସରିଫ ମଧ୍ୟ ଏଥିରେ ରାଜି ହୋଇଛନ୍ତି। ଏଥିପାଇଁ PML-N ଏବଂ PPP ଏକଜୁଟ ହେଉଛନ୍ତି। ଏଥି ସହିତ ଇମ୍ରାନ ଖାନଙ୍କ ପାର୍ଟି ମଧ୍ୟ ନିଜର ପଦକ୍ଷେପ ନେଉଛି। କେବଳ ଏତିକି ନୁହେଁ, ପାକିସ୍ତାନ ଖବରକାଗଜ ‘ଦି ନ୍ୟୁଜ୍’ର ରିପୋର୍ଟ ଅନୁଯାୟୀ ସେନା ମଧ୍ୟ ଏଥିପାଇଁ ଇମ୍ରାନ ଖାନଙ୍କ ସହ ଯୋଗାଯୋଗ କରିଥିଲେ। ୯ ମେ'ରେ ହୋଇଥିବା ହିଂସା ପାଇଁ ସେ କ୍ଷମା ମାଗିବା ଓ ଏହା ସେନା ବିରୁଦ୍ଧରେ ଆଉ କୌଣସି ଘଟଣା ନ ଘଟାଇବା ଏବଂ କୌଣସି ବୟାନ ନ ଦେବା ସର୍ତ୍ତରେ ତାଙ୍କୁ ପ୍ରଧାନମନ୍ତ୍ରୀ ପଦ ଅଫର୍ କରାଯାଇଥିଲା। 

ତେବେ ଏହି ଚୁକ୍ତି ସମ୍ପର୍କରେ ଆଲୋଚନା ହୋଇପାରି ନାହିଁ। ପାକିସ୍ତାନର ପୂର୍ବତନ ପ୍ରତିରକ୍ଷା ସଚିବ ନାଏମ ଖାଲିଦ ଲୋଧି ଏହି ଚୁକ୍ତି ଉପରେ ଆଲୋଚନା ହୋଇଥିବା ଦାବି କରିଛନ୍ତି। ସେ କହିଛନ୍ତି ଯେ ମୋର ସୂଚନା ଅଛି ଯେ ଇମ୍ରାନ ଖାନଙ୍କ ସହ ସେନା ପରୋକ୍ଷ କଥାବାର୍ତ୍ତା କରିଛନ୍ତି। ସେନା ଦ୍ୱାରା ଇମ୍ରାନ ଖାନଙ୍କ ନିକଟକୁ ପଠାଯାଇଥିବା ବାର୍ତ୍ତାରେ କୁହାଯାଇଛି ଯେ ସେ ମେ ୯ ରେ ହିଂସା କରିବାକୁ ଷଡଯନ୍ତ୍ର କରିଥିବା ସ୍ୱୀକାର କରିବା ଉଚିତ। ଏଥିପାଇଁ କ୍ଷମା ମାଗନ୍ତୁ ଓ କୁହନ୍ତୁ ଭବିଷ୍ୟତରେ ଏହା ଯେପରି ଘଟାଇବେ ନାହିଁ। ଲୋଧି କହିଛନ୍ତି ଯେ ଏହି ଉପରେ ଇମ୍ରାନ ଖାନ କହିଛନ୍ତି ଯେ ମୁଁ ସେହି ଲୋକଙ୍କୁ ଅପସାରଣ କରିବି, ଯେଉଁମାନେ ହିଂସା ସହ ଜଡିତ ଥିବା ଅଭିଯୋଗ ହୋଇଛି। ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯିବ। କିନ୍ତୁ ସେହି ହିଂସାରେ ତାଙ୍କର କୌଣସି ଭୂମିକା ଅଛି ବୋଲି ସେ ଗ୍ରହଣ କରିବାକୁ ମନା କରିଦେଇଥିଲେ।

କହିରଖୁଛୁ ଯେ ଇମ୍ରାନ ଖାନଙ୍କ ସରକାର ବିରୋଧରେ ପାକିସ୍ତାନର ନେସନାଲ ଆସେମ୍ବ୍ଲିରେ ଏକ ଅବିଶ୍ୱାସ ପ୍ରସ୍ତାବ ଆଗତ ହୋଇଥିଲା। ଏଥିରେ ଇମ୍ରାନ ଖାନଙ୍କ ଦଳ ପରାସ୍ତ ହୋଇଥିଲା। ତା’ପରେ ଦଳକୁ କ୍ଷମତାରୁ ବହିଷ୍କାର କରାଯାଇଥିଲା ଏବଂ ଇମ୍ରାନ ଖାନଙ୍କ ବିରୋଧରେ ଅନେକ ମାମଲା ଦାୟର କରାଯାଇଥିଲା। ଗିରଫ ସମୟରେ ୯ ମଇରେ ଭୟଙ୍କର ହିଂସା ହୋଇଥିଲା ଏବଂ ସେନା ପ୍ରତିଷ୍ଠାନ ଉପରେ ମଧ୍ୟ ଆକ୍ରମଣ କରାଯାଇଥିଲା। ଏହି ପ୍ରସଙ୍ଗରେ ଇମ୍ରାନ ଖାନ ସେନାର ଟାର୍ଗେଟରେ ଅଛନ୍ତି।