୨୦୧୮ ରିପୋର୍ଟ ଅନୁଯାୟୀ, ୮୬ ଲକ୍ଷ ଜନସଂଖ୍ୟା ବିଶିଷ୍ଟ ଏହି ଦେଶରେ କେବଳ ୬.୬ ଲକ୍ଷ ଲୋକ ଗରିବ ଥିଲେ । ବିଶେଷକରି ଅବିବାହିତ ପିତାମାତା ଏବଂ କମ୍ ଶିକ୍ଷିତ ବ୍ୟକ୍ତି ଏଠାରେ ଚାକିରି ପାଇବାରେ ଅସୁବିଧାର ସମ୍ମୁଖୀନ ହୁଅନ୍ତି ।
Trending Photos
ନୂଆଦିଲ୍ଲୀ: କୋରୋନା ଭୂତାଣୁ ମହାମାରୀ ଯୋଗୁଁ ଦୁନିଆର ଅନେକ ଦେଶର ଅବସ୍ଥା ଅତି ଖରାପ ସ୍ଥିତିରେ ପହଞ୍ଚିଛି । ସବୁଠାରୁ ଧନୀ ଦେଶ ମଧ୍ୟରେ ସାମିଲ ଥିବା ସ୍ୱିଜରଲ୍ୟାଣ୍ଡର ସ୍ଥିତି ଅତି ସଙ୍କଟାପନ୍ନ । ଏଠାରେ ଲୋକମାନେ ମାଗଣାରେ ଖାଇବା ପାଇଁ ଧାଡ଼ିରେ ଦେଖାଯାଉଛନ୍ତି । ରଏଟର୍ସ ରିପୋର୍ଟ ଅନୁଯାୟୀ, ଶନିବାର ଜେନେଭାରେ ଏକ ହଜାରରୁ ଅଧିକ ଲୋକ ଲାଇନ ଛିଡ଼ା ହୋଇ ଖାଦ୍ୟ ଗ୍ରହଣ କରିଥିଲେ ।
ସ୍ୱିଜରଲ୍ୟାଣ୍ଡରେ ୩୦,୩୦୫ରୁ ଅଧିକ କୋରୋନା ମାମଲା ସାମ୍ନାକୁ ଆସିଛି । ଏପର୍ଯ୍ୟନ୍ତ ୧୮୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ସ୍ୱିଜରଲ୍ୟାଣ୍ଡର ଜନସଂଖ୍ୟା ମାତ୍ର ୮୬ ଲକ୍ଷ ହେବ । କୋରୋନା ପ୍ରଭାବରେ ଏପରି ଦେଖାଦେଇଛି ଯେ ଜେନେଭାରେ ଲୋକମାନେ ଏକ କିଲୋମିଟର ଲମ୍ବା ଲାଇନରେ ଶନିବାର ଖାଦ୍ୟ ପ୍ୟାକେଟ୍ ନେଉଥିବାର ଦେଖାଯାଇଥିଲା । ଏଥିପାଇଁ ଲୋକମାନେ ସକାଳ ୫ଟାରୁ ଲାଇନରେ ଲାଗିଥିଲେ ।
ନିକାର୍ଗୁଆରୁ ଆସି ପରେ ଜେନେଭାରେ ରହୁଥିବା ଇନଗ୍ରିଡ ବର୍ଲା କହିଛନ୍ତି ଯେ, ମାସ ଶେଷରେ ମୋ ପକେଟ ଖାଲି ହୋଇଯାଇଥାଏ । ଆମକୁ ବିଲ୍, ବୀମା ଏବଂ ଅନ୍ୟାନ୍ୟ ଜିନିଷ ଦେବାକୁ ପଡିଥାଏ । ଏହା ଭଲ ଯେ ଆମେ ଏକ ସପ୍ତାହ ପାଇଁ ଖାଦ୍ୟ ପାଇଲୁ । ଆଗାମୀ ସପ୍ତାହ ବିଷୟରେ ଜାଣେନି ।
୨୦୧୮ ରିପୋର୍ଟ ଅନୁଯାୟୀ, ୮୬ ଲକ୍ଷ ଜନସଂଖ୍ୟା ବିଶିଷ୍ଟ ଏହି ଦେଶରେ କେବଳ ୬.୬ ଲକ୍ଷ ଲୋକ ଗରିବ ଥିଲେ । ବିଶେଷକରି ଅବିବାହିତ ପିତାମାତା ଏବଂ କମ୍ ଶିକ୍ଷିତ ବ୍ୟକ୍ତି ଏଠାରେ ଚାକିରି ପାଇବାରେ ଅସୁବିଧାର ସମ୍ମୁଖୀନ ହୁଅନ୍ତି ।
ସ୍ୱିସ୍ ବ୍ୟାଙ୍କ ୟୁବିଏସ୍ ଦ୍ୱାରା କରାଯାଇଥିବା ଏକ ଆକଳନ ଅନୁଯାୟୀ, ୩ ଜଣଙ୍କ ପରିବାର ଅନୁଯାୟୀ ଜେନେଭା ବିଶ୍ୱର ଦ୍ୱିତୀୟ ମହଙ୍ଗା ସହର ଅଟେ । ଯଦିଓ ସହରରେ ରହୁଥିବା ଲୋକଙ୍କ ହାରାହାରି ଆୟ ଭଲ । କିନ୍ତୁ ଅସୁବିଧାର ସମ୍ମୁଖୀନ ହେଉଥିବା ଲୋକଙ୍କୁ ଏଥିରୁ ସାହାଯ୍ୟ ମିଳି ନଥାଏ ।