• ଗଞ୍ଜାମ ଭଞ୍ଜନଗର ବ୍ଲକ୍‌ କୁଟୁଣୁକୁମ୍ପା ଗାଁରେ ଗୁଳିମାଡ଼
  • ଗୁରୁତର ଆହତ ଶିବରାମ ନାୟକ ବ୍ରହ୍ମପୁର ବଡ଼ ମେଡିକାଲ ଭର୍ତ୍ତି
  • ଗତ ୨୪ ଘଣ୍ଟା ମଧ୍ୟରେ ଦେଶରେ ୨୬ ,୧୧୫ଟି ନୂଆ କୋରୋନା ମାମଲା ଚିହ୍ନଟ, ୨୫୨ ମୃତ
  • ଦିନକରେ ରାଜ୍ୟରେ ଆଉ ୪୬୨ କୋରୋନା ଆକ୍ରାନ୍ତ ଚିହ୍ନଟ, ୫ ମୃତ
  • ବାଲେଶ୍ବର ମଥାନୀରେ ଜଳକା ବିପଦ ସଂକେତ ଉପରେ ପ୍ରବାହିତ
  • ନ୍ୟୁଜିଲାଣ୍ଡ ମହିଳା କ୍ରିକେଟ ଟିମ୍‌କୁ ବୋମା ବିସ୍ଫୋରଣ ଧମକ !
  • ନ୍ୟୁଜିଲାଣ୍ଡ ଟିମ୍‌କୁ ନେଇ ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡକୁ ଆସିଛି ଧମକପୂର୍ଣ୍ଣ ଇ-ମେଲ୍‌
  • ଆସନ୍ତା ୨୫ରେ ଆମେରିକାରେ ଆୟୋଜିତ ହେବ କ୍ବାଡ଼ ସମ୍ମିଳନୀ
  • କେନ୍ଦୁଝରରେ ନେସ୍କୋ ଯନ୍ତ୍ରୀ ମହେଶ୍ଵର ସେଠୀଙ୍କ ଘରେ ଭିଜିଲାନ୍ସ ଚଢ଼ାଉ
  • ବଙ୍ଗୋପସାଗରରେ ଘୂର୍ଣ୍ଣିବଳୟ ପ୍ରଭାବରେ ଲଘୁଚାପ କ୍ଷେତ୍ର ସୃଷ୍ଟି

ପାୱାର କଟକୁ ନେଇ ନିଅନ୍ତୁ ନାହିଁ ଟେନସନ୍, ସିମ୍ କାର୍ଡ ପରି ବଦଳାଇ ପାରିବେ ବିଦ୍ୟୁତ କନେକ୍ସନ୍!

ମୋଦି ସରକାର ଖୁବ ଶୀଘ୍ର ଇଲେକ୍ଟ୍ରିସିଟି (ସଂଶୋଧନ) ବିଲ୍, ୨୦୨୧ କୁ (Electricity Amendment Bill 2021) ଅନୁମୋଦନ ପାଇଁ କ୍ୟାବିନେଟରେ ରଖିବେ । ସଂସଦର ମୌସୁମୀ ଅଧିବେଶନରେ ଏହାକୁ ପାରିତ କରିବାକୁ ପ୍ରସ୍ତୁତି ଚାଲିଛି । ନୂତନ ସଂଶୋଧିତ ନିୟମ ଅନୁଯାୟୀ ଗ୍ରାହକମାନେ ମୋବାଇଲ ସିମ୍ କାର୍ଡକୁ ପୋର୍ଟ କରିବା ଇଲେକ୍ଟ୍ରିସିଟି କନେକ୍ସନକୁ ମଧ୍ୟ ବଦଳାଇ ପାରିବେ ।

Jul 25, 2021, 17:00 PM IST
1/5

ମୋଦି ସରକାରଙ୍କ ଦ୍ୱାରା ଆସନ୍ତା କିଛି ଦିନ ମଧ୍ୟରେ ଅନୁମୋଦନ ପାଇଁ ଇଲେକ୍ଟ୍ରିସିଟି (ସଂଶୋଧନ) ବିଲ୍, ୨୦୨୧ କୁ (Electricity Amendment Bill 2021) କ୍ୟାବିନେଟରେ ସ୍ଥାନିତ କରାଯାଇପାରେ । ନୂତନ ସଂଶୋଧିତ ନିୟମ ଅନୁଯାୟୀ ଗ୍ରାହକମାନେ ମୋବାଇଲ ସିମ୍ କାର୍ଡକୁ ପୋର୍ଟ କରିବା ପରି ବିଦ୍ୟୁତ୍ ସଂଯୋଗକୁ ମଧ୍ୟ ବଦଳାଇ ପାରିବେ । ବିଶ୍ୱାସ କରାଯାଏ ଯେ ଏହା ପରେ ପାୱାର କମ୍ପାନୀଗୁଡିକ ମଧ୍ୟରେ ପ୍ରତିଯୋଗିତା ବୃଦ୍ଧି ପାଇବ । ଯାହା ଗ୍ରାହକଙ୍କୁ ସିଧାସଳଖ ଉପକୃତ କରିବ । 

2/5

ସରକାର ସଂସଦର ମୌସୁମୀ ଅଧିବେଶନରେ ଏହି ବିଲ୍ ଆଣିବାକୁ ଚାହୁଁଛନ୍ତି । ସଂସଦର ମୌସୁମୀ ଅଧିବେଶନରେ ଉପସ୍ଥାପିତ ହେବାକୁ ଥିବା ନୂତନ ୧୭ ଟି ବିଲ୍ ମଧ୍ୟରେ ଇଲେକ୍ଟ୍ରିସିଟି (ସଂଶୋଧନ) ବିଲ୍, ୨୦୨୧ ମଧ୍ୟ ରହିଛି । ଯଦି ଏହା ଘଟେ ତେବେ ଏହା ପାୱାର ବଣ୍ଟନ କ୍ଷେତ୍ରରେ ଏକ ବଡ଼ ସଂସ୍କାର ହେବ । ଯାହା ଗ୍ରାହକଙ୍କୁ ଏକ ବଡ଼ ଶକ୍ତି ଦେବ । ଜାନୁଆରୀରେ ବିଦ୍ୟୁତ୍ ସଂଶୋଧନ ବିଲ୍ ୨୦୨୧ (Electricity Amendment Bill 2021) ପାଇଁ ଏକ ପ୍ରସ୍ତାବ ପ୍ରସ୍ତୁତ କରାଯାଇଥିଲା । 

3/5

୧୨ ଜୁଲାଇ ୨୦୨୧ ରେ ଜାରି ହୋଇଥିବା ଲୋକସଭାର ବୁଲେଟିନ୍ ଅନୁଯାୟୀ, ନୂତନ ସଂଶୋଧିତ ବିଦ୍ୟୁତ୍ ଆଇନ କାର୍ଯ୍ୟକାରୀ ହେବା ସହିତ ବଣ୍ଟନ ବ୍ୟବସାୟରୁ ଲାଇସେନ୍ସ ରଦ୍ଦ ହୋଇଯିବ ଓ ଏଥିରେ ପ୍ରତିଯୋଗିତା ହେବ । ଏହା ବ୍ୟତୀତ ଏହି ନିୟମ ଅନୁଯାୟୀ ଇଲେକ୍ଟ୍ରିସିଟି ଆପିଲେଟ ଟ୍ରିବ୍ୟୁନାଲକୁ (APTEL) ମଜବୁତ କରିବା ଓ ନବୀକରଣ ଯୋଗ୍ୟ କ୍ରୟ ପ୍ରତିଶ୍ରୁତି (RPO) ପୂରଣ ନକରିବା ପାଇଁ ଜରିମାନା ପାଇଁ ମଧ୍ୟ ବ୍ୟବସ୍ଥା ହେବ ।

4/5

ଏହା ଦ୍ୱାରା ସିଧାସଳଖ ବିଦ୍ୟୁତ୍ ଉପଭୋକ୍ତାଙ୍କୁ ଉପକୃତ କରିବ । କାରଣ ସେମାନଙ୍କ ପକ୍ଷରେ ଚୟନ କରିବାପାଇଁ ଅନେକ ସେବା ପ୍ରଦାନକାରୀ ରହିବେ । ବର୍ତ୍ତମାନ ବିଦ୍ୟୁତ୍ ବିତରଣ କ୍ଷେତ୍ରରେ କେବଳ କିଛି ସରକାରୀ ଓ ବେସରକାରୀ କମ୍ପାନୀ ପ୍ରାଧାନ୍ୟ ବିସ୍ତାର କରୁଛନ୍ତି । ତେଣୁ ଗ୍ରାହକଙ୍କ ପଖରେ ବିକଳ୍ପ କମ ରହିଛି । ଏହି ପରିବର୍ତ୍ତନ ପରେ ଆପଣ କୌଣସି ଗୋଟିଏ କମ୍ପାନୀରୁ ବିଦ୍ୟୁତ୍ ନେବାକୁ ବାଧ୍ୟ ହେବେ ନାହିଁ । କିନ୍ତୁ ସେହି କମ୍ପାନୀରୁ ବିଦ୍ୟୁତ୍ କିଣିପାରିବେ ଯିଏ ଆପଣଙ୍କୁ ଉନ୍ନତ ସେବା ପ୍ରଦାନ କରେ ।

5/5

ଏହି ବିଲରେ ଗ୍ରାହକଙ୍କୁ ଅଧିକ ଶକ୍ତିଶାଳୀ କରାଯାଇଛି । ଯଦି କୌଣସି କମ୍ପାନୀ ସୂଚନା ନ ଦେଇ ବିଦ୍ୟୁତ୍ କାଟ କରନ୍ତି ତେବେ ଗ୍ରାହକଙ୍କୁ କ୍ଷତିପୂରଣ ଦେବାକୁ ପଡିବ । ବିଦ୍ୟୁତ୍ କମ୍ପାନୀକୁ ବିଦ୍ୟୁତ୍ କାଟିବା ପୂର୍ବରୁ ଗ୍ରାହକଙ୍କୁ ଜଣାଇବାକୁ ପଡିବ । ଧାର୍ଯ୍ୟ ସମୟ ସୀମାଠାରୁ ଅଧିକ ସମୟ ବିଦ୍ୟୁତ୍ କାଟ ହୋଇଥିଲେ ମଧ୍ୟ କ୍ଷତିପୂରଣ ପ୍ରଦାନ ପାଇଁ ଏକ ବ୍ୟବସ୍ଥା କରାଯାଇଛି ।