କୋରୋନା ଟୀକାକୁ ନେଇ ବହୁତ ବଡ଼ ଖୁସି ଖବର ଦେଲେ ପିଏମ ମୋଦି

ନୂଆଦିଲ୍ଲୀ: ସମଗ୍ର ବିଶ୍ୱ ସମେତ ଭାରତ କୋରୋନା ସଙ୍କଟ (Coronavirus Crisis) ମଧ୍ୟ ଦେଇ ଗତି କରୁଛି । ଏହି ସମୟରେ ବିଶ୍ୱର ଅଧିକାଂଶ ଦେଶର ବୈଜ୍ଞାନିକ କୋରୋନା ଭ୍ୟାକ୍ସିନ ବା ଟୀକା (Coronavirus Vaccine) ପ୍ରସ୍ତୁତିରେ ଦିନରାତି କାର୍ଯ୍ୟରେ ଲାଗିଛନ୍ତି । ସମଗ୍ର ବିଶ୍ୱବାସୀ ଆତୁରତା ସହ କୋଭିଡ-19 ଟୀକା (COVID-19 Vaccine) କୁ ଅପେକ୍ଷା କରି ବସିଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO) ଶୁକ୍ରବାର କହିଛି ଯେ, କୋରୋନା ମହାମାରୀକୁ ନିୟନ୍ତ୍ରଣ କରିବା ଅଭିଯାନର ଅନ୍ତର୍ଗତ ଭାରତରେ ୩ଟି ଟୀକା ବିକଶିତ ହେବାର ଉନ୍ନତ ପର୍ଯ୍ୟାୟରେ ଅଛି ।

ଏହି ଟୀକାଗୁଡ଼ିକ ମଧ୍ୟରୁ ଗୋଟିଏ ଭ୍ୟାକ୍ସିନ ହେଉଛି କ୍ଲିନିକାଲ୍ ମାନବ ପରୀକ୍ଷଣର ଦ୍ୱିତୀୟ ପର୍ଯ୍ୟାୟରେ ଏବଂ ଅନ୍ୟ ଏକ ଟୀକା ପରୀକ୍ଷଣର ତୃତୀୟ ପର୍ଯ୍ୟାୟରେ ରହିଛି ।

ଇଂରାଜୀ ଖବରକାଗଜ ହିନ୍ଦୁସ୍ତାନ ଟାଇମ୍ସ ଏହି ଖବରକୁ ମୁଖ୍ୟତଃ ପ୍ରକାଶ କରିଛି । ପିଏମ ମୋଦି (PM Modi) କହିଛନ୍ତି ଯେ ଭାରତ କୋରୋନା ଭ୍ୟାକ୍ସିନ ତିଆରି କରିବାର ନିକଟରେ ପହଞ୍ଚିଛି ।

ଖବରକାଗଜ ଲେଖିଛି ଯେ, ପିଏମଓଙ୍କ ଅନୁଯାୟୀ ଦେଶର ସମସ୍ତ ନାଗରିକଙ୍କୁ ଏହି ଟୀକା ଶୀଘ୍ର ପହଞ୍ଚାଇବାକୁ ପ୍ରସ୍ତୁତ ସୁନିଶ୍ଚିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ କହିଛନ୍ତି । 

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଆମେ ଯେପରି ନିର୍ବାଚନ ପାଇଁ ପ୍ରସ୍ତୁତ କରିଥାଉ, ସେହିଭଲି ଆମେ ଟୀକା ବଣ୍ଟନ ପାଇଁ ମଧ୍ୟ ପ୍ରସ୍ତୁତ କରିବାକୁ ହେବ ।

ଅଧିକ ପଢ଼ନ୍ତୁ:-ୟୁରୋପରେ ପୁଣି ଆରମ୍ଭ ହେଲା କୋରୋନାର ତାଣ୍ଡବ, ଫ୍ରାନ୍ସରେ ସ୍ଥିତି ଅତ୍ୟନ୍ତ ଭୟାବହ

ସେ କହିଛନ୍ତି ଯେ, "ନିର୍ବାଚନ ଯୋଜନା ଭଳି ଟୀକା ବିତରଣର ଏପରି ବ୍ୟବସ୍ଥା ପ୍ରସ୍ତୁତ କରାଯିବା ଉଚିତ ଯେଉଁଥିରେ ସରକାରୀ ଏବଂ ନାଗରିକ ଗୋଷ୍ଠୀ ସବୁ ସ୍ତରରେ ଅଂଶଗ୍ରହଣ କରିବେ ।"

ଅଧିକ ପଢ଼ନ୍ତୁ:-ପାକିସ୍ତାନରେ ପୁଣି ଭୟଙ୍କର ରୂପ ଧାରଣ କରୁଛି କୋରୋନା, ଚେତାବନୀ ଜାରି କଲା ସରକାର