Pm Modi: ପେଟ୍ରୋଲ ପମ୍ପରେ ଲାଗିବ ‘ମୋଦିଙ୍କ ଗ୍ୟାରେଣ୍ଟି’

Pm Modi: (ଭୁବନେଶ୍ୱର) : ନିର୍ବାଚନ ଯେତିକି ପାଖେଇ ଆସୁଛି ଲୋକଙ୍କ ପାଖରେ ପହଞ୍ଚିବା ଲାଗି ସେତିକି ବ୍ୟାକୁଳ ହେଉଛନ୍ତି କେନ୍ଦ୍ର ସରକାର। ଏହିକ୍ରମରେ ସବୁ ପେଟ୍ରୋଲ ପମ୍ପ  ଆଗରେ ‘ମୋଦୀଙ୍କ ଗ୍ୟାରେଣ୍ଟି’ ( Modi guarantee) କୁ ପ୍ରଚାର କରିବାକୁ ଅଲିଖିତ ନିର୍ଦ୍ଦେଶ ଦିଆଯାଇଥିବା ବିଭିନ୍ନ ଖବର ସରବରାହ ସଂସ୍ଥାରେ ପ୍ରକାଶ କରାଯାଇଛି। ପେଟ୍ରୋଲିୟମ ଏବଂ ପ୍ରାକୃତିକ ବାଷ୍ପ ମନ୍ତ୍ରଣାଳୟ ପକ୍ଷରୁ ଏହି ନିର୍ଦ୍ଦେଶ ଜାରି କରାଯାଇଛି। 

ନିର୍ଦ୍ଦେଶ ଅନୁସାରେ ପେଟ୍ରୋଲ ପମ୍ପ ଗୁଡ଼ିକରେ ଲାଗିଥିବା ପୁରୁଣା ହୋର୍ଡିଂକୁ ହଟାଯାଇ ନୂଆା ହୋର୍ଡିଂ ଓ ବ୍ୟାନର ଲଗାଯାଉଛି। ଏହିସବୁ ପ୍ରଚାର ବ୍ୟାନର ଏବଂ ହୋର୍ଡିଂରେ ମୋଦୀଙ୍କ ଗ୍ୟାରେଣ୍ଟିକୁ ପ୍ରୋତ୍ସାହନ କରାଯାଉଛି। କୁହାଯାଇଛି ଯେ, ମୋଦୀଙ୍କ ଗ୍ୟାରେଣ୍ଟି ଅର୍ଥାତ୍‍ ସରକାରଙ୍କ ଜନମଙ୍ଗଳକାରୀ ଯୋଜନା। ହେଲେ ଏସବୁ ଯୋଜନାରେ ବିଜେପିର ୨୦୨୪ ନିର୍ବାଚନ ମନ୍ତ୍ର ରହିଛି। କିଛି ହୋର୍ଡିଂରେ ମୋଦି ଉଜ୍ଜଳା ଯୋଜନାରେ ସିଲିଣ୍ଡର ବିତରଣ କରୁଥିବା ଦେଖିବାକୁ ମିଳୁଛି।  

ଅନ୍ୟ ହୋର୍ଡିଂରେ ରହିଛି ମୋଦୀଙ୍କ ବିଶାଳ ଫଟୋ ଏବଂ ସ୍ଲୋଗାନ।  ସରକାରଙ୍କ ଦ୍ୱାରା ପରିଚାଳିତ ହେଉଥିବା ବିଭିନ୍ନ ତୈଳ କମ୍ପାନୀ ଯେମିତି ଇଣ୍ଡିଆନ୍‍ ଅଏଲ, ଭାରତର ପେଟ୍ରୋଲିୟମ ଏବଂ ହିନ୍ଦୁସ୍ତାନ ପେଟ୍ରୋଲିୟମ୍‍ ଦେଶରେ ୮୮ ହଜାରଟି ପେଟ୍ରୋଲ ପମ୍ପ ଚଳାଉଛନ୍ତି। ଏହା ସମୁଦାୟ ପେଟ୍ରୋଲ ପମ୍ପ ସଂଖ୍ୟାର ୯୦ ପ୍ରତିଶତ ହେବ। ଯେତେବେଳେ ନିର୍ବାଚନ କମିଶନଙ୍କ  ଦ୍ୱାରା ସାଧାରଣ ନିର୍ବାଚନ ତାରିଖ ଘୋଷଣା କରାଯିବ ସେତିକି ବେଳେ ଆଦର୍ଶ ଆଚରଣ ବିଧି ଅନୁସାରେ ଏସବୁ ହୋର୍ଡିଂକୁ ହଟାଇବା ଲାଗି ସରକାର ବାଧ୍ୟ ହେବେ। ୨୦୦୧ ମସିହାରେ ବିଧାନସଭା ନିର୍ବାଚନ ସମୟରେ ନିର୍ବାଚନ ଆୟୁକ୍ତ ଏପରି ଆଦେଶ ଜାରି କରିଥିଲେ।