PoKରେ ପାକିସ୍ତାନର ବର୍ବରତା; ପ୍ରଧାନମନ୍ତ୍ରୀ ମୋଦିଙ୍କୁ ଗଣଦୁଷ୍କର୍ମ ପୀଡିତା ପଠାଇଲେ ଏମିତି ବାର୍ତ୍ତା

ମାରିଆ ତାଙ୍କ ଭିଡିଓରେ କହିଛନ୍ତି ଯେ, ସେ ଜଣେ ଗଣଦୁଷ୍କର୍ମ ପୀଡିତା ଆଉ ଗତ ସାତ ବର୍ଷ ହେଲା ନ୍ୟାୟ ପାଇଁ ଲଢେଇ କରୁଛନ୍ତି। ସେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆଶ୍ରୟ ମାଗିଛନ୍ତି, କାରଣ PoK ପୋଲିସ, ସରକାର ଓ ନ୍ୟାୟାଳୟ ତାଙ୍କୁ ନ୍ୟାୟ ଦେଇ ପାରିନାହାନ୍ତି।

ନୂଆଦିଲ୍ଲୀ: ପାକିସ୍ତାନ ଅଧିକୃତ କାଶ୍ମୀର ବା PoKରେ ପାକିସ୍ତାନର କ୍ରୁରତା ବଢିବାରେ ଲାଗିଛି। ଜଣେ ଗଣଦୁଷ୍କର୍ମ ପୀଡିତା ସେଠାକାର ପୋଲିସ ଓ ପ୍ରଶାସନର ଯାତନାରେ ଭୟଭିତ ହୋଇ ଭାରତର ପ୍ରଧାନମନ୍ତ୍ରୀଙ୍କୁ ଆଶ୍ରୟ ମାଗିଛନ୍ତି। ପୀଡିତା ଜଣକ ଗତ ୭ ବର୍ଷ ହେଲା ନ୍ୟାୟ ପାଇଁ ଲଢେଇ କରୁଛନ୍ତି। କିନ୍ତୁ ନ୍ୟାୟ ବଦଳରେ ତାଙ୍କୁ ଓ ତାଙ୍କ ପରିବାରକୁ ହତ୍ୟା ଧମକ ଦିଆଯାଉଥିବା ପୀଡିତା ଅଭିଯୋଗ କରିଛନ୍ତି। 

PoK ଅଧିବାସୀ ମାରିୟା ତାହିର ନାମକ ଜଣେ ମହିଳା ପୁଣି ଥରେ ସୋଲିଆଲ ମିଡିଆରେ ଏକ ଆବେଗଭରା ଭିଡିଓ ପୋଷ୍ଟ କରିଛନ୍ତି। କିନ୍ତୁ ଏଥର ସେ ସିଧା ସଳଖ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ବାର୍ତ୍ତା ପଠାଇଛନ୍ତି। ମାରିୟା ନିଜର ନିଜ ପରିବାରର ସୁରକ୍ଷା ପାଇଁ ଭାରତରେ ଶରଣ ନେବାକୁ ଚାହୁଁଛନ୍ତି। ନିଜକୁ ଗଣଦୁଷ୍କର୍ମର ପୀଡିତା ବୋଲି କହୁଥିବା ମାରିୟାଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ମାରିୟୟା ତାଙ୍କ ଭିଡିଓରେ କହିଛନ୍ତି ଯେ, ସେ ଜଣେ ଗଣଦୁଷ୍କର୍ମ ପୀଡିତା ଆଉ ଗତ ସାତ ବର୍ଷ ହେଲା ନ୍ୟାୟ ପାଇଁ ଲଢେଇ କରୁଛନ୍ତି। ସେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆଶ୍ରୟ ମାଗିଛନ୍ତି, କାରଣ PoK ପୋଲିସ, ସରକାର ଓ ନ୍ୟାୟାଳୟ ତାଙ୍କୁ ନ୍ୟାୟ ଦେଇ ପାରିନାହାନ୍ତି। ସେଠାକାର ପୋଲିସ ଓ ରାଜନେତା ଚୌଧୂରୀ ତାରିକ ଫାରୁକୁ ତାଙ୍କୁ ଏବେ ତାଙ୍କ ପରିବାରକୁ ଯେକୌଣସି ସମୟରେ ହତ୍ୟା କରିପାରନ୍ତି। ତେଣୁ ସେ ପ୍ରଧାନମନ୍ତ୍ରୀ ମୋଦିଙ୍କୁ ସୁରକ୍ଷା ମାଗିଛନ୍ତି।

Maria Tahir, a gang rape survivor from Pakistan Occupied Kashmir (PoK), who has been fighting for justice for the past seven years, now seeks PM @narendramodi Ji's help.

She says, her kids face death threats from Local Police and a senior politician, Choudhary Tariq Farooq. pic.twitter.com/AGHUqzji18

— Mr.Baloch (@unknown557789) April 12, 2022

ସୂଚନାଯୋଗ୍ୟ, ୨୦୧୫ ମସିହାରେ PoK ଅଧିବାସୀ ମାରିୟା ତାହିର ଗଣଦୁଷ୍କର୍ମର ଶିକାର ହୋଇଥିଲେ। ସେବେଠାରୁ ସେ ନ୍ୟାୟ ପାଇଁ ଏକୁଟିଆ ଲଢେଇ କରୁଛନ୍ତି। କିନ୍ତୁ ସବୁବେଳେ ମାରିୟାଙ୍କୁ ନ୍ୟାୟ ବଦଳରେ ପ୍ରତାରଣା ମିଳୁଛି। ଏହା ପୂର୍ବରୁ ମଧ୍ୟ ମାରିଆ ଏକ ଭିଡିଓ ରିଲିଜ କରିଥିଲେ। ତେବେ PoKରେ ପାକିସ୍ତାନ ସରକାରଙ୍କ ଦ୍ୱାରା ନିର୍ଯାତିତ ହୋଇଥିବା ମାରିୟା ପ୍ରଥମ ମହିଳା ନୁହନ୍ତି, ତାଙ୍କ ପୂର୍ବରୁ ଆହୁରି ଅନେକ ଲୋକଙ୍କୁ ଅକଥନୀୟ ଅତ୍ୟାଚାର ଦିଆଯାଉଥିବା ରିପୋର୍ଟ ଆସୁଛି।