ଆପଣ ଏହି ଆକାଉଣ୍ଟକୁ ଯେକୌଣସି ପୋଷ୍ଟ ଅଫିସ କିମ୍ବା ବାଣିଜ୍ୟିକ ଶାଖାର ଯେକୌଣସି ପ୍ରାଧିକୃତ ବ୍ରାଞ୍ଚରେ ଖୋଲିପାରିବେ ।
Trending Photos
5
12
6
12 "ପ୍ରତୀକାତ୍ମକ ଛବି")
ନୂଆଦିଲ୍ଲୀ: ପଞ୍ଜାବ ନ୍ୟାସନାଲ ବ୍ୟାଙ୍କ (Punjab National Bank) ଆପଣଙ୍କ ଝିଅ ମାନଙ୍କର ଭବିଷ୍ୟତକୁ ସୁରକ୍ଷିତ ରଖିବା ପାଇଁ ସୁକନ୍ୟା ସମୃଦ୍ଧି ଯୋଜନା (Sukanya Samriddhi Yojana- SSY) ନେଇ ଆସିଛି । ଏହି ଯୋଜନା ମାଧ୍ୟମରେ ଆପଣ ଆପଣଙ୍କ ଝିଅମାନଙ୍କର ଭବିଷ୍ୟତକୁ ସୁରକ୍ଷିତ କରିପାରିବ । ଏହି ଯୋଜନାରେ କେବଳ ଜଣେ ପିତାମାତା କିମ୍ବା ଅଭିଭାବକ ନିଜ ଝିଅ ନାମରେ ଏକ ଆକାଉଣ୍ଟ ଖୋଲିପାରିବେ ।
କେତେ କରିବାକୁ ପଡିବ ଡିପୋଜିଟ
ଏଥିରେ ସର୍ବନିମ୍ନ ଜମା ୨୫୦ ଟଙ୍କା କରିବାକୁ ପଡିବ । ଏହା ବ୍ୟତୀତ ଆପଣ ସର୍ବାଧିକ ୧,୫୦,୦୦୦ ଟଙ୍କା ପର୍ଯ୍ୟନ୍ତ ଜମା କରିପାରିବେ । ଏହି ଆକାଉଣ୍ଟ୍ ଖୋଲିବା ଦ୍ୱାରା, ଆପଣ ଆପଣଙ୍କ ଝିଅର ଶିକ୍ଷା ଓ ପରବର୍ତ୍ତୀ ଖର୍ଚ୍ଚରୁ ବହୁତ ଆରାମ ପାଇବେ । ଏଥିରେ କେବଳ ଗୋଟିଏ ଆକାଉଣ୍ଟ ଗୋଟିଏ ଝିଅ ନାମରେ ଖୋଲାଯାଇପାରିବ । ଯଦି ଆପଣଙ୍କ ଦୁଇ ଝିଅ ଅଛନ୍ତି, ତେବେ ଉଭୟଙ୍କ ନାମରେ ଅଲଗା ଆକାଉଣ୍ଟ ଖୋଲିବାକୁ ପଡିବ । ଜାଣନ୍ତୁ ଏହି ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା…
ଅଧିକ ପଢ଼ନ୍ତୁ: ଭାରତକୁ ମିଳିଲା ପଞ୍ଚମ କୋରୋନା ଟିକା, ଜନସନ ଆଣ୍ଡ ଜନସନର ସିଙ୍ଗଲ ଡୋଜ ଟିକାକୁ ମିଳିଲା ମଞ୍ଜୁରୀ
ମାଚ୍ୟୁରିଟି ସମୟରେ ମିଳିବ ୧୫ ଲକ୍ଷରୁ ଅଧିକ ଟଙ୍କା
ଆମେ ଆପଣଙ୍କୁ କହିବୁ ଯେ ଯଦି ଆପଣ ଏହି ଯୋଜନାରେ ପ୍ରତି ମାସରେ ୩୦୦୦ ଟଙ୍କା ବିନିଯୋଗ କରନ୍ତି, ଅର୍ଥାତ୍ ବାର୍ଷିକ ୩୬୦୦୦ ଟଙ୍କା ପ୍ରୟୋଗ କରିବା ପରେ, ୧୪ ବର୍ଷ ପରେ, ଆପଣ ବାର୍ଷିକ ୭.୬ ପ୍ରତିଶତ କମ୍ପାଉଣ୍ଡିଂ ସୁଧ ହାରରେ ୯,୧୧,୫୭୪ ଟଙ୍କା ପାଇବେ । ୨୧ ବର୍ଷରେ ଅର୍ଥାତ୍ ମେଚୋରିଟି ସମୟରେ ଏହି ପରିମାଣ ପ୍ରାୟ ୧୫,୨୨,୨୨୧ ଟଙ୍କା ହେବ । ବର୍ତ୍ତମାନ ସମୟରେ ସୁକନ୍ୟା ସମୃଦ୍ଧି ଯୋଜନାରେ ଆୟକର ଛାଡ ସହିତ ୭.୬ ପ୍ରତିଶତ ହାରରେ ସୁଧ ଦିଆଯାଉଛି ।
କେଉଁଠାରେ ଖୋଲିପାରିବେ ଆକାଉଣ୍ଟ
ସୁକନ୍ୟା ସମୃଦ୍ଧି ଯୋଜନା ଅଧୀନରେ, ଆପଣ ଏହି ଆକାଉଣ୍ଟକୁ ଯେକୌଣସି ଡାକଘର କିମ୍ବା ବାଣିଜ୍ୟିକ ଶାଖାର ଯେକୌଣସି ପ୍ରାଧିକୃତ ଶାଖାରେ ଖୋଲିପାରିବେ ।
ଅଧିକ ପଢ଼ନ୍ତୁ: ୪ ବର୍ଷ ବୟସରେ ୬୫ କିଲୋମିଟର ଦୌଡ଼ିଥିବା ବୁଦ୍ଧିଆ ଆଜି ଅଜ୍ଞାତ, କହିଲେ- ମୁଁ ସବୁକିଛି ଭୁଲି ଯାଇଛି
ଦେବାକୁ ପଡିବ ଏହି ଡକ୍ୟୁମେଣ୍ଟଗୁଡିକ
ସୁକନ୍ୟା ସମୃଦ୍ଧି ଯୋଜନା ଅଧୀନରେ ଏକ ଆକାଉଣ୍ଟ ଖୋଲିବାକୁ ହେଲେ ଆପଣଙ୍କ ଝିଅର ଜନ୍ମ ପ୍ରମାଣପତ୍ରକୁ ଫର୍ମ ସହିତ ପୋଷ୍ଟ ଅଫିସ କିମ୍ବା ବ୍ୟାଙ୍କରେ ଦାଖଲ କରିବାକୁ ପଡିବ । ଏହା ବ୍ୟତୀତ ପିଲା ଓ ପିତାମାତାଙ୍କ ପରିଚୟ ପତ୍ର (ପାନ୍ କାର୍ଡ, ରାସନ୍ କାର୍ଡ, ଡ୍ରାଇଭିଂ ଲାଇସେନ୍ସ, ପାସପୋର୍ଟ) ଓ ସେମାନେ କେଉଁଠାରେ ରହୁଛନ୍ତି ତାହାର ପ୍ରମାଣ (ପାସପୋର୍ଟ, ରାସନ୍ କାର୍ଡ, ବିଦ୍ୟୁତ୍ ବିଲ୍, ଟେଲିଫୋନ୍ ବିଲ୍, ୱାଟର ବିଲ୍) ଦାଖଲ କରିବାକୁ ପଡି଼ବ ।
