କାହିଁକି ଇସ୍ତଫା ଦେଲେ ଟ୍ୱିଟର ପବ୍ଲିକ ପଲିସି ଡାଇରେକ୍ଟର ?

ନୂଆଦିଲ୍ଲୀ: ଟ୍ୱିଟର ଇଣ୍ଡିଆର ପବ୍ଲିକ୍ ପଲିସି ଡାଇରେକ୍ଟର ମହିମା କୋଲ୍ ନିଜ ପଦରୁ ଇସ୍ତଫା ଦେଇଛନ୍ତି । ଟ୍ୱିଟରର କହିବା କଥା ହେଲା, ଡାଇରେକ୍ଟର ମହିମା ମାର୍ଚ୍ଚ ମାସର ଶେଷ ଯାଏଁ ନିଜର କାର୍ଯ୍ୟଭାର ସମ୍ଭାଳିବେ । କେବଳ ସେତିକି ନୁହେଁ, ଯେଉଁ ଯେଉଁ ସବୁ ପରିବର୍ତ୍ତନ ଦରକାର ସେଥିରେ ମଧ୍ୟ ସେ ପୁରା ସାହାଯ୍ୟ କରିବେ । ତେବେ ନିଜ ଇସ୍ତଫା ଦେବା ବିଷୟରେ ମଧ୍ୟ ମହିମା ମନ୍ତବ୍ୟ ରଖିଛନ୍ତି । 

ମହିମା ଟ୍ୱିଟର (Twitter) ର ପବ୍ଲିକ ପଲିସି ଡାଇରେକ୍ଟର (Public Policy Director) (ଇଣ୍ଡିଆ ଓ ସାଉଥ ଏସିଆ) ର ନିର୍ଦ୍ଦେଶକ ଅଛନ୍ତି । ଟ୍ୱିଟରର ଏକ ବରିଷ୍ଠ ଅଧିକାରୀ କହିଛନ୍ତି ଯେ, ମହିମା ନିଜର ବ୍ୟକ୍ତିଗତ ଜୀବନକୁ ଅଧିକ ସମୟ ଦେବାକୁ ଚାହାଁନ୍ତି । ଖାସ୍ ସେଥିପାଇଁ ସେ ନିଜ  ପଦରୁ ଇସ୍ତଫା (Resign) ଦେଇଥିବା କହିଛନ୍ତି । ସେ ଏକଥା ବି କହିଛନ୍ତି ଯେ, ଡାଇରେକ୍ଟର ମହିମାଙ୍କ ଇସ୍ତଫା ଟ୍ୱିଟର ପାଇଁ ଏକ ବଡ଼ କ୍ଷତି । ମାତ୍ର ପାଞ୍ଚ ବର୍ଷ ଯାଏଁ ସେ ନିଜର ଦାୟିତ୍ୱ ଖୁବ୍ ଭଲଭାବେ ନିର୍ବାହ କରିଛନ୍ତି । ହେଲେ ଏବେ, ସେ ନିଜର ବ୍ୟକ୍ତିଗତ ଜୀବନକୁ ଅଧିକ ଫୋକସ (Focus) ଦେବାକୁ ଚାହୁଁଛନ୍ତି ସେଥିପାଇଁ ସେ ଏହି ପଦରୁ ଇସ୍ତଫା ଦେଇଛନ୍ତି ।

ହେଲେ ସୂଚନାନୁସାରେ, ମହିମାଙ୍କ ଇସ୍ତଫା କଥା ସେତେବେଳେ ସାମ୍ନାକୁ ଆସିଛି ଯେତେବେଳେ ପୁରା ଦେଶରେ ହିଁ କୃଷକ ଆନ୍ଦୋଳନ (Farmers Protest) କୁ ନେଇ ଟ୍ୱିଟର ୱାର (Twitter War) ଚାଲିଛି । ଆଉ ଏହି ସମୟରେ ଟ୍ୱିଟରର ପବ୍ଲିକ ପଲିସି ଡାଇରେକ୍ଟରଙ୍କ ଇସ୍ତଫା ସରକାରଙ୍କ ନିର୍ଦ୍ଦେଶକୁ ଇଙ୍ଗିତ କରୁଥିବା କୁହାଯାଉଛି।  ଗତ ସପ୍ତାହର ପ୍ରାରମ୍ଭରୁ କେନ୍ଦ୍ର ସରକାର (Central Government) କୃଷକ ଆନ୍ଦୋଳନକୁ ଉସକାଇବା ଅଭିଯୋଗ କରି ପ୍ରାୟ ଏକ ହଜାର ୧୭୮ ପାକିସ୍ତାନୀ ଓ ଖଲିସ୍ତାନୀ ଆକାଉଣ୍ଟକୁ ହଟାଇବାକୁ ଟ୍ୱିଟରକୁ ନିର୍ଦ୍ଦେଶ ଦେଇଥିଲେ । ଆଉ ସପ୍ତାହର ଶେଷ ଦିନ ଅର୍ଥାତ୍ ରବିବାର ଦିନ ମହିମା କୋଲ (Mahima Kaul) ନିଜ ପଦରୁ ଇସ୍ତଫା ଦେଇଥିଲେ ।

ଟ୍ୱିଟର ଇଣ୍ଡିଆକୁ ଭାରତର ସବୁଠାରୁ ତୃତୀୟ ବଡ ସୋସିଆଲ ମିଡିଆ (Social Media) ପ୍ଲାଟଫର୍ମ ବୋଲି ବିବେଚନା କରାଯାଉଛି । ଏହାର ଅର୍ଥାତ୍ ଟ୍ୱିଟର ବ୍ୟବହାରରେ ଭାରତ ହେଉଛି ତୃତୀୟ । ସେହିପରି ପ୍ରଥମ ସ୍ଥାନରେ ରହିଛି ଆମେରିକା (America), ଓ ଦ୍ୱିତୀୟ ସ୍ଥାନରେ ଜାପାନ( Japan) ରହିଛି ।