AIIMS ରେ ଭର୍ତ୍ତି ହେଲେ ଶିକ୍ଷା ମନ୍ତ୍ରୀ ନିଶଙ୍କ, କୋରୋନାରୁ ସୁସ୍ଥ ହେବା ପରେ ପୁଣି ବିଗିଡ଼ିଲା ସ୍ୱାସ୍ଥ୍ୟ

ଦିଲ୍ଲୀ ସ୍ଥିତ ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସର (AIIMS) ଅଧିକାରୀମାନେ କହିଛନ୍ତି ଯେ କୋରୋନାରୁ ସୁସ୍ଥ ହେବା ପରେ ଉପୁଜୁଥିବା ସମସ୍ୟା ଯୋଗୁଁ କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

ଜଗଦୀଶ୍ ବାରିକ୍, ନୂଆଦିଲ୍ଲୀ: କୋରୋନା ଭୂତାଣୁରୁ ସୁସ୍ଥ ହେବା ପରେ ପୁର୍ନବାର ଉପୁଜିଥିବା ସ୍ୱାସ୍ଥ୍ୟ ସମସ୍ୟା ଯୋଗୁଁ କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କୁ ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସରେ (AIIMS) ଭର୍ତ୍ତି କରାଯାଇଛି । ମଙ୍ଗଳବାର ଦିନ AIIMS ଅଧିକାରୀମାନେ ଏହି ସୂଚନା ଦେଇଛନ୍ତି ।

ଆଜି ଦ୍ୱାଦଶ ପରୀକ୍ଷାରେ ନିଷ୍ପତ୍ତି ଆସିବାର ଥିଲା 
ଦ୍ୱାଦଶ ବୋର୍ଡ ପରୀକ୍ଷା ୨୦୨୧ ପାଇଁ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଓ ଭାରତୀୟ ବିଦ୍ୟାଳୟ ସାର୍ଟିଫିକେଟ୍ ପରୀକ୍ଷାର (CICSE) ନିଷ୍ପତ୍ତି ଆଜି ଆସିବ । କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିୟାଲ ନିଶାଙ୍କ ଅସୁସ୍ଥତା ଯୋଗୁଁ ପରୀକ୍ଷାର ନିଷ୍ପତ୍ତି ସ୍ଥଗିତ ରଖାଯାଇପାରେ । ତେବେ ଏପର୍ଯ୍ୟନ୍ତ ଏ ସମ୍ପର୍କରେ କୌଣସି ସରକାରୀ ବୟାନ ପ୍ରକାଶ କରାଯାଇ ନାହିଁ ।

Union Education Minister Dr Ramesh Pokhriyal Nishank admitted to AIIMS due to post COVID complications today: AIIMS officials

(File pic) pic.twitter.com/w1xMx8xhmt

— ANI (@ANI) June 1, 2021

୯ ମଇରେ ହସ୍ପିଟାଲରୁ ଡିସଚାର୍ଜ ହୋଇଥିଲେ
କୋରୋନା ଭୂତାଣୁରୁ ସୁସ୍ଥ ହେବା ପରେ ରମେଶ ପୋଖରିୟାଲ (Ramesh Pokhriyal Nishank) ନିଶଙ୍କ AIIMS ରୁ ୯ ମଇରେ ଡିସଚାର୍ଜ ହୋଇଥିଲେ । ଏହା ପରେ ସେ ଟ୍ୱିଟରରେ ଡାକ୍ତର ଦଳକୁ ଧନ୍ୟବାଦ ଜଣାଇଛନ୍ତି । ସେ ଲେଖିଛନ୍ତି, କୋରୋନା ଭୂତାଣୁ ସଂକ୍ରମଣ ଯୋଗୁଁ ଦିଲ୍ଲୀର AIIMS ରେ ଚିକିତ୍ସା ପରେ ଘରକୁ ଫେରିଥିବାରୁ AIIMS କୋଭିଡ ଡାକ୍ତର ଦଳକୁ ହୃଦୟରୁ ଧନ୍ୟବାଦ ଏବଂ ବିନମ୍ର କୃତଜ୍ଞତା ।

कोरोना वायरस संक्रमण के कारण एम्स दिल्ली में अपने इलाज के पश्चात सकुशल घर वापसी पर एम्स की कोविड चिकित्सक टीम को हृदय की गहराइयों से धन्यवाद और विनम्रतापूर्वक आभार । pic.twitter.com/JMxg4OJddO

— Dr. Ramesh Pokhriyal Nishank (@DrRPNishank) May 9, 2021