କୋରୋନା ପାଇଁ ପରିବାର ମାର୍କେଟ ବନ୍ଦ

ପୁରୀ: ଜିଲ୍ଲାରେ କୋରୋନା ପଜିଟିଭ ମିଳିବା ପରେ ସତର୍କ ହୋଇପଡିଛି ଜିଲ୍ଲା ପ୍ରଶାସନ । ଅଗ୍ନିଶମ ସେବା ସହାୟତାରେ କରାଯାଉଛି ବିଶୋଧନ ସିଂଚନ ପ୍ରକ୍ରିୟା । ପୁରୀ ମେଡିକାଲ, ଏସପି ଅଫିସ, କଲେକ୍ଟରଙ୍କ ଅଫିସ ସମେତ କରୋନା ପାଇଁ ଆଇସୋଲେସନ ୱାର୍ଡ କରାଯାଇଥିବା ତିନୋଟି ମେଡିକାଲ ଗୁଡିକୁ ମଧ୍ୟ ବିଶୋଧନ ସିଂଚନ ହୋଇଛି । ସେପଟେ ଲୋକଙ୍କ ମଧ୍ୟରେ ସାମାଜିକ ଦୂରତ୍ୱ ନ ରହୁଥିବାରୁ ସଂକ୍ରମଣକୁ ରୋକିବା ପାଇଁ ଆଜି ଠାରୁ ପୁରୀ ସହରର ପରିବା ମାର୍କେଟକୁ ଏପ୍ରିଲ ୧୪ ପର୍ଯ୍ୟନ୍ତ ସମ୍ପୁର୍ଣ ଭାବେ ବନ୍ଦ କରାଗଲା  ।

ସାହି ଗଳିକନ୍ଦିରେ ଠେଲାଗାଡିରେ ପରିବା ବିକ୍ରି ହେବାକୁ ନିୟମ କରାଯାଇଥିବା ବେଳେ ଚଢା ଦରରେ ବିକିଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ପୌରସଂସ୍ଥାର କାର୍ଯ୍ୟନିର୍ବାହୀ ଅଧିକାରୀ ।

ଅନ୍ୟପକ୍ଷେ ପୁରୀ ସହରରେ କରାଯାଇଥିବା କୋଭିଡ-19 ୱାର୍ଡ ବିଶେଷକରି ଗୋପବନ୍ଧୁ ଆୟୁର୍ବେଦ ମେଡିକାଲ କଲେଜ, ଶ୍ରୀଜଗନ୍ନାଥ ମେଡିକାଲ କଲେଜ , ଆଇଡିଏଚ ହସ୍ପିଟାଲ ଆଦିରେ ସାନିଟାଇଜ ସ୍ପ୍ରେ କରାଯାଇଛି । ତା ସହ ଏସପି ଅଫିସ, କଲେକ୍ଟରଙ୍କ ଅଫିସ ସମେତ ଜିଲାର ବିଭିନ୍ନ ଥାନା, ସମସ୍ତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ଜନଗହଳିପୁର୍ଣ ଜାଗା ସହ ବିଭିନ୍ନ ହାଟ ବଜାରରେ ସିଂଚନ କରାଯାଇ ପ୍ରତିଷେଧକ ବ୍ୟବସ୍ଥା କରାଯାଉଛି । ତା ସହ ପିପିଲର ଦାନଗହରୀ ଗାଁ , ଜୟପୁର ଶାସନ, ଜୟପୁର ଛକ ଆଦି ସଟ ଡାଉନ ରହିଥିବା ବେଳେ ସେହି ଗାଁ ଗୁଡିକୁ ଡିସଇନଫେକ୍ଟ କରିବା ପାଇଁ ସାନିଟାଇଜ କରାଯାଇଛି  । ଏହା ସହ ପୁରୀ ସମେତ ନୟାଗଡରେ ମଧ୍ୟ ଏଭଳି ଜାରୀ ରହିବା ବୋଲି ଅଗ୍ନିଶମ ଅଧିକାରୀ କହିଛନ୍ତି । ସେପଟେ ପୁରୀ ମେଡିକାଲରେ ମଧ୍ୟ ସିଡିଏମଓଙ୍କ ନିର୍ଦ୍ଦେଶକ୍ରମେ ଚାରୋଟି ସ୍ପ୍ରେୟର ମେସିନରେ ସଲ୍ୟୁସନ ପକାଯାଇ ସାନିଟାଇଜ କରାଯାଉଥିବା କହିଛନ୍ତି ମେଡିକାଲ କର୍ମଚାରୀ ।

ଲକ୍ ଡାଉନକୁ ନେଇ ପୁରୀର ପରିବା ମାର୍କେଟରେ ଦେଖିବାକୁ ମିଳିଥିଲା ଉଲଙ୍ଘନ । ତା ସହ ସାମାଜିକ ଦୂରତା ପାଇଁ ଅନେକ ବ୍ୟବସ୍ଥା କଲେ ସୁଦ୍ଧା ତାହା ଫେଲ ମାରିଲା । ତେଣୁ ବାଧ୍ୟ ହୋଇ ଜିଲ୍ଲା ପ୍ରଶାସନ ନେଇଛି କଠୋର ନିଷ୍ପତି  । ଆଜି ଠାରୁ ପୁରୀ ସହରରେ ଥିବା ତିନୋଟି ବଡ ପରିବା ମାର୍କେଟ ଯଥା ବଡଶଙ୍ଖ ପରିବା ମନାର୍କେଟ, ମାର୍କେଟ ଛକ ଓ ଲକ୍ଷ୍ନୀ ବଜାର ପରିବା ମାର୍କେଟ ଏପ୍ରିଲ ୧୪ ପର୍ଯ୍ୟନ୍ତ ସଂପୂର୍ଣ୍ଣ ରୁପେ ବନ୍ଦ କରାଗଲା । ଯେଉଁମାନେ ଚାହିଁବେ ସେମାନେ ସାହି ଗଳିକନ୍ଦିରେ ଠେଲାରେ ବୁଲି ବୁଲି ବିକ୍ରି କରିପାରିବେ । ପୁଣି ଚଢା ଦରରେ ବିକ୍ରି କଲେ ପୌରସଂସ୍ଥା ପକ୍ଷରୁ ସ୍କ୍ୱାର୍ଡ ସେମାନଙ୍କ ଉପରେ ନଜର ରଖିବା ପାଇଁ ହୋଇଛି ବ୍ୟବସ୍ଥା  । ପୂର୍ବରୁ ବଜାରରେ ସାମାଜିକ ଦୂରତା ପାଇଁ ପ୍ରଶାସନ ପକ୍ଷରୁ ଦେଢମିଟର ଦୂରରେ ରଙ୍ଗଦେଇ ଏକ ବକ୍ସ କଲେ ସୁଦ୍ଧା କେହି ତାହାକୁ ମାନିଲେ ନାହିଁ । ତେଣୁ ପ୍ରଶାସନ ଅତିଷ୍ଠ ହୋଇ ଆଜି ମାର୍କେଟକୁ ବନ୍ଦ କରିଛି  । କେବଳ ଗ୍ରୋସରୀ ଦୋକାନ ଓ ଔଷଧ ଦୋକାନ ଖୋଲା ରହିବ ବୋଲି କହିଛନ୍ତି ପୌରସଂସ୍ଥାର କାର୍ଯ୍ୟନିର୍ବାହୀ ଅଧିକାରୀ ।