PM Kisan: ପିଏମ କିସାନ ପରେ ବର୍ତ୍ତମାନ ଏହି ଯୋଜନାରେ କୃଷକମାନଙ୍କୁ ମିଳିବ ୬ ହଜାର ଟଙ୍କା, ସରକାର କଲେ ବଡ଼ ଘୋଷଣା

PM Kisan: ମହାରାଷ୍ଟ୍ର ସରକାର ପ୍ରଧାନ ମନ୍ତ୍ର କିସାନ ସମ୍ମାନ ନିଧି ଯୋଜନାରେ ପରି ଆଉ ଏକ ଯୋଜନା ଆରମ୍ଭ କରିଛନ୍ତି । ଏହି ଯୋଜନା ଅଧୀନରେ ପିଏମ କିସାନ ପରି ଗୋଟିଏ ବର୍ଷରେ ରାଜ୍ୟର କୃଷକମାନଙ୍କୁ ୬ ହଜର ଟଙ୍କା ଦିଆଯିବ । ଏହାଦ୍ୱାରା ରାଜ୍ୟର ଏକ କୋଟିରୁ ଅଧିକ ଚାଷୀ ସିଧାସଳଖ ଉପକୃତ ହେବେ ।

ବାସ୍ତବରେ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଗୁରୁବାର ଦିନ ବିଧାନସଭାରେ ବଜେଟ୍-୨୦୨୩ ଉପସ୍ଥାପନ କରିଥିଲେ । ଏହି ସମୟରେ ସେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ପରି 'ନମୋ ଶେତ କାରୀ ମହାସାମ୍ମାନ ଯୋଜନା' ଘୋଷଣା କରିଥିଲେ । ସେ କହିଛନ୍ତି ଯେ ପ୍ରଧାନମନ୍ତ୍ରୀ କିସାନ ଯୋଜନା ପରି 'ନମୋ ଶେତ କାରୀ ମହାସାମ୍ମାନ ଯୋଜନା' ଅଧୀନରେ ରାଜ୍ୟ ଚାଷୀଙ୍କୁ ବର୍ଷକୁ ୬୦୦୦ ଟଙ୍କା ପ୍ରଦାନ କରାଯିବ ।

ଡେପୁଟି ସିଏମ୍ କହିଛନ୍ତି ଯେ ଏହି ଯୋଜନା ଅଧୀନରେ ରାଜ୍ୟର ପ୍ରତ୍ୟେକ କୃଷକ ପ୍ରଧାନ ମନ୍ତ୍ର କିସାନ୍ ସମ୍ମାନ ନିଧି ଯୋଜନା ଅଧୀନରେ ପାଉଥିବା ୬,୦୦୦ ଟଙ୍କା ବ୍ୟତୀତ ବାର୍ଷିକ ଆହୁରି ୬,୦୦୦ ଟଙ୍କା ଅଧିକ ପାଇବେ । ଏହାଦ୍ୱାରା ୧.୧୫ କୋଟି କୃଷକ ପରିବାର ଉପକୃତ ହେବେ ଓ ଏଥିପାଇଁ ସରକାରଙ୍କ ଉପରେ ୬,୯୦୦ କୋଟି ଟଙ୍କା ଅତିରିକ୍ତ ବୋଝ ପଡ଼ିବ ।

ଏଥି ସହିତ ଡେପୁଟି ସିଏମ୍ ଆହୁରି କହିଛନ୍ତି ଯେ କୃଷକ ଭାଇମାନେ ବର୍ତ୍ତମାନ ମାତ୍ର ଏକ ଟଙ୍କାରେ ଫସଲ ବୀମା ପାଇପାରିବେ । ଏଥିପାଇଁ ଫସଲ ବୀମା ଯୋଜନା ଘୋଷଣା କରଯାଇଛି ଓ ଏହା ସରକାରଙ୍କ ଉପରେ ୩,୩୧୨ କୋଟି ଟଙ୍କାର ଅତିରିକ୍ତ ବୋଝ ହେବ ।

ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ ପୂର୍ବ ଫସଲ ବୀମା ଯୋଜନାରେ କୃଷକମାନଙ୍କୁ ଫସଲ ବୀମା ପ୍ରିମିୟମର ଦୁଇ ପ୍ରତିଶତ ଦେବାକୁ ପଡିବ । ବର୍ତ୍ତମାନ ଚାଷୀଙ୍କୁ ଗୋଟିଏ ପଇସା ଦେବାକୁ ପଡିବ ନାହିଁ, କାରଣ ପ୍ରିମିୟମ ରାଶି ସରକାର ପ୍ରଦାନ କରିବେ । ଫଡନାଭିସ୍ କହିଛନ୍ତି ଯେ ସ୍ୱାସ୍ଥ୍ୟ ବୀମା ଯୋଜନା 'ମହାତ୍ମା ଫୁଲ୍ ଜନ ଆରୋଗ୍ୟ ଯୋଜନା'ର ପରିସର ବୃଦ୍ଧି କରାଯାଇଛି । ଏହାକୁ ପାଞ୍ଚ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ।

ଏହା ସହିତ ଡେପୁଟି ସିଏମ୍ କହିଛନ୍ତି ଯେ ଅଦିନିଆ ବର୍ଷା ଓ ମରୁଡ଼ି ପ୍ରଭାବିତ କୃଷକମାନଙ୍କ ପାଇଁ ରାଜ୍ୟ ସରକାର ମୋବାଇଲ୍ ଆଧାରିତ ଇ-ପଞ୍ଚନାମା ଆରମ୍ଭ କରିବେ, ଯାହାଦ୍ୱାରା ଫସଲର କ୍ଷୟକ୍ଷତିର ଆକଳନ କରାଯାଇପାରିବ । ଏହି ସମୟରେ ସେ କୃଷି କାର୍ଯ୍ୟକଳାପକୁ ପ୍ରୋତ୍ସାହିତ କରିବା ପାଇଁ ଡ୍ରପ୍ ଜଳସେଚନ ଓ ଚାଷ-ପୋଖରୀ ଯୋଜନା ଘୋଷଣା କରିଥିଲେ ।