Ayodhya Ram Mandir: ରାମ ଜନ୍ମଭୂମି ମାମଲାକୁ ନେଇ ତିଆରି ହେବ ଫିଲ୍ମ, ମୁଖ୍ୟ ଭୂମିକାରେ ନଜର ଆସିବେ ଏହି ଦୁଇ ସୁପରଷ୍ଟାର

ଦେଶରେ ଦୀର୍ଘ ଦିନ ଧରି ଚାଲିଥିବା ରାମ ଜନ୍ମଭୂମି ମାମଲାକୁ ନେଇ ବର୍ତ୍ତମାନ ଏକ ଚଳଚ୍ଚିତ୍ର ନିର୍ମାଣ ହେବାକୁ ଯାଉଛି। ଯେଉଁଥିରେ ୯୦ ଦଶକର ଦୁଇ ସୁପରଷ୍ଟାର ମୁଖ୍ୟ ଭୂମିକାରେ ନଜର ଆସିବେ ।

ନିକଟରେ ଏହି ସିନେମାକୁ ନେଇ ନୂଆ ତଥ୍ୟ ସାମ୍ନାକୁ ଆସିଛି । ଏଥିରେ ବଲିଉଡ଼ ଅଭିନେତା ସନି ଦେଓଲ ଓ ସଞ୍ଜୟ ଦତ୍ତ ମୁଖ୍ୟ ଭୂମିକାରେ ନଜର ଆସିବେ ।

ସନି ଦେଓଲ ଓ ସଞ୍ଜୟ ଦତ୍ତ ବିରୋଧୀ ଓକଲି ଭୂମିକାରେ କୋର୍ଟରେ ପରସ୍ପର ବିରୋଧରେ ଓକିଲାତି କରୁଥିବା ଦେଖିବାକୁ ମିଳିବ। ଉଭୟଙ୍କୁ ଏହି ଭୂମିକାରେ ଦେଖିବା ଫ୍ୟାନ୍ସଙ୍କ ଲାଗି ଏକ ଭିନ୍ନ ଅନୁଭୂତ ରହିବ ।

ଏହି ଫିଲ୍ମର ସୁଟିଂ ଚଳିତ ବର୍ଷ ଅଗଷ୍ଟ ମାସରେ ଆରମ୍ଭ ହେବ । ମୁମ୍ବାଇରେ ଅଯୋଧ୍ୟାର ଏକ ସେଟ୍ ତିଆରି କରାଯାଇ ଏହାର ପୁରା ସୁଟିଂ କରାଯିବ ।

ପ୍ରକାଶଥାଉ କି, ସନି ଦେଓଲ ଏହା ପୂର୍ବରୁ ନିଜର ସୁପରହିଟ୍ ଫିଲ୍ମ 'ଦାମିନୀ'ରେ ଓକିଲ ଭୂମିକାରେ ମଧ୍ୟ ଅଭିନୟ ନଜର ଆସିଥିଲେ। ଯାହାକୁ ଦର୍ଶକ ବେଶ ପସନ୍ଦ କରିଥିଲେ ।