Sushmita sen: ସୁସ୍ମିତା ସେନ୍ କହିଲେ ମୁଁ ବିବାହ କରିବାକୁ ଚାହିୁଁଛି, ହେଲେ ଝିଅ...

ନିକଟରେ ରିଲିଜ୍ ହୋଇଛି ସୁସ୍ମିତା ସେନ୍ ଅଭିନୀତ ୱେବ୍ ସିରିଜ୍ ‘ତାଲି’। ଏଥିରେ ତାଙ୍କ ଅଭିନୟକୁ ବେଶ ପ୍ରଶଂସା କରାଯାଉଛି । ଏହି ସିରିଜରେ ସୁସ୍ମିତା ଟ୍ରାନ୍ସଜେଣ୍ଡର ଶ୍ରୀ ଗୌରୀ ସାୱନ୍ତଙ୍କ ଭୂମିକାରେ ନଜର ଆସିଛନ୍ତି। ବର୍ତ୍ତମାନ ସୁଦ୍ଧା ବଲିଉଡ଼ ଅଭିନେତ୍ରୀ ବିବାହ କରିନଥିବା ବେଳେ ସିଙ୍ଗଲ ମଦର ଭାବେ ଦୁଇଟି ଝିଅଙ୍କ ଦାୟିତ୍ବ ନେଇଛନ୍ତି । ତେବେ ବିବାହକୁ ନେଇ ଅଭିନେତ୍ରୀ ନିକଟରେ ଏକ ବୟାନ ଦେଇଛନ୍ତି ।

ପୂର୍ବତନ ବିଶ୍ବ ସୁନ୍ଦରୀ ନିଜ ବ୍ୟକ୍ତିଗତ ଜୀବନକୁ କେବେ ବି ଲୁଚାଇ ରଖନ୍ତି ନାହିଁ। ପୂର୍ବତନ ପ୍ରେମିକ ରେହମାନ ଶଲଙ୍କ ସହ ତାଙ୍କ ସମ୍ପର୍କ ବିଷୟରେ ସମସ୍ତେ ଜାଣନ୍ତି । ତେବେ ଅଭିନେତ୍ରୀ ନିକଟରେ କହିଛନ୍ତି ଯେ, ସେ ବିବାହ କରିବାକୁ ଚାହୁଁଛନ୍ତି, କିନ୍ତୁ ତାଙ୍କ ଝିଅମାନେ ସେ ବିବାହ କରନ୍ତୁ ବୋଲି ଚାହାଁନ୍ତି ନାହିଁ।

ନିକଟରେ ଅଭିନେତ୍ରୀଙ୍କୁ ତାଙ୍କ ଝିଅମାନେ କେବେ ବାପାର ସେହ୍ନ ବା ଅଭାବ ଅନୁଭବ କରିଛନ୍ତି କି ବୋଲି ପ୍ରଶ୍ନ କରାଯାଇଥିଲା । ଏହାର ଉତ୍ତରରେ ଅଭିନେତ୍ରୀ କହିଛନ୍ତି- 'ଆଦୌ ନୁହେଁ। କାରଣ, ସେମାନଙ୍କୁ ପିତାର ଆବଶ୍ୟକତା ନାହିଁ । ଆପଣ କେବଳ ତାହାକୁ ମିସ୍ କରନ୍ତି ତାହା ଆପଣଙ୍କ ନିକଟରେ ରହିଥାଏ । ଯଦି କୌଣସି ଜିନିଷ ଆପଣଙ୍କ ନିକଟରେ ନଥିଲା ତାହାଲେ ଆପଣ ତାହାକୁ କିପରି ମିସ୍ କରିବେ । ଯେତେବେଳେ ମୁଁ ସେମାନଙ୍କୁ ବିବାହ କରିବାକୁ ଚାହୁଁଛି ବୋଲି କହୁଛି ସେମାନେ କହୁଛନ୍ତି- 'କ’ଣ? କିନ୍ତୁ କାହିଁକି? ଆମକୁ ପିତାର ଆବଶ୍ୟକତା ନାହିଁ। ମୁଁ ସେମାନଙ୍କୁ କହିଲି, ମୁଁ କିନ୍ତୁ ଏକ ସ୍ୱାମୀ ଚାହୁଁଛି । ତାଙ୍କର ତୁମ କୌଣସି ସମ୍ପର୍କ ନାହିଁ । ଆମେ ପ୍ରାୟତଃ ଏହାକୁ ନେଇ ଥଟ୍ଟା କରିଥାଉ’ ।

ସୁସ୍ମିତା ଆହୁରି ମଧ୍ଯ କହିଛନ୍ତି- 'ତାଙ୍କ ନିକଟରେ ଟାଟା ଅର୍ଥାତ୍ ମୋ ବାପା ଓ ସୋମାନଙ୍କ ଅଜା ଅଛନ୍ତି । ଏହା ସେମାନଙ୍କ ପାଇଁ ଯଥେଷ୍ଟ । ଯେତେବେଳେ ବି ସେମାନେ ପିତାର ଅଭାବ ଅନୁଭବ କରିବେ ଟାଟା ତାଙ୍କ ପାଇଁ ସବୁବେଳେ ସେ ସ୍ଥାନରେ ରହିଥିବେ' । ୨୦୦୦ ମସିହାରେ ଅଭିନେତ୍ରୀ ରେନିଙ୍କୁ ଓ ୨୦୧୦ ମସିହାରେ ଆଲିଶାଙ୍କୁ ପୋଷ୍ୟ ଭାବେ ଗ୍ରହଣ କରିଥିଲେ ।

ସୁସ୍ମିତାଙ୍କ ନୂତନ ୱେବ୍ ସିରିଜ୍ ‘ତାଲି’ କିନ୍ନର ଶ୍ରୀ ଗୌରୀ ସାୱନ୍ତଙ୍କ ସଂଘର୍ଷର କାହାଣୀକୁ ନେଇ ଗତିଶୀଳ । ଏଥିରେ ଅଭିନେତ୍ରୀଙ୍କ ଅଭିନୟକୁ ବେଶ ପ୍ରଶଂସା କରାଯାଉଛି ।