kangana Ranaut: ଘରକୁ ଆସିବେ ନୂଆ ଅତିଥି, ଫଟୋ ସେୟାର କରି ଖୁସି ଖବର ଦେଲେ କଙ୍ଗନା ରାନାୱତ

କେବଳ କଙ୍ଗନାଙ୍କ ଫ୍ୟାନ୍ସ କାହିଁକି ତାଙ୍କ ପରିବାର ଲୋକେ ମଧ୍ଯ ଚାହାଁନ୍ତି ଯେ ଅଭିନେତ୍ରୀ ଯଥାଶୀଘ୍ର ବିବାହ କରନ୍ତୁ । ଯଦିଓ ଅଭିନେତ୍ରୀଙ୍କ ତାଙ୍କ ଜୀବନର ମିଷ୍ଟର ରାଇଟକୁ ନେଇ ବର୍ତ୍ତମାନ ସୁଦ୍ଧା ଖୁଲାସା କରିନାହାନ୍ତି । ତେବେ ନିକଟରେ କଙ୍ଗନା ରାନାୱତଙ୍କ ଘରେ ଉତ୍ସବର ମାହୋଲ ଦେଖିବାକୁ ମିଳିଥିଲା ।

କାରଣ ଖୁବଶୀଘ୍ର କଙ୍ଗନା ପିଉସୀ ହେବାକୁ ଯାଉଛନ୍ତି । ଅଭିନେତ୍ରୀଙ୍କ ଭାଉଜ ଋିତୁ ରାନାୱତ ମାଆ ହେବାକୁ ଯାଉଛନ୍ତି ।  

ନିକଟରେ ଅଭିନେତ୍ରୀ ଭାଉଜଙ୍କ ଗୋଦଭରାଈ କାର୍ଯ୍ୟକ୍ରମର ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ବିବାହର ଅଢେଇ ବର୍ଷ ପରେ କଙ୍ଗନାଙ୍କ ଭାଇ ଅକ୍ଷତ ପିତା ହେବାକୁ ଯାଉଛନ୍ତି। ୨୦୨୦ ନଭେମ୍ବର ମାସରେ ସେ ଋିତୁଙ୍କୁ ବିବାହ କରିଥିଲେ।

ଫଟୋ ସେୟାର କରି କଙ୍ଗନା କ୍ୟାପସନରେ ଲେଖିଛନ୍ତି, ଯେ 'ଭାଉଜ ରିତୁ ରାନାୱତଙ୍କ ବେବି ସାୱାରର କିଛି ଝଲକ ଆପଣଙ୍କ ସହ ସେୟାର କରୁଛି । ଆମର ହୃଦୟ ଆନନ୍ଦରେ ପୂର୍ଣ୍ଣ ରହିଛି । ଆମେ ସମସ୍ତେ ଶିଶୁ ରାନାୱତଙ୍କୁ ଅପେକ୍ଷା କରିଛୁ । ଆପଣଙ୍କ ଶୁଭକାମନା ଓ ଆଶୀର୍ବାଦ ପାଇଁ ଧନ୍ୟବାଦ' ।

କଙ୍ଗନାଙ୍କ ଏହି ପୋଷ୍ଟରେ ଅନୁପମ ଖେର କମେଣ୍ଚ କରି ଲେଖିଛନ୍ତି, 'ଅଭିନନ୍ଦନ, ଜୟ ହୋ ।  ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ' ଆପଣଙ୍କୁ ବିବାହ କରୁଥିବାର ଦେଖିବାକୁ ଚାହୁଁଛୁ ।

ଗୋଟିଏ ଫଟୋରେ କଙ୍ଗନାଙ୍କ ଭାଉଜ ନିଜ ବେବି ବମ୍ପ ଦେଖାଉଥିବା ଦେଖିବାକୁ ମିଳିଛି ।  ଅନ୍ୟ ଏକ ଫଟୋରେ, କଙ୍ଗନା ଓ ତାଙ୍କ ମାଆ ବୋହୂକୁ ଏକ ଗହଣା ସେଟ୍ ଉପହାର ଦେଉଥିବା ଦେଖିବାକୁ ମିଳୁଛି ।