କିଏ ସେ ବୁଲବୁଲ ସାହା, ଯିଏ ୨୮ ବର୍ଷ ବଡ଼ ପୂର୍ବତନ କ୍ରିକେଟର ଅରୁଣ ଲାଲଙ୍କୁ କଲେ ବିବାହ

ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟର ଅରୁଣ ଲାଲ (Former Indian Cricketer Arun Lal) ସୋମବାର ନିଜଠାରୁ ୨୮ ବର୍ଷ ସାନ ବୁଲବୁଲ ସାହା (Bulbul Saha) ଙ୍କୁ ବିବାହ କରିଛନ୍ତି । ବର୍ତ୍ତମାନ ଅରୁଣ ଲାଲ (Arun Lal) ଙ୍କ ବୟସ ୬୬ ବର୍ଷ ହେବ । 

ଏହି ଖବର ସାମ୍ନାକୁ ଆସିବା ମାତ୍ରେ ଲୋକମାନେ ସୋସିଆଲ ମିଡିଆରେ କ୍ରିକେଟରଙ୍କୁ ଅଭିନନ୍ଦନ ଜଣାଇବା ଆରମ୍ଭ କରିଥିଲେ । ବିବାହ ପରେ ଉଭୟଙ୍କ ଫଟୋ ଇଣ୍ଟରନେଟରେ ଧମାଲ କରିବାକୁ ଲାଗିଛି । 

ଉଭୟଙ୍କ ବିବାହ ଫଟୋ (Arun Lal Wedding Pics) ନିର୍ଦ୍ଦିଷ୍ଟ ଭାବରେ ଭାଇରାଲ ହେଉଛି | ଭାଇରାଲ ହେଉଥିବା ଫଟୋରେ ଅରୁଣ ଲାଲ ଓ ବୁଲବୁଲ ସାହା ବହୁତ ଖୁସି ଥିବା ଦେଖିବାକୁ ମିଳୁଛି । ଏହି ଚିତ୍ରଗୁଡ଼ିକରେ ଅରୁଣ ଲାଲ ମଧ୍ୟ ବୁଲବୁଲ ସାହାଙ୍କୁ ଚୁମ୍ବନ ଦେଉଥିବାର ନଜର ଆସିଥିଲେ ।

ମିଳିଥିବା ସୂଚନା ଅନୁଯାୟୀ, ବୁଲବୁଲ ସାହା (Bulbul Saha) ପେଶାରେ ଜଣେ ସ୍କୁଲ ଶିକ୍ଷୟତ୍ରୀ ଅଟନ୍ତି । ପ୍ରଥମ ପତ୍ନୀଙ୍କ ସହ ଛାଡପତ୍ର ପରେ ଅରୁଣ ଲାଲ ଦ୍ୱିତୀୟ ଥର ପାଇଁ ବୁଲବୁଲ ସାହାଙ୍କୁ ବିବାହ କରିଛନ୍ତି । 

ଖବର ଅନୁଯାୟୀ, ପ୍ରଥମ ପତ୍ନୀଙ୍କ ସହମତି ପରେ ସେ ଦ୍ୱିତୀୟ ଥର ପାଇଁ ବୁଲବୁଲଙ୍କୁ ବିବାହ କରିଛନ୍ତି । ତାଙ୍କ କ୍ୟାରିୟର ବିଷୟରେ କହିବାକୁ ଗଲେ ଅରୁଣ ଲାଲ ଭାରତ ପାଇଁ ୧୬ଟି ଟେଷ୍ଟ ମ୍ୟାଚ୍ ଖେଳିଥିଲେ ଯେଉଁଥିରେ ସେ ୭୨୯ ରନ୍ ସଂଗ୍ରହ କରିଥିଲେ । କେବଳ ଏତିକି ନୁହେଁ, ସେ ୧୩ଟି ଏକଦିବସୀୟରେ ୧୨୨ ରନ୍ କରିଥିଲେ ।

ଭାଇରାଲ ହେଉଥିବା ଫଟୋଗୁଡ଼ିକକୁ କ୍ରିକେଟରଙ୍କ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି । ଯଦିଓ କିଛି ଲୋକ ଏପରି ଜଣେ ଯୁବତୀଙ୍କୁ ବିବାହ କରିବା ପାଇଁ ଅରୁଣ ଲାଲଙ୍କୁ ଟ୍ରୋଲ କରିଛନ୍ତି ।

ଏହା ବି ପଢ଼ନ୍ତୁ:-କ୍ଷମା ମାଗିଲେ ପୁଟିନ!

ଏହା ବି ପଢ଼ନ୍ତୁ:-'ଯଦି ମୁଁ ପ୍ରଧାନମନ୍ତ୍ରୀ ହେବି ତ ପ୍ରଥମେ ଅକ୍ଷୟ କୁମାରଙ୍କୁ ପଠାଇବି କାନାଡା'

ଏହା ବି ପଢ଼ନ୍ତୁ:-କାର୍ତ୍ତିକ ଆର୍ଯ୍ୟନଙ୍କ ବିରୋଧରେ ବଲିଉଡ? କରଣ ଜୋହରଙ୍କ ସହ ବିବାଦକୁ ନେଇ ମଧ୍ୟ ପ୍ରଥମ ଥର ଖୋଲିଲେ ମୁହଁ

ଆପଣଙ୍କୁ କହି ରଖୁଛୁ ଯେ, ଅରୁଣ ଲାଲ ତାଙ୍କର ପ୍ରଥମ ପତ୍ନୀ ରୀନାଙ୍କୁ ଛାଡପତ୍ର ଦେଇଥିଲେ । ତେବେ ଛାଡପତ୍ର ପରେ ସେ ତାଙ୍କ ସହ ରୁହନ୍ତି କାରଣ ତାଙ୍କ ସ୍ୱାସ୍ଥ୍ୟ ଅବସ୍ଥା ବର୍ତ୍ତମାନ ଖରାପ ଚାଲିଛି ।