ମହିଳାମାନେ ବ୍ୟବହାର କରୁଥିବା ଏହିସବୁ ସାମଗ୍ରୀ ପୁରୁଷମାନଙ୍କ ପାଇଁ ହୋଇଥିଲା ଉଦ୍ଭାବନ! ଜାଣନ୍ତୁ କ'ଣ ସେହି ସବୁ ଜିନିଷ?

ଷ୍ଟକିଙ୍ଗ(Stockings) -ଆପଣ ଦେଖିଥିବେ ମହିଳାମାନେ ଡ୍ରେସ୍ ତଳେ ଷ୍ଟକିଙ୍ଗ ବା ଲେଗିଙ୍ଗ୍ ପିନ୍ଧିଥାଆନ୍ତି । କିନ୍ତୁ ଆପଣ ଜାଣନ୍ତି କି ଏହା ମହିଳାମାନଙ୍କ ପାଇଁ ନୁହେଁ ବରଂ ପୁରୁଷମାନଙ୍କ ପାଇଁ ଉଦ୍ଭାବିତ ହୋଇଥିଲା । ଏକ ୱେବସାଇଟର ରିପୋର୍ଟ ଅନୁଯାୟୀ ପୁରୁଷମାନେ ୯ମ ଶତାବ୍ଦୀ ପର୍ଯ୍ୟନ୍ତ ଷ୍ଟକିଙ୍ଗ ପିନ୍ଧୁଥିଲେ। ଧନୀ ବ୍ୟକ୍ତିମାନେ ପ୍ରାୟତଃ ଏହି ପୋଷାକ ପିନ୍ଧିଥିବାର ଦେଖାଯାଇଥିଲା । ପରେ ଅଷ୍ଟାଦଶ ଶତାବ୍ଦୀରୁ ଏହାକୁ ମହିଳା ମାନେ ପିନ୍ଧିବା ଆରମ୍ଭ କରିଥିଲେ ।

ମେକଅପ୍ ବ୍ରଶ(Makeup brush)- ଆଜିର ସମୟରେ ମହିଳାମାନଙ୍କ ପାଇଁ ମେକ୍ଅପ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ପାର୍ଟି ହେଉ କିମ୍ବା ପର୍ବ, ମହିଳାମାନେ ବିନା ମେକଅପ୍ କୌଣସି କାର୍ଯ୍ୟକୁ ଯାଆନ୍ତି ନାହିଁ । କିନ୍ତୁ ପୁରାତନ କାଳରେ ପୁରୁଷମାନଙ୍କ ପାଇଁ ମଧ୍ଯ ମେକଅପ୍ ଗୁରୁତ୍ୱପୂର୍ଣ୍ଣ ଥିଲା । ପ୍ରାଚୀନ ଇଜିପ୍ଟରେ ପୁରୁଷମାନେ ମଧ୍ୟ ଧନୀ ଦେଖାଯିବା ପାଇଁ ସେମାନଙ୍କ ଆଖିରେ ମୋଟା ଆଇଲାଇନ୍, ଲିପଷ୍ଟିକ୍ ଲଗାଉଥିଲେ । ରୋମାନ୍ ପୁରୁଷମାନେ ଏହି ମେକଅପ ବ୍ରଶରେ ସେମାନଙ୍କ ଗାଲକୁ ଲାଲ୍ କରୁଥିଲେ ।

ହାତ ଘଣ୍ଟା(Watch)- ଘଣ୍ଟାକୁ ଆଜିର ସମୟରେ ଉଭୟ ପୁରୁଷ ଓ ମହିଳା ମାନେ ହାତଘଣ୍ଟା ପିନ୍ଧୁଥିବାର ଦେଖିବାକୁ ମିଳିଥାଏ । କିନ୍ତୁ ଆପଣ ଜାଣନ୍ତି କି, ହାତ ଘଣ୍ଟା କେବଳ ମହିଳାମାନଙ୍କ ପାଇଁ ତିଆରି କରାଯାଇଥିଲା । ପ୍ରଥମ ବିଶ୍ୱଯୁଦ୍ଧ ପର୍ଯ୍ୟନ୍ତ, ହାତ ଘଣ୍ଟାକୁ ମହିଳା ଅଳଙ୍କାର ଭାବେ ବିବେଚନା କରାଯାଉଥିଲା । ପୁରୁଷମାନେ ଏହାକୁ ନ ପିନ୍ଧି କେବଳ ପକେଟରେ ରଖୁଥିଲେ । କିନ୍ତୁ ଯୁଦ୍ଧ ସମୟରେ ଯେତେବେଳେ ଖରାପ ରାସ୍ତାରେ ଚାଲିବାକୁ ପଡୁଥିବାରୁ ପକେଟରୁ ଘଣ୍ଟା ଖସିଯିବାର ଭୟ ଥିଲା । ଏହି କାରଣରୁ ପୁରୁଷମାନେ ମଧ୍ଯ ଘଣ୍ଟା ଗୁଡ଼ିକ ହାତରେ ପିନ୍ଧିବା ହେବା ଆରମ୍ଭ କରିଥିଲେ ।

କ୍ରପ ଟପ(Crop top)- ଆଜିକାଲିର ଯୁବତୀଙ୍କୁ ବିଭିନ୍ନ ଫ୍ୟାସନେବୁଲ ଡ୍ରେସ ପିନ୍ଧୁଥିବାର ଦେଖିବାକୁ ମିଳିଥାଏ । ବଡ଼ ସହରରୁ ଆରମ୍ଭ କରି ଛୋଟ ସହରରେ ଏବେ କ୍ରପ ଟପର ଚାହିଦା ଦେଖିବାକୁ ମିଳିଛି । କିନ୍ତୁ ଏହି ପୋଷାକ ପୁରୁଷମାନଙ୍କ ପାଇଁ ତିଆରି କରାଯାଇଥିଲା । ଆମେରିକୀୟ ଫୁଟବଲ ଖେଳାଳୀମାନେ ଏହିପରି କ୍ରପ ଟପ୍ ପିନ୍ଧୁଥିଲେ ଓ ୮୦-୯୦ ଦଶକରେ ଏହାକୁ ପୁରୁଷମାନଙ୍କର ସ୍ୱତନ୍ତ୍ର ପୋଷାକ ଭାବେ ବିବେଚନା କରାଯାଉଥିଲା । କିନ୍ତୁ ୯୦ ଦଶକର ଶେଷ ବେଳକୁ ପୁରୁଷମାନେ ପେଟକୁ ପସନ୍ଦ କରିନଥିଲେ ଯାହା ଫଳରେ ଏହା ଧୀରେ ଧୀରେ ମହିଳାଙ୍କ ଫ୍ୟାଶନ୍ ପାଲଟିଗଲା ।

ଫୋର୍ଡ ମୁସ୍ତାଙ୍ଗ କାର(Ford Mustang Car)- ପୁରୁଷମାନେ ଫୋର୍ଡ଼ ମୁସ୍ତାଙ୍ଗ କାରକୁ ପୁରୁଷମାନେ ବେଶ ପସନ୍ଦ କରିଥାଆନ୍ତି ଏହା ସେମାନଙ୍କର ସ୍ୱପ୍ନର କାର ଅଟେ । କିନ୍ତୁ ୬୦ ଦଶକରେ ଯେତେବେଳେ ପ୍ରଥମ ଥର ମୁସ୍ତାଙ୍ଗ କାର ଲଞ୍ଚ କରାଯାଇଥିଲା ସେତେବେଳେ ଏହାକୁ ମହିଳାଙ୍କ କାର ଭାବରେ ମାର୍କେଟିଙ୍ଗ କରାଯାଇଥିଲା । ଏହାର ଟ୍ରଙ୍କ୍ ଅଧିକ ସାମଗ୍ରୀ ରଖାଯାଇପାରୁଥିଲା , ତେଣୁ ଏହାକୁ ଦୋକାନ ବଜାରର ‘ସ୍ବଇଟହାର୍ଟ’ କୁହାଯାଉଥିଲା ।

ଥଙ୍ଗ ଯଥା ଜି-ଷ୍ଟ୍ରିଙ୍ଗ୍(Thongs)- ପୁରୁଷମାନଙ୍କ ପାଇଁ ତିଆରି ହୋଇଥିବା ଥଙ୍ଗ ଯଥା ଜି-ଷ୍ଟ୍ରିଙ୍ଗ୍ ଅନ୍ତବସ୍ତ୍ରକୁ ଆଜିର ସମୟରେ ମହିଳାମାନେ ବିଚ୍ ରେ ଗ୍ଲାମରସ୍ ଦେଖାଯିବା ପାଇଁ ବ୍ୟବହୃତ କରୁଥିବା ଦେଖିବାକୁ ମିଳିଥାଏ । କିନ୍ତୁ ଆପଣ ଜାଣିଛନ୍ତି ଏହା ପୁରୁଷଙ୍କ ପାଇଁ ତିଆରି ହୋଇଥିଲା । ପ୍ରାଚୀନ କାଳରେ, ଥଙ୍ଗ ଅନ୍ତବସ୍ତ୍ର ଇଜିପ୍ଟ , ଗ୍ରୀସ୍ ଓ ଜାପାନରେ ପିନ୍ଧାଯାଉଥିଲା । ଏହାକୁ କେବଳ ପୁରୁଷମାନେ ପିନ୍ଧୁଥିଲେ ।