Elina Samantray: ଓଲିଉଡ ଅଭିନେତ୍ରୀ ଏଲିନା ସାମନ୍ତରାୟ । ରିୟଲିଟି ଶୋ'ରୁ କ୍ୟାରିୟର ଆରମ୍ଭ କରିଥିଲେ ଏଲିନା । ତେବେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ରୋଚକ କଥା ।
)
'ଇସ୍କ ତୁ ହି ତୁ' ଫିଲ୍ମରେ ଅରିନ୍ଦମ ରାୟଙ୍କ ବିପକ୍ଷରେ ନାୟିକା ହେବାର ସୁଯୋଗ ପାଇଥିଲେ ଏଲିନା । ଏହି ଫିଲ୍ମକୁ ନିର୍ଦ୍ଦେଶନା ଦେଇଥିଲ ତାପସ ସରଘରିଆ । ଏଥିରେ ମିହିର ଦାସ, ଅପରାଜିତା ମହାନ୍ତି, ସମରେଶ ରାଉତରାୟ, ପ୍ରଜ୍ଞା ଖଟୁଆ ପ୍ରମୁଖ ଅଭିନୟ କରିଥିଲେ ।
)
'ଇସ୍କ ତୁ ହି ତୁ' ଦର୍ଶକଙ୍କ ମନ ଜିତିଥିଲେ ଏଲିନା । ଏହାପରେ ତାଙ୍କୁ ସେହି ବର୍ଷ ଆଉ ଏକ ଫିଲ୍ମ ଅଫର ମିଳିଥିଲା । ଏହାପରେ ଏଲିନା 'କେହି ନୁହେଁ କାହାର' ଚଳଚ୍ଚିତ୍ରରେ ଅଭିନୟ କରିଥିଲେ । ଏଲିନାଙ୍କ ସହ ନାୟକ ଭୂମିକାରେ ଅଭିନୟ କରିଥିଲେ ଅଭିଶେକ ରଥ । ନିର୍ଦ୍ଦେଶକ ସୁଶାନ୍ତ ମଣି ଏହାର ନିର୍ଦ୍ଦେଶନା ଥିଲେ ।
)
ଏହାପରେ ଏଲିନା 'ଜଗା ହାତରେ ପଘା' ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଫିଲ୍ମରେ ସେ ସୁପରଷ୍ଟାର ଅନୁଭବ ମହାନ୍ତି ଏବଂ ବୁଦ୍ଧାଦିତ୍ୟ ମହାନ୍ତିଙ୍କ ସହ ଅଭିନୟ କରିଥିଲେ । ଏହି ଫିଲ୍ମରେ ଝିଲିକ୍ ଭଟ୍ଟାଚାର୍ଯ୍ୟ ଅନ୍ୟତମ ନାୟିକା ଭାବରେ ଅଭିନୟ କରିଥିଲେ ।
)
୨୦୧୬ରେ ଏଲିନା ଅଭିନେତା ବାବୁଶାନ୍ଙ୍କ ସହ 'ଲଭ୍ ଷ୍ଟେସନ 'ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ ଅଶୋକ ପତି । ଏହି ମୁଭିରେ ମିହିର ଦାସ, ପପୁ ପମ ପମ, ପୁଷ୍ପା ପଣ୍ଡା, ସଲିଲ ମିତ୍ର, ଜୀବନ ପଣ୍ଡା ଆଦି କଳାକାରମାନେ ଅଭିନୟ କରିଥିଲେ ।
)
୨୦୧୬ରେ ଏଲିନା ପୁଣିଥରେ ବାବୁଶାନ୍ଙ୍କ ସହ 'ଝିଅଟା ବିଗିଡ଼ିଗଲା' ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ ବିନି ପଟ୍ଟନାୟକ ।
)
୨୦୧୭ର ଏଲିନାଙ୍କ ଅଭିନୀତ ଫିଲ୍ମ 'ଅଭୟ' ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରଟିରେ ଅନୁଭବଙ୍କ ସହ ପୁଣି ଥରେ ସ୍କ୍ରିନ ସେୟାର କରିଥିଲେ ଏଲିନା ।
)
୨୦୧୭ରେ ରାକ୍ଷୀ ପୂର୍ଣ୍ଣିମା ସମୟରେ ଏଲିନାଙ୍କ ଅଭିନୀତ 'ମୁଁ ଖାଣ୍ଟି ଓଡ଼ିଆ ଝିଅ' ମୁକ୍ତିଲାଭ କରିଥିଲେ । ଜଣେ ଗାଉଁଲି ଝିଅର ଭୂମିକାରେ ଅଭିନୟ କରିଥିଲେ ଏଲିନା । ଏହି କଥାଚିତ୍ରଟିରେ ଦୁଇଜଣ ନାୟକ ଥିଲେ । ନବାଗତ ନାୟକ ରଣବୀର ଏବଂ ସିଦ୍ଧାନ୍ତ ମହାପାତ୍ର ଏଲିନାଙ୍କର ନାୟକ ଭୂମିକାରେ ଅଭିନୟ କରିଥିଲେ ।
)
୨୦୧୭ରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'କାବୁଲା ବାରବୁଲା'ରେ ଏଲିନା ତୃତୀୟ ଥର ଅନୁଭବଙ୍କ ସହ ଅଭିନୟ କରିଥିଲେ । ଭାରତ ବାହାରେ ଏହି ଫିଲ୍ମଟିର ଅଧିକାଂଶ ସୁଟିଂ କରାଯାଇଥିଲା ।
)
୨୦୧୮ ମସିହାରେ ଏଲିନା ପ୍ରଥମ ଥର ପାଇଁ ନାୟକ ଜ୍ୟୋତି ରଞ୍ଜନ ନାୟକଙ୍କ ସହ 'ହାପି ଲକି' ଚଳଚ୍ଚିତ୍ରରେ ଅଭିନୟ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ସୁଧାଂଶୁ ମୋହନ ସାହୁ ।
)
୨୦୧୮ରେ ଏଲିନା ଅଭିନେତା ସବ୍ୟସାଚୀ ମିଶ୍ରଙ୍କ ସହ ପ୍ରଥମ ଥର '୪ ଇଡିଅଟସ୍' ଚଳଚ୍ଚିତ୍ରରେ ଅଭିନୟ କରିଥିଲେ । ଏବଂ ସେହି ବର୍ଷ ରଥଯାତ୍ର ସମୟରେ ପୁଣିଥରେ ଏଲିନା,ସବ୍ୟସାଚୀ ମିଶ୍ରଙ୍କ ସହ 'ଟୋକାଟା ଫସିଗଲା' ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ ରମେଶ ରାଉତ ।
ପରବର୍ତ୍ତୀ ଫଟୋ ଗ୍ୟାଲେରି
ट्रेन्डिंग फोटोज़
12
8
