Weighting Machine: ଶରୀରର ଓଜନ ନୁହେଁ ବରଂ ଅନ୍ୟ କିଛି ମାପିଥାଏ ୱେଟ ମେସିନ! ଜାଣନ୍ତୁ କିପରି କାମ କରିଥାଏ ଏହି ମେସିନ

ଆପଣ ହୁଏତ ଏକଥା ଶୁଣିବା ପରେ ଆଶ୍ଚର୍ଯ୍ୟ ହୋଇଯାଉଥିବେ। ହେଲେ ଏହା ସତ୍ୟ। ୱେଟ ମେସିନ୍ ପ୍ରକୃତରେ ଆପଣଙ୍କ ଓଜନ ମାପ କରେ ନାହିଁ। ଯେତେବେଳେ ଆପଣ ୱେଟ ମେସିନ ଉପରେ ଛିଡ଼ା ହୋଇଥାନ୍ତି, ସେତେବେଳେ ଆପଣ ଏହି ମେସିନ ଉପରେ ଲେଖାଯାଇଥିବା ରିଡିଂ ଦେଖିବା ପରେ ଆପଣ ଏହାକୁ ଆପଣଙ୍କର ଓଜନ ଭାବି ନେଇଥାନ୍ତି। 

ଯଦି ଆପଣ ବିଜ୍ଞାନକୁ ବୁଝନ୍ତି, ତାହେଲେ ଆପଣ ଜାଣିଥିବେ ଯେ ପ୍ରତ୍ୟେକ କାର୍ଯ୍ୟର ସମାନ ଏବଂ ବିପରୀତ ପ୍ରତିକ୍ରିୟା ରହିଛି। ଯେତେବେଳେ ଆପଣ ଛିଡା ହୋଇଥାନ୍ତି ସେତେବେଳେ ଆପଣଙ୍କ ଓଜନ ତଳକୁ ଖସିବାକୁ ଲାଗେ। ଅପରପକ୍ଷରେ ଆପଣଙ୍କ ଓଜନ ସହିତ ସମାନ ଉପର ପ୍ରତିକ୍ରିୟା ରହିଛି। ବାସ୍ତବରେ ୱେଟ ମେସିନ୍ ଏହି ପ୍ରତିକ୍ରିୟାକୁ ମାପ କରିଥାଏ।

ଏହି ପ୍ରକ୍ରିୟାକୁ ବୁଝିବା ପାଇଁ ଆପଣ ୱେଟ ମେସିନ୍ ନେଇ ଲିଫ୍ଟ ପାଖକୁ ଯାଅନ୍ତି। ଲିଫ୍ଟ ଭିତରେ ୱେଟ ମେସିନ ରଖି ଆପଣ ଏହା ଉପରେ ଛିଡ଼ା ହୁଅନ୍ତୁ। ଯେତେବେଳେ ଲିଫ୍ଟ ଉପରକୁ ଯାଏ, ସେତେବେଳେ ପ୍ରତିକ୍ରିୟାର ମୂଲ୍ୟ ବଢିଯାଏ। ସେତେବେଳେ ଆପଣଙ୍କୁ ଅନୁଭବ ହୁଏ ଯେ ଆପଣଙ୍କ ଓଜନ ବଢିଯାଇଛି। ହେଲେ ବାସ୍ତାବରେ ସେପରି କିଛି ହୋଇନଥାଏ। ବର୍ଦ୍ଧିତ ପ୍ରତିକ୍ରିୟା ହେତୁ ଆପଣଙ୍କୁ ଏପରି ଅନୁଭୂତ ହୋଇଥାଏ।

ଯେତେବେଳେ ଲିଫ୍ଟ ତଳକୁ ଆସେ ସେତେବେଳେ ପ୍ରତିକ୍ରିୟାର ମୂଲ୍ୟ କମିଯାଏ। ଏପରି ପରିସ୍ଥିତିରେ, ଆପଣ ହାଲୁକା ଅନୁଭବ କରନ୍ତି। ଆପଣଙ୍କୁ ଏପରି ଲାଗେ ଯେ ଯେପରି ଆପଣ ଓଜନ ହ୍ରାସ ପାଇଛି। ଯଦି ହଠାତ୍ ଲିଫ୍ଟ ତାର ଭାଙ୍ଗିଯାଏ ଏବଂ ଏହା ଖଯିବା ଆରମ୍ଭ କରେ, ସେତେବେଳେ ଆପଣ ମଧ୍ୟ ଭାରହୀନତା ଅନୁଭବ କରିପାରନ୍ତି।

ଓଜନ ମାପିବା ପାଇଁ ବ୍ୟବହୃତ ହେଉଥିବା ୱେଟ ମେସିନ ପ୍ରତିକ୍ରିୟା ବାବଦରେ ଅଧ୍ୟୟନ କରିଥାଏ। ଯାହାକୁ  ଆପଣ ଆପଣଙ୍କର ଓଜନ ଭାବରେ ବିବେଚନା କରିଥାନ୍ତି। ସେହିଭଳି, ଯଦି ଆପଣ ଏହି ଯନ୍ତ୍ରକୁ ଚନ୍ଦ୍ର ପୃଷ୍ଠକୁ ନେଇଯାନ୍ତି, ତାହେଲେ ଆପଣ ଆପଣଙ୍କର ଓଜନ ହ୍ରାସ କରିବାରେ ସକ୍ଷମ ହେବେ।