କ୍ଷେତରାଜପୁର ମାରବାଡି ଧର୍ମଶାଳା, ଚେରୁଆ ପଡା, ବଡ଼ ବଜାର ଛକ, ରେଲୱେ ଫାଟକ ଇତ୍ୟାଦି ସ୍ଥାନରେ ଲକ୍ ଡାଉନ୍ ଆଇନ ଉଲ୍ଲଂଘନ କରିଥିବା ଅଭିଯୋଗରେ ୨୩ ଜଣଙ୍କ ନାମରେ ମାମଲା ରୁଜୁ କରିଛି ପୋଲିସ ।
Trending Photos
ସମ୍ୱଲପୁର: ଲକ୍ ଡାଉନ୍ ଆଇନ ଉଲ୍ଲଂଘନ କରିବାରୁ ୨୩ଜଣଙ୍କ ନାଁରେ ମାମଲା ରୁଜୁ କରାଯାଇଛି । ମଙ୍ଗଳବାର ମଧ୍ୟ ରାତ୍ରିରୁ ୨୧ ଦିନ ପର୍ଯ୍ୟନ୍ତ ସାରା ଭାରତରେ ଲକ୍ ଡାଉନ୍ ପରିସ୍ଥିତି ଜାରି ରହିବ । ବିନା କରଣରେ କେହି ଘରୁ ବାହାରିବାକୁ ସରକାର ବାରଣ କରିଛନ୍ତି । ଏବେ ନିୟମକୁ କଡାକଡି କରାଯାଉଛି । ଅନ୍ୟପକ୍ଷେ କିଛି ଯୁବକ ସମ୍ବଲପୁର ରିଂ ରୋଡ଼ ରେ ବସି ଗତକାଲି ସନ୍ଧ୍ୟା ସମୟରେ ଗୁଲିଖଟି କରୁଥିବାରୁ କ୍ଷେତରାଜପୁର ପୋଲିସ ସେମାନଙ୍କ ନାମରେ ମାମଲା ରୁଜୁ କରିଛି ।
ସୂଚନା ମୁତାବକ, କ୍ଷେତରାଜପୁର ମାରବାଡି ଧର୍ମଶାଳା, ଚେରୁଆ ପଡା, ବଡ଼ ବଜାର ଛକ, ରେଲୱେ ଫାଟକ ଇତ୍ୟାଦି ସ୍ଥାନରେ ଲକ୍ ଡାଉନ୍ ଆଇନ ଉଲ୍ଲଂଘନ କରିଥିବା ଅଭିଯୋଗରେ ୨୩ ଜଣଙ୍କ ନାମରେ ମାମଲା ରୁଜୁ କରିଛି ପୋଲିସ । ସେମାନଙ୍କ ନିକଟରୁ ୭ଟି ମଟର ସାଇକେଲ ମଧ୍ୟ ଜବତ କରାଯାଇଛି । କୋରୋନା ପାଇଁ ସମସ୍ତ ଅଞ୍ଚଳରେ ଲୋକେ ସଚେତନତାକୁ ଆପଣାଉ ଥିବା ବେଳେ ସମ୍ବଲପୁରରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି ।