2024 April Elections: ସ୍ୱତନ୍ତ୍ର ହେବାକୁ ଯାଉଛି ୨୦୨୪ ଅପ୍ରେଲ୍ ନିର୍ବାଚନ; ଜାଣନ୍ତୁ କାରଣ

Rajya Sabha Elections 2024: ଆସନ୍ତାବର୍ଷ ଅପ୍ରେଲ-ମେ ମାସରେ ଲୋକସଭା ସହ ଦେଶର କିଛି ରାଜ୍ୟରେ ହେବ ରାଜ୍ୟସଭା ନିର୍ବାଚନ।

Rajya Sabha Elections 2024 April: ଆସନ୍ତାବର୍ଷ ଅପ୍ରେଲ-ମେ ମାସରେ ହେବାକୁ ଯାଉଛି ଅଷ୍ଟାଦଶ ଲୋକସଭା ନିର୍ବାଚନ। ଆସନ୍ତାବର୍ଷ ଅପ୍ରେଲ ମାସରେ ଲୋକସଭା ସହ ଦେଶର କିଛି ରାଜ୍ୟରେ ହେବ ରାଜ୍ୟସଭା ନିର୍ବାଚନ। ଯାହା ମଧ୍ୟରେ ରହିଛି ଉତ୍ତର ପ୍ରଦେଶ। ରାଜ୍ୟର ମୋଟ ୩୧ ରାଜ୍ୟସଭା ଆସନ ମଧ୍ୟରୁ ୧୦ ସିଟ୍ ପାଇଁ ନିର୍ବାଚନ ଅନୁଷ୍ଠିତ ହେବ। ଏହି ନିର୍ବାଚନ ପରେ ସଂସଦର ଉଚ୍ଚ ସଦନରେ ହେବ ଏକ ବଡ଼ ପରିବର୍ତ୍ତନ। ଅପ୍ରେଲ ମାସରେ ହେବାକୁ ଯାଥିବା ନିର୍ବାଚନ ପରେ ବିଜେପି ରାଜ୍ୟସଭାରେ ସଂଖ୍ୟା ଗରିଷ୍ଠତା ହାସଲ କରିବ ନାଁ ନାହିଁ ତାହା ସ୍ପଷ୍ଟ ହୋଇଯିବ। ଏହା ସହିତ ସମାଜବାଦୀ ପାର୍ଟି ସାଂସଦ ସଂଖ୍ୟା ବୃଦ୍ଧି ପାଇବ ନାଁ ଦଳକୁ ଏଥିପାଇଁ ଆହୁରି ଅଧିକ ସମୟ ଅପେକ୍ଷା କରିବାକୁ ତାହା ମଧ୍ୟ ଜଣାପଡ଼ିବ। ସେହିଭଳି କଂଗ୍ରେସ ଏବଂ ବିଏସପିର ଅବସ୍ଥା କ’ଣ ହେବ? ଯଦି ରାଜ୍ୟସଭାରେ ବିଜେପି ଅଧିକ ଶକ୍ତିଶାଳୀ ହୁଏ, ତାହେଲେ ରାଜନୈତିକ ଦୃଷ୍ଟିକୋଣରୁ ଦେଶର ଦେଶର ଅନ୍ୟତମ ପ୍ରମୁଖ ରାଜ୍ୟ କୁହାଯାଉଥିବା ଉତ୍ତର ପ୍ରଦେଶ ରାଜନୀତିକୁ କିପରି ପ୍ରଭାବିତ କରିବ?

ଗୋଟିଏ ରାଜ୍ୟସଭା ଆସନ କେତେ ସଂଖ୍ୟକ ବିଧାୟକଙ୍କ ସମର୍ଥନ ଆବଶ୍ୟକ?
ଉତ୍ତର ପ୍ରଦେଶ ବିଧାନସଭା ଶାସକ ବିଜେପି ନେତୃତ୍ୱାଧିନ ଏନଡ଼ିଏ ମେଣ୍ଟର ବିଧାୟକଙ୍କ ସଂଖ୍ୟା ହେଉଛି ୨୮୦। ମୁଖ୍ୟ ବିରୋଧୀ ଦଳ ସମାଜବାଦୀ ପାର୍ଟି ନେତୃତ୍ୱାଧିନ ସମାଜବାଦୀ ମେଣ୍ଟ ପାଖରେ ପାଖାପାଖି ୧୧୮ ବିଧାୟକ ଅଛନ୍ତି। ସେହିପରି ବିଏସପି ପାଖରେ ୧  ଏବଂ କଂଗ୍ରେସ ପାଖରେ ୨ ଏବଂ ଜନସତ୍ତା ଦଳର ୨ ବିଧାୟକ ଅଛନ୍ତି। ଗୋଟିଏ ରାଜ୍ୟସଭା ଆସନ ଜିତିବାକୁ ୩୭ ଜଣ ବିଧାୟକ ଭୋଟ୍ ଆବଶ୍ୟକ କରନ୍ତି। ବିଧାୟକ ସଂଖ୍ୟା ଅନୁଯାୟୀ ବିଜେପି ଅତି କମରେ ୭ ଜଣ ସାଂସଦଙ୍କୁ ରାଜ୍ୟସଭା ନିର୍ବାଚନରେ ​​ଜିତାଇ ପାରିବ। ଅନ୍ୟପଟେ ସମାଜବାଦୀ ପାର୍ଟି ପକ୍ଷରୁ ୩ ଜଣ ସାଂସଦ ନିର୍ବାଚିତ ହୋଇପାରିବ। ସଦସ୍ୟ ସଂଖ୍ୟା ଆଧାରରେ ବିଏସପି ଏବଂ କଂଗ୍ରେସ ସ୍ୱତ ପ୍ରବୃତ୍ତ ଭାବରେ ରାଜ୍ୟସଭା ନିର୍ବାଚନରୁ ଦୂରେଇ ରହିବେ।

ରାଜ୍ୟସଭା ସାଂସଦ ସଂଖ୍ୟା

• ବିଜେପି: ୯୧ 
• କଂଗ୍ରେସ: ୩୧ 
• ଟିଏମସି: ୧୩
• ବିଆରଏସ: ୭ 
• ୱାଏସଆର କଂଗ୍ରେସ: ୧୩ 
• ଆମ୍ ଆଦମୀ ପାର୍ଟି: ୧୦ 
• ସମାଜବାଦୀ ପାର୍ଟି: ୩ 

ତଥାପି ମଧ୍ୟ ରାଜ୍ୟସଭା ବହୁମତ ପାଇବ ନାହିଁ ବିଜେପି 
ଯଦି ରାଜ୍ୟସଭାରେ ବିଜେପି ସାଂସଦଙ୍କ କଥା କହିବା ତାହେଲେ ଦଳ ପାଖରେ ୯୧ ଜଣ ସାଂସଦ ଅଛନ୍ତି। ରାଜ୍ୟସଭାରେ କୌଣସି ବିଲ୍ ପାସ୍ କରିବାକୁ ହେଲେ ବିଜେପି ଅନ୍ୟ ଦଳର ସମର୍ଥନ ଉପରେ ନିର୍ଭର କରିବ। ଯଦି ଚଳିତ ବର୍ଷ ଅପ୍ରେଲ୍ ମାସରେ ଅନୁଷ୍ଠିତ ହୋଇଥିବା ରାଜ୍ୟସଭା ନିର୍ବାଚନରେ ​​ବିଜେପି ଅତି କମରେ ସାତୋଟି ଆସନ ଜିତିବାରେ ସଫଳ ହୋଇଥାଏ, ତାହେଲେ ଦଳର ସାଂସଦଙ୍କ ସଂଖ୍ୟା ୯୮ ହୋଇଥାନ୍ତା। ହେଲେ ଏହା ସତ୍ତ୍ୱେ ଦଳ ରାଜ୍ୟସଭା ବହୁମତ ପାଇବାରୁ ଦୂରେଇ ରହିଥାନ୍ତା। ଯଦି ଉତ୍ତର ପ୍ରଦେଶରେ କଂଗ୍ରେସ ବିଧାୟକଙ୍କ ସଂଖ୍ୟାକୁ ଦେଖିବା, ତାହେଲେ ୨୦୨୪ ଅପ୍ରେଲ୍ ନିର୍ବାଚନରେ ଦଳକୁ କୌଣସି ଲାଭ ମିଳିବ ନାହିଁ। କଂଗ୍ରେସ ଅତିକମରେ ଆଉ କିଛି ସମୟ ଅପେକ୍ଷା କରିବାକୁ ହେବ। ବିଏସପି ସ୍ଥିତି ମଧ୍ୟ ସମାନ। ହେଲେ କାହାର ବିଜୟ କିମ୍ବା ପରାଜୟରେ ବିଏସପି ବିଧାୟକ ଏକ ନିର୍ଣ୍ଣାୟକ ଭୂମିକା ଗ୍ରହଣ କରିପାରନ୍ତି। ହେଲ ଦଳ ନିଜ ଦମ ବଳରେ ରାଜ୍ୟସଭାକୁ କୌଣସି ସାଂସଦ ନିର୍ବାଚିତ କରିପାରିବ ନାହିଁ।