IND vs ZIM: ଜିମ୍ବାୱେ ଗସ୍ତ ପାଇଁ ଦଳ ଘୋଷଣା କଲା ବିସିସିଆଇ; ଗିଲ ହେଲେ ଅଧିନାୟକ, ଏହି ସବୁ ଯୁବ ଖେଳାଳି ମଧ୍ୟ ପାଇଲେ ସୁଯୋଗ
India squad for Zimbabwe: ଜିମ୍ବାୱେ ଗସ୍ତ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି। ଏହି ଗସ୍ତରେ ଶୁବମନ ଗିଲ ଭାରତୀୟ ଦଳକୁର ନେତୃତ୍ୱ ନେବେ। ଏହା ବ୍ୟତୀତ ଅନେକ ଯୁବ ଖେଳାଳିଙ୍କୁ ଦଳରେ ସୁଯୋଗ ଦିଆଯାଇଛି।
India squad for Zimbabwe: ଜିମ୍ବାୱେ ଗସ୍ତ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି। ଏହି ଗସ୍ତରେ ଶୁବମନ ଗିଲ ଭାରତୀୟ ଦଳର ଅଧିନାୟକ ହେବେ। ଏହା ବ୍ୟତୀତ ଅନେକ ଯୁବ ଖେଳାଳିଙ୍କୁ ମଧ୍ୟ ଦଳରେ ସୁଯୋଗ ଦିଆଯାଇଛି। ଆକଳନ ଅନୁଯାୟୀ ଜିମ୍ବାୱେ ଗସ୍ତ ପାଇଁ କୌଣସି ବରିଷ୍ଠ ଖେଳାଳିଙ୍କୁ ସ୍ଥାନ ଦିଆଯାଇ ନାହିଁ। ସୂଚନାଯୋଗ୍ୟ ଯେ ବରିଷ୍ଠ ଖେଳାଳିଙ୍କ ଅନୁପସ୍ଥିତିରେ ଟିମ୍ ଇଣ୍ଡିଆର କମାଣ୍ଡ ଶୁବମାନ ଗିଲଙ୍କୁ ହସ୍ତାନ୍ତର କରିବା ନେଇ ଏକ ଦୃଢ଼ ଆଲୋଚନା ହୋଇଥିଲା। ଏହା ବ୍ୟତୀତ ଦଳରେ ଆଇପିଏଲରେ ଉଜ୍ଜ୍ୱଳ ଯୁବ ତାରକାଙ୍କୁ ଅନ୍ତର୍ଭୁକ୍ତ କରିବା ବିଷୟରେ ଆଲୋଚନା ହୋଇଥିଲା।
ଭାରତୀୟ ଦଳ ଜିମ୍ବାୱେରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ। ଟି-୨୦ ବିଶ୍ୱକପ ଦଳର ଦୁଇ ଖେଳାଳି ସଞ୍ଜୁ ସାମସନ ଏବଂ ଯଶସ୍ୱୀ ଜୈସୱାଲଙ୍କୁ ଦଳରେ ସୁଯୋଗ ଦିଆଯାଇଛି। ଟି-୨୦ ବିଶ୍ୱ ରିଜର୍ଭରେ ଅନ୍ତର୍ଭୁକ୍ତ ହୋଇଥିବା ରିଙ୍କୁ ସିଂ, ଖଲିଲ ଅହମ୍ମଦ ଏବଂ ଆବେଶ ଖାନଙ୍କୁ ମଧ୍ୟ ଦଳରେ ଚୟନ କରାଯାଇଛି। ଏଥି ସହିତ ଶୁବମନ ଗିଲଙ୍କୁ ରିଜର୍ଭରୁ ଉଠାଇ ସିଧାସଳଖ ଅଧିନାୟକ କରାଯାଇଛି। ଏହା ପୂର୍ବରୁ ଜିମ୍ବାୱେ ଗସ୍ତରେ ହାର୍ଦ୍ଦିକ ପାଣ୍ଡ୍ୟା କିମ୍ବା ସୂର୍ଯ୍ୟ କୁମାର ଯାଦବଙ୍କୁ ଟିମ୍ ଇଣ୍ଡିଆର କମାଣ୍ଡ ଦିଆଯାଇପାରେ ବୋଲି ଆଲୋଚନା ହୋଇଥିଲା। କିନ୍ତୁ ଖବର ଆସିଥିଲା ଯେ ଉଭୟେ ଜିମ୍ବାୱେ ଗସ୍ତରେ ଯିବାକୁ ମନା କରିଦେଇଥିଲେ। ଏହା ପରେ ଗିଲଙ୍କୁ ଅଧିନାୟକତ୍ୱ ହସ୍ତାନ୍ତର କରାଯାଇଥିଲା।
ଜିମ୍ବାୱେ ଗସ୍ତ ପାଇଁ ଏହା ରହିଛି ଦଳ: ଶୁବମନ ଗିଲ (ଅଧିନାୟକ), ଯଶସ୍ୱୀ ଜୈସୱାଲ, ରୁତୁରାଜ ଗାଇକୱାଡ, ଅଭିଷେକ ଶର୍ମା, ରିଙ୍କୁ ସିଂ, ସଞ୍ଜୁ ସାମସନ (ୱିକେଟ୍ କିପର), ଧ୍ରୁଭ ଜୁରେଲ (ୱିକେଟ୍ କିପର), ନୀତୀଶ ରେଡ୍ଡୀ, ରିଆନ୍ ପାରାଗ, ୱାଶିଂଟନ୍ ସୁନ୍ଦର, ରବି ବିଷ୍ଣୋଇ, ଆବେଶ ଖାନ୍, ଖାଲିଲ ଅହମ୍ମଦ, ତୁଷାର ଦେଶପାଣ୍ଡେ।