IPL 2023: ରୋହିତ ଶର୍ମାଙ୍କ ଦଳକୁ ଲାଗିଲା ଜୋରଦାର ଧକ୍କା, ଆହତ କାରଣରୁ ଜସପ୍ରୀତ ବୁମ୍ରାଙ୍କ ପରେ ଏହି ଘାତକ ଖେଳାଳି ବି ହେଲେ ବାହାର!

IPL 2023: ଆଇପିଏଲ୍ (IPL 2023) ଆରମ୍ଭ ପୂର୍ବରୁ ଟୁର୍ଣ୍ଣାମେଣ୍ଟର ସବୁଠାରୁ ସଫଳ ଦଳ ମୁମ୍ବାଇ ଇଣ୍ଡିଆନ୍ସକୁ ଏକ ବଡ଼ ଧରଣର ଝଟକା ଲାଗିଛି । ପ୍ରକୃତରେ ଅଷ୍ଟ୍ରେଲିଆର ଘାତକ ଖେଳାଳି ଜେଇ ରିଚାର୍ଡସନ ଆହତ ହୋଇଛନ୍ତି । ଭାରତ ସହ ODI ସିରିଜରୁ ମଧ୍ୟ ତାଙ୍କୁ ବାଦ ଦିଆଯାଇଛି । ଆଇପିଏଲ୍ ଖେଳିବା ଉପରେ ମଧ୍ୟ ତାଙ୍କର ସନ୍ଦେହ ରହିଛି ।

IPL 2023: ଦୁନିଆର ସର୍ବବୃହତ କ୍ରିକେଟ୍ ଲିଗ୍ ଆଇପିଏଲ (Indian Premier League) ର ୧୬ତମ ସିଜନ ୩୧ ମାର୍ଚ୍ଚ ୨୦୨୩ରୁ ଆରମ୍ଭ ହେବାକୁ ଯାଉଛି । ଏଥିପାଇଁ ସମସ୍ତ ଦଳ ନିଜ ନିଜ ପ୍ରସ୍ତୁତି ଆରମ୍ଭ କରିଛନ୍ତି । ଆଇପିଏଲ୍ (IPL 2023) ଆରମ୍ଭ ପୂର୍ବରୁ ଟୁର୍ଣ୍ଣାମେଣ୍ଟର ସବୁଠାରୁ ସଫଳ ଦଳ ମୁମ୍ବାଇ ଇଣ୍ଡିଆନ୍ସ (Mumbai Indians) କୁ ଏକ ବଡ଼ ଧରଣର ଝଟକା ଲାଗିଛି । ପ୍ରକୃତରେ ଅଷ୍ଟ୍ରେଲିଆର ଘାତକ ଖେଳାଳି ଜେଇ ରିଚାର୍ଡସନ (Jhye Richardson) ଆହତ ହୋଇଛନ୍ତି । ଭାରତ ସହ ODI ସିରିଜ (India vs Australia ODI Series) ରୁ ମଧ୍ୟ ତାଙ୍କୁ ବାଦ ଦିଆଯାଇଛି । ଆଇପିଏଲ୍ ଖେଳିବା ଉପରେ ମଧ୍ୟ ତାଙ୍କର ସନ୍ଦେହ ରହିଛି ।

ଆହତ କାରଣରୁ ଭାରତ ବିପକ୍ଷ ODI ସିରିଜ (IND vs AUS ODI Series) ରୁ ଅଷ୍ଟ୍ରେଲିଆର ଘାତକ ଦ୍ରୁତ ବୋଲର ଜେଇ ରିଚାର୍ଡସନ (Jhye Richardson) ଙ୍କୁ ବାଦ୍ ଦିଆଯାଇଛି । ଜେଇ ରିଚାର୍ଡସନ ହାମଷ୍ଟ୍ରିଂ ଆଘାତରେ ପୀଡିତ ଅଛନ୍ତି ଓ ସମ୍ପୂର୍ଣ୍ଣ ଫିଟ୍ ହୋଇପାରି ନାହାଁନ୍ତି । ଜେଇ ରିଚାର୍ଡସନ (Jhye Richardson) ପର୍ଥରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ମାର୍ଶ କପ୍‌ର ଫାଇନାଲରେ ମଧ୍ୟ ଖେଳିପାରିନଥିଲେ । ଜେଇ ରିଚାର୍ଡସନ (Jhye Richardson) ଜାନୁଆରୀ ୪ରେ ହାମଷ୍ଟ୍ରିଂ ହେବା ପରେ କୌଣସି କ୍ରିକେଟ୍ ଖେଳି ନାହାଁନ୍ତି । ତା’ପରେ ଆଶା କରାଯାଉଥିଲା ଯେ ସେ ମାର୍ଶ କପ୍ କିମ୍ବା ଶେଫିଲ୍ଡ ସିଲ୍ଡ ଟ୍ରଫିରେ ଭାଗ ନେବାକୁ ଫିଟ୍ ହେବେ, କିନ୍ତୁ ତାହା ହୋଇପାରି ନାହିଁ ।

ଅଧିକ ପଢ଼ନ୍ତୁ:-ହୋଲିରେ ଚାଷୀଙ୍କ ପାଇଁ ଖୁସି ଖବର! କୃଷି ମନ୍ତ୍ରୀ ନରେନ୍ଦ୍ର ତୋମାର କଲେ ଏହି ଘୋଷଣା

ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆକୁ ଲାଗିଲା ବଡ଼ ଝଟକା, ଟେଷ୍ଟ ପରେ ଦିନିକିଆ ସିରିଜରୁ ବାଦ୍ ପଡ଼ିଲେ ଏହି ଦମଦାର୍ ଖେଳାଳି!

ଅଧିକ ପଢ଼ନ୍ତୁ:-କପଲ୍ ତିଆରି କଲେ ଅଶ୍ଳୀଳ ଭିଡିଓ, କିନ୍ତୁ ଭୁଲରେ ପଠାଇଦେଲେ ଗ୍ରୁପ୍ ଚାଟରେ; ଭାଇରାଲ୍ ହେବା ମାତ୍ରେ...

ଆପଣଙ୍କୁ କହି ରଖୁଛୁ ଯେ, ଆଇପିଏଲ୍ (IPL 2023) ପାଇଁ ପ୍ରସ୍ତୁତ ହେଉଥିବା ମୁମ୍ବାଇ ଇଣ୍ଡିଆନ୍ସ (Mumbai Indians) ପାଇଁ ବୋଲିଂରେ ଏହା ହେଉଛି ଦ୍ୱିତୀୟ ପ୍ରମୁଖ ଝଟକା । ଏହାପୂର୍ବରୁ ଷ୍ଟାର ବୋଲର ଜସପ୍ରୀତ ବୁମ୍ରା (Jasprit Bumrah) ଟୁର୍ଣ୍ଣାମେଣ୍ଟରୁ ପ୍ରାୟ ବାହାର ହୋଇଥିଲେ । ଜସପ୍ରୀତ ବୁମ୍ରା ବର୍ତ୍ତମାନ ନ୍ୟୁଜିଲ୍ୟାଣ୍ଡରେ ଅସ୍ତ୍ରୋପଚାର କରୁଛନ୍ତି ଓ ତାଙ୍କର ବିଶ୍ୱ ଟେଷ୍ଟ ଚାମ୍ପିଅନସିପ୍ ଖେଳିବାରେ ମଧ୍ୟ ସନ୍ଦେହ ରହିଛି ।