Team India: 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ପାଇବା ପରେ ମଧ୍ୟ ଟିମ୍ ଇଣ୍ଡିଆର ଏହି ତିନି ଖେଳାଳିଙ୍କୁ ପରବର୍ତ୍ତୀ ମ୍ୟାଚରୁ ଡ୍ରପ୍ କରାଯାଇଥିଲା । ଟିମ୍ ଇଣ୍ଡିଆରେ ଏପରି ଆଶ୍ଚର୍ଯ୍ୟଜନକ ନିଷ୍ପତ୍ତି ପରେ ଅନେକ ଭେଟେରାନ ମଧ୍ୟ 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ଜିତିବା ସତ୍ତ୍ୱେ ଏହି କ୍ରିକେଟର ମାନଙ୍କୁ ଟିମ୍ ଇଣ୍ଡିଆରୁ କାହିଁକି ବାହାର କରିଦିଆଗଲା ସେନେଇ ପ୍ରଶ୍ନ ଉଠାଇଛନ୍ତି । ଆସନ୍ତୁ ଏହି 3 ଖେଳାଳିଙ୍କ ବିଷୟରେ ଜାଣିବା...
Trending Photos
5
12
5
4 "Team India: ଟିମ୍ ଇଣ୍ଡିଆରେ ରାଜନୀତିର ଶିକାର ହେଲେ ଏହି ୩ ଖେଳାଳି! 'ମ୍ୟାନ୍ ଅଫ୍ ଦି ମ୍ୟାଚ୍' ମିଳିବା ସତ୍ତ୍ୱେ ପରବର୍ତ୍ତୀ ମ୍ୟାଚରୁ କଟିଲା ପତା")
Team India: ଟିମ୍ ଇଣ୍ଡିଆ (Team India) ର ୩ ଜଣ ଏପରି କ୍ରିକେଟର ଅଛନ୍ତି, ଯେଉଁମାନେ ଭାରତୀୟ କ୍ରିକେଟ୍ ଦଳ (Indian Cricket Team) ପାଇଁ ମ୍ୟାଚ୍ ଜିତିବା ସେମାନଙ୍କ ପାଇଁ ଭାରି ପଡ଼ିଯାଇଛି । ଏହି ତିନି କ୍ରିକେଟର ଟିମ୍ ଇଣ୍ଡିଆରେ ଜୋରଦାର୍ ରାଜନୀତିର ଶିକାର ହୋଇଛନ୍ତି । 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ପାଇବା ପରେ ମଧ୍ୟ ଟିମ୍ ଇଣ୍ଡିଆର ଏହି ତିନି ଖେଳାଳିଙ୍କୁ ପରବର୍ତ୍ତୀ ମ୍ୟାଚରୁ ଡ୍ରପ୍ କରାଯାଇଥିଲା । ଟିମ୍ ଇଣ୍ଡିଆରେ ଏପରି ଆଶ୍ଚର୍ଯ୍ୟଜନକ ନିଷ୍ପତ୍ତି ପରେ ଅନେକ ଭେଟେରାନ ମଧ୍ୟ 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ଜିତିବା ସତ୍ତ୍ୱେ ଏହି କ୍ରିକେଟର ମାନଙ୍କୁ ଟିମ୍ ଇଣ୍ଡିଆରୁ କାହିଁକି ବାହାର କରିଦିଆଗଲା ସେନେଇ ପ୍ରଶ୍ନ ଉଠାଇଛନ୍ତି । ଆସନ୍ତୁ ଏହି 3 ଖେଳାଳିଙ୍କ ବିଷୟରେ ଜାଣିବା...
୧. କୁଲଦୀପ ଯାଦବ (Kuldeep Yadav)
ଟିମ୍ ଇଣ୍ଡିଆର 'ଚାଇନା ମ୍ୟାନ' ସ୍ପିନର କୁଲଦୀପ ଯାଦବ ଭାରତୀୟ ଦଳରେ ରାଜନୀତିର ସର୍ବଶେଷ ଶିକାର ହୋଇଛନ୍ତି । ବାଂଲାଦେଶ ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚରେ କୁଲଦୀପ ଯାଦବଙ୍କୁ 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ପ୍ରଦାନ କରାଯାଇଥିଲା । କୁଲଦୀପ ଯାଦବ ଏହି ମ୍ୟାଚରେ ମୋଟ ୮ ୱିକେଟ୍ ନେଇଥିଲେ ଓ ପ୍ରଥମ ଇନିଂସରେ ଏକ ଉପଯୋଗୀ ୪୦ ରନ୍ ସ୍କୋର କରିଥିଲେ, ଯାହା ଭାରତକୁ ବାଂଲାଦେଶ ବିପକ୍ଷ ପ୍ରଥମ ଟେଷ୍ଟକୁ ୧୮୮ ରନରେ ଜିତିବାରେ ସାହାଯ୍ୟ କରିଥିଲା । ଏହା ପରେ କୁଲଦୀପ ଯାଦବଙ୍କୁ ପରବର୍ତ୍ତୀ ମ୍ୟାଚରେ ଡ୍ରପ କରାଯାଇଥିଲା । ବାଂଲାଦେଶ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚରେ କୁଲଦୀପ ଯାଦବଙ୍କୁ ବାହାରର ରାସ୍ତା ଦେଖାଯାଇଥିଲା । ତାଙ୍କ ସ୍ଥାନରେ ଜୟଦେବ ଉନାଦକଟଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା । କ୍ରିକେଟର ସମସ୍ତ ଭେଟେରାନ୍ ଠାରୁ ଆରମ୍ଭ କରି ପ୍ରଶଂସକଙ୍କ ପର୍ଯ୍ୟନ୍ତ ଭାରତୀୟ ଦଳ ପରିଚାଳନାର ଏହି ନିଷ୍ପତ୍ତି ଉପରେ ପ୍ରଶ୍ନ ଉଠାଇଥିଲେ ।
୨. ଅମିତ ମିଶ୍ରା (Amit Mishra)
ଟିମ୍ ଇଣ୍ଡିଆର ଲେଗ୍ ସ୍ପିନର ଅମିତ ମିଶ୍ରା ୨୯ ଅକ୍ଟୋବର ୨୦୧୬ରେ ବିଶାଖାପାଟନମରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଶେଷ ଦିନିକିଆ ଖେଳିଥିଲେ । ସେହି ମ୍ୟାଚରେ ଅମିତ ମିଶ୍ରା ତାଙ୍କ ବୋଲିଂ ସହିତ ହଇଚଇ ସୃଷ୍ଟି କରି ୬ ଓଭରରେ ୧୮ ରନ୍ ଦେଇ ୫ ୱିକେଟ୍ ନେଇଥିଲେ । ଏହି ସମୟ ମଧ୍ୟରେ ତାଙ୍କ ବୋଲିଂ ଇକୋନୋମି ରେଟ୍ ୩.୦୦ ଥିଲା । ଅମିତ ମିଶ୍ରା ମଧ୍ୟ ଏହି ମ୍ୟାଚରେ 'ମ୍ୟାନ୍ ଅଫ୍ ଦି ମ୍ୟାଚ୍' ପୁରସ୍କାର ଜିତିଥିଲେ । କିନ୍ତୁ ଏହି ODI ମ୍ୟାଚ୍ ପରେ ତାଙ୍କୁ ଆଉ ଟିମ୍ ଇଣ୍ଡିଆ ପାଇଁ ଏହି ଫର୍ମାଟରେ ଖେଳୁଥିବା ଦେଖିବାକୁ ମିଳି ନଥିଲା । ଟିମ୍ ଇଣ୍ଡିଆର ଆଭ୍ୟନ୍ତରୀଣ ରାଜନୀତିର ଶିକାର ହୋଇ ଅମିତ ମିଶ୍ରାଙ୍କ ODI କ୍ୟାରିୟର ଏଠାରେ ଶେଷ ହୋଇଛି ।
ଅଧିକ ପଢ଼ନ୍ତୁ:-ଚୟନକର୍ତ୍ତାଙ୍କ ଗୋଟିଏ ନିଷ୍ପତ୍ତି ଶେଷ କରିଦେଲା ଏହି ଖେଳାଳିଙ୍କ T20 କ୍ୟାରିୟର! ଏଣିକି ଦଳରେ ସ୍ଥାନ ମିଳିବା କଷ୍ଟକର
୩. ଭୁବନେଶ୍ୱର କୁମାର (Bhuvneshwar Kumar)
୨୦୧୮ ମସିହାରେ ଦକ୍ଷିଣ ଆଫ୍ରିକା ବିପକ୍ଷରେ ଜୋହାନ୍ସବର୍ଗ ଟେଷ୍ଟ ମ୍ୟାଚରେ ଶ୍ରେଷ୍ଠ ପ୍ରଦର୍ଶନ ଆଧାରରେ ଟିମ୍ ଇଣ୍ଡିଆର ବିପଜ୍ଜନକ ସୁଇଙ୍ଗ୍ ଫାଷ୍ଟ ବୋଲର ଭୁବନେଶ୍ୱର କୁମାର 'ମ୍ୟାନ୍ ଅଫ୍ ଦି ମ୍ୟାଚ୍' ହୋଇଥିଲେ । କିନ୍ତୁ ଏହା ପରେ ତାଙ୍କର ଟେଷ୍ଟ କ୍ୟାରିୟର ପ୍ରାୟ ଶେଷ ହୋଇଯାଇଥିଲା । ଏହା ପରେ ଭାରତର ଟେଷ୍ଟ ଦଳରେ ଭୁବନେଶ୍ୱର କୁମାରଙ୍କୁ କୌଣସି ସୁଯୋଗ ମିଳି ନଥିଲା । ଟେଷ୍ଟ କ୍ରିକେଟରେ ଭୁବନେଶ୍ୱର କୁମାର ଟିମ୍ ଇଣ୍ଡିଆର ସବୁଠାରୁ ବଡ଼ ଶକ୍ତି ଥିଲେ । ଭୁବନେଶ୍ୱର କୁମାର ବଲକୁ ଉଭୟ ପାର୍ଶ୍ୱରେ ସୁଇଙ୍ଗ କରି ୱିକେଟ୍ ନେଉଥିଲେ ଓ ଯଦି ଆବଶ୍ୟକ ପଡ଼ୁଥିଲେ ସେ ବ୍ୟାଟ୍ସମ୍ୟାନଙ୍କ ସହ ଭଲ ପ୍ରଦର୍ଶନ କରି ଭାରତୀୟ ଦଳକୁ କଠିନ ପରିସ୍ଥିତିରୁ ବାହାର କରିଥଲେ । ୨୦୧୮ ମସିହାରେ ଶେଷ ଟେଷ୍ଟ ମ୍ୟାଚରେ ଜୋହାନ୍ସବର୍ଗରେ ଦକ୍ଷିଣ ଆଫ୍ରିକା ବିପକ୍ଷରେ ଭୁବନେଶ୍ୱର କୁମାର ୬୩ ରନ୍ ସଂଗ୍ରହ କରିଥିଲେ ଓ ୪ଟି ବଡ଼ ୱିକେଟ୍ ମଧ୍ୟ ନେଇଥିଲେ ।
