Video: ନରେନ୍ଦ୍ର ମୋଦି ଷ୍ଟାଡ଼ିୟମରେ ମହିଳାଙ୍କ ତାଣ୍ଡବ, ପୋଲିସ ଅଧିକାରୀଙ୍କୁ ମାରିଲେ ଧକ୍କା...

Viral Video: ନୂଆଦିଲ୍ଲୀ: ଚଳିତ ଆଇପିଏଲର ୧୬ତମ ସଂସ୍କରଣର ଫାଇନାଲ ମ୍ୟାଚ ରବିବାର ଖେଳାଯିବାର ଥିଲା। କିନ୍ତୁ ଲଗାଣ ବର୍ଷା କାରଣରୁ ମ୍ୟାଚ ଆରମ୍ଭ ହୋଇ ପାରିନଥିଲା। ଏପରିକି ଟସ ମଧ୍ୟ ପଡ଼ିପାରିନଥିଲା। ସେପଟେ ଫାଇନାଲ ମ୍ୟାଚ ଦେଖିବାକୁ ବହୁ ସଂଖ୍ୟାରେ କ୍ରିକେଟ ପ୍ରଶଂସକ ଷ୍ଟାଡ଼ିୟମରେ ପହଞ୍ଚିଥିଲେ। ତେବେ ପ୍ରବଳ ଭିଡ଼କୁ ନିୟନ୍ତ୍ରଣ କରିବାକୁ ବହୁ ସଂଖ୍ୟାରେ ପୋଲିସ କର୍ମୀ ମଧ୍ୟ ନିୟୋଜିତ ହୋଇଥିଲେ। ତେବେ ଏହାରି ମଧ୍ୟରେ ପ୍ରଶଂସକଙ୍କ ମଧ୍ୟରେ ହଟ୍ଟଗୋଳ ଦେଖିବାକୁ ମିଳିଥିଲା। ଜଣେ ମହିଳା ପ୍ରଶଂସକ ସୁରକ୍ଷା ଦାୟିତ୍ୱରେ ନିୟୋଜିତ ଥିବା ଜଣେ ପୋଲିସ ଅଧିକାରୀଙ୍କୁ ମାଡ଼ ମାରୁଥିବାର ଭିଡ଼ିଓ ଭାଇରାଲ ହେବାରେ ଲାଗିଛି। ତେବେ ଏହି ଘଟଣାଟି ଗତକାଲି ନରେନ୍ଦ୍ର ମୋଦି ଷ୍ଟାଡ଼ିୟମର ବୋଲି ଜଣାପଡ଼ିଛି। ଏହି ଭିଡ଼ିଓ ଏବେ ସୋସିଆଲ ମିଡ଼ିଆରେ ଦୃତ ବେଗରେ ଭାଇରାଲ ହେବାରେ ଲାଗିଛି। 

ଭାଇରାଲ ଭିଡ଼ିଓରେ ଦେଖିବାକୁ ମିଳୁଛି କି ଜଣେ ପୋଲିସ ଅଧିକାରୀ ଓ ମହିଳାଙ୍କ ମଧ୍ୟରେ ହାତାହାତି ପରିସ୍ଥିତି ସୃଷ୍ଟି ହୋଇଥିଲା। ମହିଳା ଜଣକ ଉକ୍ତ ପୋଲିସ ଅଧିକାରୀଙ୍କୁ ଧକ୍କା ମାରିବା ସହିତ ଚାପୁଡ଼ା ମାରୁଥିବାର ଦୃଶ୍ୟ ଦେଖିବାକୁ ମିଳିଛି। ପ୍ରଥମେ ଉକ୍ତ ପୋଲିସ ଅଧିକାରୀ ମହିଳା ଜଣଙ୍କୁ କିଛି କହିବାକୁ ଉଦ୍ୟମ କରୁଛନ୍ତି। ଏହି ସମୟରେ ମହିଳା ଜଣଙ୍କ ତାଙ୍କୁ ଧକ୍କା ମାରୁଛନ୍ତି। ପରେ ଉକ୍ତ ଅଧିକାରୀ ଆସୁଥିବା ସମୟରେ ପୁନର୍ବାର ଉକ୍ତ ମହିଳା ତାଙ୍କୁ ଆଉଥରେ ଧକ୍କା ମାରୁଛନ୍ତି। ଫଳରେ ସେ ତଳେ ପଡ଼ିଯାଉଥିବା ଦେଖିବାକୁ ମିଳିଛି। ଏହି ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଉକ୍ତ ମହିଳାଙ୍କୁ ଚାରିଆଡ଼ୁ ସମାଲୋଚନା କରାଯାଉଛି। 

ସୂଚନାଯୋଗ୍ୟ ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୩ ରେ ଚେନ୍ନାଇ ସୁପର କିଙ୍ଗସ୍ ଓ ଗୁଜୁରାଟ ଟାଇଟାନ୍ସ  (Chennai Super Kings Vs Gujarat Titans) ମଧ୍ୟରେ ୨୮ ମଇ ୨୦୨୩ ରେ ଫାଇନାଲ୍ ମ୍ୟାଚ୍ ଖେଳାଯିବ । ଏହି ମ୍ୟାଚ୍ ସନ୍ଧ୍ୟା ୭:୩୦ ରୁ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଅନୁଷ୍ଠିତ ହେବ । ମ୍ୟାଚ୍ ପୂର୍ବରୁ ମଧ୍ୟ ଅନେକ ଭେଟେରାନ୍ ଖେଳାଳି ଏହାର ବିଜେତା କିଏ ହେବ, ସେ ବିଷୟରେ ନିଜର ପୂର୍ବାନୁମାନ କରିଛନ୍ତି ।

Csk fans slapped and hit this male officer that was shameful#CSKvGT #IPLFinals pic.twitter.com/7cdLm3hmTN

— Priyanshu (@PriyanshuVK18K) May 28, 2023

ଭେଟେରାନମାନେ ଚୟନ କଲେ ସେମାନଙ୍କର ବିଜେତା ଟିମ୍
ଆଇପିଏଲ୍ ୨୦୨୩ ରେ ଏପର୍ଯ୍ୟନ୍ତ ଉଭୟ ଚେନ୍ନାଇ ସୁପର କିଙ୍ଗ୍ସ ଓ ଗୁଜୁରାଟ ଟାଇଟାନ୍ସରଦଳର ପ୍ରଦର୍ଶନ ଅତ୍ୟନ୍ତ ଭଲ ରହିଛି । ଏଭଳି ପରିସ୍ଥିତିରେ ଉଭୟଙ୍କ ମଧ୍ୟରୁ ଗୋଟିଏକୁ ବାଛିବା ବହୁତ କଷ୍ଟକର । ଏହି ମ୍ୟାଚର ବିଜେତାମାନଙ୍କୁ ନେଇ ଭେଟେରାନମାନଙ୍କ ମତ ମଧ୍ୟ ଭିନ୍ନ ଭିନ୍ନ ଆସିଛି । ଯେଉଁଥିରେ କେତେକ ଚେନ୍ନାଇର ପକ୍ଷ ନେଇଥିବାବେଳେ, ଅବଶିଷ୍ଟମାନେ ଗୁଜରାଟକୁ ବାଛିଛନ୍ତି ।

ଷ୍ଟାର୍ ସ୍ପୋର୍ଟସ୍ ଏହାର ଅଫିସିଆଲ୍ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର କରିଛି, ଯେଉଁଥିରେ ମାଥ୍ୟୁ ହେଡେନ ଓ କେଭିନ ପିଟରସେନଙ୍କ ଠାରୁ ଆରମ୍ଭ କରି ଶ୍ରୀସନ୍ତ, ଫାଫ ଡୁପ୍ଲେସି ଓ ଭେଙ୍କଟେଶ ଆଇୟର ପର୍ଯ୍ୟନ୍ତ ସେମାନଙ୍କର ଭବିଷ୍ୟବାଣୀ କରୁଥିବା ଦେଖାଯାଉଛି । ବିଜେତା ବିଷୟରେ ମାଥ୍ୟୁ ହେଡେନ୍ କହିଛନ୍ତି, ଟାଟା ଆଇପିଏଲ୍ ୨୦୨୩ ପାଇଁ ମୋର ଚାମ୍ପିଅନ୍ ଦଳ ଚେନ୍ନାଇ ସୁପର କିଙ୍ଗ୍ସ ହେବ । କେଭିନ ପିଟରସେନ କହିଛନ୍ତି ଯେ ମୋ ଅନୁଯାୟୀ ଗୁଜୁରାଟ ଟାଇଟାନ୍ସ ଚଳିତ ବର୍ଷ ଚାମ୍ପିୟନ ହେବ ।

ଏହି ଦଳ ଉପରେ ଆତ୍ମବିଶ୍ୱାସ ପ୍ରକାଶ କଲେ ଡୁ ପ୍ଲେସିସ୍ ଓ ଶ୍ରୀସନ୍ତ 
ଆଇପିଏଲର ବିଜେତା ବିଷୟରେ ଆରସିବି ଅଧିନାୟକ ଫାଫ୍ ଡୁ ପ୍ଲେସିସ୍ ପୂର୍ବତନ ଦଳ ଚେନ୍ନାଇ ସୁପର କିଙ୍ଗ୍ସକୁ ଭୋଟ୍ ଦେଇଛନ୍ତି, ସେ କହିଛନ୍ତି, 'ମୋର ଭବିଷ୍ୟବାଣୀ ଏହା ଯେ ଚଳିତ ବର୍ଷ ଟାଟା ଆଇପିଏଲ୍ CSK ଜିତିବ' । ଫାଇନାଲ୍, ମୋ ଅନୁଯାୟୀ, ଫାଇନାଲରେ ମେଣ୍ଟରଙ୍କ ସ୍ଥିତି ଅଧିକ ଶକ୍ତିଶାଳୀ ହେବ । ମୁଁ ଖୁସି ହେବି ଯେ ଧୋନି ଭୋଇ ଚଳିତ ବର୍ଷ ପଞ୍ଚମଥର ପାଇଁ ଟ୍ରଫି ଉଠାଇବେ । କେକେଆର ତାରକା ବ୍ୟାଟ୍ସମ୍ୟାନ୍ ଭେଙ୍କଟେଶ ଆୟର କହିଛନ୍ତି ଯେ ଜିଟି ବନାମ ସିଏସକେ ଫାଇନାଲରେ ଘରୋଇ  ଜିଟି ଘରୋଇ କଣ୍ଡିସନ୍ ଲାଭ ପାଇବ ଓ ସେ ଖେଳୁଥିବା ପଦ୍ଧତି ଅନୁଯାୟୀ ସେ ଆଜି ଜିତି ପାରିବ ।

CSK ବନାମ GT ହେଡ୍ ଟୁ ହେଡ୍ ରେକର୍ଡ
ହେଡ-ଟୁ-ହେଡ ରେକର୍ଡ ବିଷୟରେ କହିବାକୁ ଗଲେ ଏପର୍ଯ୍ୟନ୍ତ ଦୁଇ ଦଳ ମଧ୍ୟରେ ମୋଟ ଚାରିଟି ମ୍ୟାଚ୍ ଖେଳାଯାଇଛି, ଯେଉଁଥିରେ ଗୁଜରାଟ ଥରେ ଓ ଚେନ୍ନାଇ ତିନିଥର ମ୍ୟାଚ୍ ଜିତିଛି ।