ଭୁବନେଶ୍ୱର ମୁଖ୍ୟ ଯୋଗାଣ ଅଧିକାରୀଙ୍କ ଘରେ ଭିଜିଲାନ୍ସ ରେଡ୍, ୫ଶହ ଗ୍ରାମ ସୁନା ସହ ନଗଦ ଟଙ୍କା ଜବତ

ସମୁଦାୟ ୮ଟି ସ୍ଥାନରେ ଏକକାଳୀନ ଚଢାଉ କରିଛି ଭିଜିଲାନ୍ସ । ରାଜଧାନୀରେ ଥିବା ତାଙ୍କ ସରକାରୀ ଅଫିସ ଓ ସରକାରୀ ବାସଭବନ ସମେତ ପାଣ୍ଡରା, ଲକ୍ଷ୍ମୀସାଗର, ଚନ୍ଦ୍ରଶେଖରପୁର, ବ୍ରହ୍ମପୁର, ଭବାନୀପୁରରେ ଭିଜିଲାନ୍ସ ଟିମ୍ ବିଭିନ୍ନ ପ୍ରକାରର ଖୋଳତାଡ ଚଳାଇଛନ୍ତି ।

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ମୁଖ୍ୟ ଯୋଗାଣ ଅଧିକାରୀଙ୍କ ଘର ସମେତ ଲିଙ୍କ୍ ଥିବା ସମୁଦାୟ ୮ଟି ସ୍ଥାନରେ ଏକକାଳୀନ ଚଢାଉ କରିଛି ଭିଜିଲାନ୍ସ  (vigilance raid)। ରାଜଧାନୀରେ ଥିବା ତାଙ୍କ ସରକାରୀ ଅଫିସ ଓ ସରକାରୀ ବାସଭବନ ସମେତ ପାଣ୍ଡରା, ଲକ୍ଷ୍ମୀସାଗର, ଚନ୍ଦ୍ରଶେଖରପୁର, ବ୍ରହ୍ମପୁର, ଭବାନୀପୁରରେ ଭିଜିଲାନ୍ସ ଟିମ୍ ବିଭିନ୍ନ ପ୍ରକାରର ଖୋଳତାଡ ଚଳାଇଛନ୍ତି । 

ଚଢାଉ ସମୟରେ ବିପୁଳ ତଥା ଆୟ ବହିର୍ଭୁତ ସମ୍ପତ୍ତି ମିଳିଥିବା ନେଇ ସୂଚନା ରହିଛି । କେବଳ ଭୁବନେଶ୍ୱରରେ ବାବୁଙ୍କର ୨ଟି ଏକାଧିକ ମହଲାର ବିଲଡିଂ ସହିତ ଦୁଇଟି ସ୍ଥାନରେ ଫ୍ଲାଟ୍ ଏବଂ ୫ଟି ପ୍ଲଟ୍ ରହିଛି । ବର୍ତ୍ତମାନ ପର୍ଯ୍ୟନ୍ତ ମିଳିଥିବା ଖବର ଅନୁଯାୟୀ ମୁଖ୍ୟ ଯୋଗାଣ ଅଧିକାରୀଙ୍କ ଘରୁ ୫ଶହ ଗ୍ରାମର ସୁନା ସହିତ ନଗଦ ୧ ଲକ୍ଷ ୨୧ ହଜାର ଟଙ୍କା ଜବତ ହୋଇଛି । ଏଥିସହିତ ବ୍ୟାଙ୍କ ଆକାଉଣ୍ଟରେ କୋଟିଏ ୩୭ ଲକ୍ଷ ଟଙ୍କା ରହିଥିବା ଜଣାପଡିଛି । ତେବେ ସମ୍ପୂର୍ଣ୍ଣ ଚଢାଉ ପରେ ଜଣାପଡିବ ଯେ, ଆଉ କେଉଁଠି ବାବୁଙ୍କର ସମ୍ପତ୍ତି ରହିଛି ।