Metro: ଭୁବନେଶ୍ବର ମେଟ୍ରେକୁ ନେଇ ଆସିଲା ବଡ଼ ଅପଡେଟ୍, ବିମାନ ବନ୍ଦରରୁ ଆଚାର୍ଯ୍ୟ ବିହାର ଯାଏଁ ରହିବ ଏତିକିଟି ଷ୍ଟେସନ୍

Metro: ଦିଲ୍ଲୀ ମେଟ୍ରୋ  ରେଳ ନିଗମ (DMRC) ଭୁବନେଶ୍ବର ମେଟ୍ରୋ ପ୍ରଥମ ପର୍ଯ୍ୟାୟ ପ୍ରକଳ୍ପର ପ୍ୟାକେଜ୍ ବିବିସି-୩ର ନିର୍ମାଣ କାର୍ଯ୍ୟ  ପାଇଁ ଟେଣ୍ତର ଆହ୍ବାନ କରିଛି। ଯାହା ତ୍ରିସୁଳିଆ ସ୍କୋୟାର- ବିଜୁପଟ୍ଟନାୟକ  ବିମାନ ବନ୍ଦରକୁ ୨୦ଟି ଷ୍ଟେସନ୍ ମାଧ୍ୟମରେ ସଂଯୋଗ କରିବ।  ତ୍ରିସୁଳିଆ ରୁ ବିମାନ ବନ୍ଦର ଯାଏଁ  ମୋଟ୍ ରେଳ ଲାଇନ୍ ୨୬ କିମି ହୋଇଥିବା ବେଳେ  ଏହି ଲାଇନ୍-୧ ବିମାନ ବନ୍ଦର ଠାରୁ ଆଚାର୍ଯ୍ୟ ବିହାର ଯାଏଁ ପ୍ରାୟ ୭,୧୨୨ କିମି ଅଞ୍ଚଳକୁ ସଂଯୋଗ କରିବ। ମେଟ୍ରୋ ରହଣୀ ଲାଗି  ପ୍ରଥମ ପ୍ୟାକେଜ୍ ବିବିସି-୩ ଅଞ୍ଚଳରେ ୬ ଷ୍ଟେସନ ନିର୍ମାଣ ହେବ।  ପ୍ରଥମ ବିମାନ ବନ୍ଦରରେ , ଦ୍ବିତୀୟ କ୍ୟାପିଟାଲ୍ ହସପିଟାଲ୍,  ତୃତୀୟ ବାପୁଜି ନଗର(ଶିଶୁ ଭବନ ଛକ), ଚତୁର୍ଥ ମାଷ୍ଟର କ୍ୟାଣ୍ଟିନ୍-ଭୁବନେଶ୍ବର ରେଳ ଷ୍ଟେସନ, ପଞ୍ଚମ ରାମ ମନ୍ଦିର ଛକ, ଷଷ୍ଠ ବାଣୀ ବିହାର ଛକ ଦେଇ  ଆଚାର୍ଯ୍ୟ ବିହାର ଯାଏଁ ନିର୍ମାଣ ହେବ। 

୬ ଉଚ୍ଚ ଷ୍ଟେସନ ମାଧ୍ୟମରେ କ୍ୟାପିଟାଲ୍ ହସପିଟାଲକୁ ଆଚାର୍ଯ୍ୟ ବିହାର ସ୍କୋୟାର ସହ ସଂଯୋଗ କରାଯିବ। ପ୍ୟାକେଜ୍ ବିସିସି-୩ ଲାଇନର ଦକ୍ଷିଣ ପାଶ୍ବ  ଏବଂ ପ୍ୟାକେଜ୍  ବିବିସି-୨ ପରେ  ବିସିସି-୩ ଦ୍ବୀତିୟ ପ୍ରମୁଖ ସିଭିଲ୍ ପ୍ୟାକେଜ୍ । ଯାହା ଲାଇନର ଉତ୍ତର ପାଶ୍ବର ୧୬ ହେକ୍ଟର ପାର୍ସଲରେ ଫୁଲାପୋଖରୀ ଡିପୋ  ଓ ଓ୍ବାକସପ୍ ନିର୍ମାଣ ସହ ଜଡିତ। ଏହି ନିର୍ମାଣ କାର୍ଯ୍ୟକୁ ଶେଷ କରିବାକୁ ୩ ବର୍ଷ ସମୟ ଦିଆଯାଇଥିବା ବେଳେ ୬୩୦.୬୫ କୋଟି ଟଙ୍କା ଏହାର ବ୍ୟୟ ଅଟକଳ ଧାର୍ଯ୍ୟ  କରାଯାଇଛି।  

ସୂଚନା ଯୋଗ୍ୟ  ଫେବୃଆରୀ ୮ ତାରିଖ ଦିନ  ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପର ପ୍ରଥମ ପର୍ଯ୍ୟାୟ କାର୍ଯ୍ୟ ସମ୍ପର୍କରେ ରାଜ୍ୟ ସ୍ତରୀୟ ପ୍ରକଳ୍ପ ତଦାରଖ କମିଟି ବୈଠକ ମୁଖ୍ୟ ସଚିବ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ୨୦୨୪, ଜାନୁଆରୀ ୧ ତାରିଖରେ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ଏହି ପ୍ରକଳ୍ପ ପାଇଁ ଭିତ୍ତି ପ୍ରସ୍ତର ସ୍ଥାପନ କରିଥିଲେ। ୨୦୨୭, ଡିସେମ୍ବର ସୁଧା ଏହି ପ୍ରକଳ୍ପ କାମ ଶେଷ କରିବାକୁ ଲକ୍ଷ ରଖାଯାଇଛି। ପ୍ରଥମ ପର୍ଯ୍ୟାୟରେ  ମେଟ୍ରୋ- ଭୁବନେଶ୍ବର ବିମାନବନ୍ଦରରୁ କଟକ ତ୍ରିସୁଳିଆ ପର୍ଯ୍ୟନ୍ତ କାର୍ଯ୍ୟକାରୀ ହେବ। ପ୍ରଥମ ପର୍ଯ୍ୟାୟ ପାଇଁ ୫ ହଜାର ୯୨୯ କୋଟି ୩୮ ଲକ୍ଷ ଟଙ୍କା ଖର୍ଚ୍ଚ କରାଯିବ।